[1] «Matigi i ka Ala bɛ jamana min di i ma, ni Matigi i ka Ala ye o jamana siyaw halaki tuma min na, ni i sigira u ka duguw ni u ka sow kɔnɔ,
[2] o tuma la Matigi i ka Ala bɛ jamana min di i ma ka kɛ i ta ye, i ka o tila saba ye ka dugu kelen-kelen ɲɛnatɔmɔ o tila yɔrɔw bɛɛ kelen-kelen cɛmancɛ la, ka siraw bɔ ka se o duguw ma. I ka o kɛ walisa ni mɔgɔ min ye mɔgɔ faga, o ka boli ka taa o duguw dɔ la.
[4] Min bɛ se ka boli ka taa yen k'a yɛrɛ ni kisi, o ye mɔgɔ ye min ye a mɔgɔɲɔgɔn faga ni a m'a lawuli a kama, ni juguya tun tɛ u cɛ ka kɔrɔ.
[5] I n'a fɔ ni mɔgɔ dɔ ni a tɔɲɔgɔn taara kungo kɔnɔ ka jiri tigɛ, ka o mɔgɔ to jiri tigɛli la ni jele ŋununa ka bɔ a kala la ka a tɔɲɔgɔn sɔrɔ ka o faga, o tigi ka boli ka taa o duguw dɔ la k'a ni kisi. Joli hakɛ bɔbaa diminnen kana na tugu o mɔgɔ fagala nɔ fɛ ka kun a la sira janya kosɔn ka o mɔgɔ gosi k'a faga, k'a sɔrɔ a tun man kan ka faga, juguya tun tɛ a ni a tɔɲɔgɔn cɛ ka kɔrɔ.
[7] O de y'a to ne b'a fɔ i ye bi ko i ka dugu saba bila u dan na.
[8] Ne ye ci minw fɔ i ye bi, ni i ye olu bɛɛ mara ka u kɛ, ka Matigi i ka Ala kanu, ka a ka siraw taama tuma bɛɛ, Matigi i ka Ala ye jamana min layidu ta i bɛnbaw ye ko a na o di u ma, o na sɔrɔ. Ni Matigi i ka Ala ye i dancɛw bonya i ko a y'a kali i bɛnbaw ye cogo min na, ni a ye o jamana bɛɛ di i ma tuma min na, o tuma la i ka dugu saba wɛrɛɲɛnatɔmɔ ka u fara fɔlɔ taw kan.
[10] O ka kɛ walisa Matigi i ka Ala bɛ jamana min di i ma ka kɛ i ta ye, mɔgɔ jalakibali joli kana bɔn o kɔnɔ, o joli hakɛ kana bi i kan.
[11] «Nka ni mɔgɔ dɔ ye a mɔgɔɲɔgɔn koniya ka i merun k'a makɔnɔ ka wuli a kama k'a gosi fo k'a faga, o kɔ ka boli ka taa o dugu dɔ la,
[12] o tuma la a yɛrɛ ka dugu cɛkɔrɔbaw ka ci bila ka taa a minɛ ka na n'a ye k'a don joli hakɛ bɔbaa bolo, walisa a ka faga.
[13] I kana hinɛ a la fewu, i ka mɔgɔ jalakibali joli hakɛ mabɔ Israɛl la walisa aw ka to hɛrɛ la.
[14] «Matigi i ka Ala bɛ jamana min di i ma ka kɛ i ta ye, ni i ye i ka ciyɛn ta, k'i to o kɔnɔ, i kana i sigiɲɔgɔn ka dugukolo dancɛw yɛlɛma, olu minw sigira aw bɛnbaw fɛ.
[15] «Seere kelen ka kuma kana minɛ mɔgɔ dɔ ka hakɛma ko wala a ka tilenbaliya ko kɛlen si ko la. Ko bɛɛ ka jɛya seere fila wala seere saba dala kuma fɛ.
[16] «Ni seere nkalontigɛla wulila ka mɔgɔ dɔ sendon ko jugu dɔ la,
[17] o sɔsɔli kɛra mɔgɔ fila minw cɛ, olu ka taa u jɔ Matigi ɲɛ kɔrɔ, ka kuma o waati sarakalasebaa ni kiritigɛlaw ɲɛ na.
[18] O kiritigɛlaw na o ko sɛgɛsɛgɛ kosɛbɛ. Ni o seere kɛra nkalontigɛla ye, ni a y'a balima sendon nkalon kan,
[19] o tuma la a tun b'a fɛ ka ko jugu min kɛ a balima la, aw ka o bɔɲɔgɔnko kɛ a yɛrɛ la. I na ko jugu ban i cɛma ten.
[20] Mɔgɔ tɔw na o kibaru mɛn ka siran, u tɛna o ɲɔgɔn ko jugu kɛ i cɛma tun.
[21] I kana hinɛ a la fewu. Ni ka kɛ ni sara ye, ɲɛ ka kɛɲɛ sara ye, ɲin ka kɛɲin sara ye, bolo ka kɛ bolo sara ye, sen ka kɛ sen sara ye.