[1] Job ko:
[2] I bɛ mɔgɔ barikantan dɛmɛ koyi, i bɛ bolo barika dɛsɛlen kuraya.
[3] I bɛ hakilintan laadi, ka i ka hakilitigiya jira a la.
[4] I ye i ka kuma fɔ jɔn ye? Jɔn ye i kalan i ka kuma fɔta la?
[5] Mɔgɔ salen niw bɛ yɛrɛyɛrɛ kɔgɔji ni a kɔnɔ fɛnw jukɔrɔ.
[6] Fɛn birilen tɛ lahara dugu la Ala ɲɛ kɔrɔ. Fini birilen tɛ halaki dingɛ da la.
[7] A bɛ saheli fɛnsɛ yɔrɔ lankolon kun na. A bɛ dugukolo dulon k'a sɔrɔ a ma dulon fɛn na.
[8] A bɛ ji lajɛ ɲɔgɔn kan sankabaw la, o giriya tɛ sankabaw fara.
[9] A bɛ a ka masasigilan datugu ka sankaba biri a kan.
[10] A bɛ dan kooli ji kun na, ka kɛ kɛnɛ ni dibi dan ye.
[11] Sankolo samasenw bɛ yuguyugu ka yɛrɛyɛrɛ a ka lasiranni ɲɛ.
[12] A bɛ kɔgɔji lawuli ni a ka sebaaya ye, ka kuncɛba karikari ni a ka hakilitigiya ye.
[13] A dafiɲɛ bɛ sankolo saniya, a bɛ sakɔrɔ bolitɔ cɛ sɔgɔ ni a bolo barikama ye.
[14] Nka o ye a ka kɛwalew la fitinin de ye. An tulo ye o mankan fitinin dama mɛn. Jɔn bɛ se ka a ka sebaaya sanpɛrɛnkanba muɲu?