[1] Dawuda y'a fɔ a yɛrɛ kɔnɔ ko: «Saul na ne faga don dɔ la. Cogo wɛrɛ si tɛ ne fɛ fɔ ka taa Filisitikaw ka jamana la walisa Saul kana ne ɲini Israɛl bɔnsɔn ka jamana la tun. Ne na tila a ka nɔgɛnni la o cogo la.»
[2] O tuma la Dawuda wulila ni a nɔfɛ cɛ kɛmɛ wɔɔrɔ ye ka taa Gat masakɛ Maok denkɛ Akis yɔrɔ la.
[3] Dawuda ni a nɔfɛ cɛw taara ni u ka gwa mɔgɔw ye ka u sigi Gat. Dawuda ni a muso fila tun don. Olu tun ye Akinoam ye ka bɔ Jizreɛl ani Abigail ka bɔ Karmɛl, o tun ye Nabal muso ye.
[4] Saul y'a mɛn ko Dawuda bolila ka taa Gat minkɛ, a ye Dawuda ɲinili dabila.
[5] Dawuda y'a fɔ Akis ye ko: «Ni ne ko diyara i ye, i ka kungokolon da fɛ dugu dɔ di ne ma ne ka ne sigi yen. Mun y'a to ne bɛ to masakɛ ka dugu kɔnɔ ka kɛ i doni ye?»
[6] Akis ye Ziklag di Dawuda ma o don na. O de kosɔn Ziklag kɛra Juda masakɛw ta ye fo ka na se bi ma.
[7] Dawuda ye san kelen ni kalo naani kɛ Filisitikaw ka jamana la.
[8] Dawuda ni a fɛ mɔgɔw tun bɛ yɛlɛn ka taa Gesurkaw ni Gezɛrkaw ani Amalɛk bɔnsɔn kɛlɛ, katuguni o siyaw sigilen tun bɛ o jamana la kabini waati jan. Dawuda ye u kɛlɛ ka bɔ Sur fo ka taa se Misira jamana la.
[9] Dawuda ye o jamana bɛɛ tiɲɛn. A ma cɛ si wala muso siɲɛnama to. A ye misiw ni sagaw ni faliw niɲaamɛw ani finiw cɛ ka kɔsegin ka taa masakɛ Akis yɔrɔ.
[10] Ni Akis tun y'a ɲininka ko: «Aw taara yɔrɔ jumɛn kɛlɛ bi?» Dawuda tun b'a jaabi ko: «Juda worodugu yanfan ani Jerakmeɛl siya worodugu yanfan ani Keni siya ka jamana worodugu yanfan.»
[11] Dawuda ma cɛ wala muso siɲɛnama to ka na ni o ye Gat, k'a masɔrɔ Dawuda tun bɛ siran ko u ye ko minw kɛ, u kana na olu fɔ ko: «Dawuda ye min kɛ, o filɛ nin ye.» Dawuda y'a kɛ ten a ka waati bɛɛ la k'a to Filisitikaw ka jamana la.
[12] Masakɛ Akis jigi tun bɛ Dawuda kan, a ko: «Dawuda ye a yɛrɛ kɛ Israɛl jugu ye cogo min na, a na kɛ ne ka baaraden ye a si bɛɛ la.»