[1] Saul si ye san dɔw sɔrɔ tuma min na, a kɛra masakɛ ye. A tun ye san fila kɛ Israɛl bɔnsɔn kun na nin waati la.
[2] Saul ye Israɛl bɔnsɔn cɛ waa sabaɲɛnatɔmɔ. Cɛ waa fila tora a fɛ Mikmas ani Bɛtɛl kulu kan. Cɛ waa kelen tora a denkɛ Jonatan fɛ Gibea, Benjamɛn jamana la. Jama tɔ minw tora, a ye olu bɛɛ bila ka taa u ka yɔrɔw la u ka finisow kɔnɔ.
[3] Filisitikaw ka daga min tun bɛ Geba, Jonatan ye o ci. Filisitikaw ye o kibaru mɛn. Saul ye buru fyɛ jamana yɔrɔ bɛɛ la k'a fɔ ko: «Hɛburuw bɛɛ k'a mɛn.»
[4] O tuma la Israɛl bɔnsɔn bɛɛ y'a mɛn ko Saul ye Filisitikaw ka daga ci, ko Israɛl ye Filisitikaw ka dimiya lawuli u kama. Mɔgɔw bɛɛ welela ka taa Saul kɔrɔ Gilgal.
[5] Ayiwa Filisitikaw ye ɲɔgɔn lajɛ ka Israɛl bɔnsɔn kɛlɛ. U ka wotoro tun ye waa bisaba ye, u ka so kan yɛlɛnbaaw tun ye waa wɔɔrɔ ye, ani mɔgɔw caman, u tun ka ca i ko kɔgɔji dala cɛncɛn. O tuma la u yɛlɛnna ka taa daga sigi Mikmas, Bɛt-Avɛn kɔrɔn yanfan fɛ.
[6] Israɛl bɔnsɔn y'a ye ko Filisitikaw sera u ma, ko tila cogo tɛ u bolo minkɛ, u y'u dogo kuluwow ni jirituw ni faraw cɛma ani kɛlɛ kunbɛn yɔrɔw ni dingɛw kɔnɔ.
[7] Heburu dɔw bolila ka Jurdɛn ba tigɛ ka taa Gad jamana ni Galad jamana la. O y'a sɔrɔ Saul tun bɛ Gilgal fɔlɔ. Mɔgɔw bɛɛ yɛrɛyɛrɛtɔ tugura a nɔ fɛ.
[8] Saul ye tile wolonwula kɛ ka Samuɛl makɔnɔ i ko o tun y'a fɔ cogo min na, nka Samuɛl ma se Gilgal, mɔgɔw daminɛna ka yɛrɛkɛ.
[9] O tuma la Saul ko: «A' ye na ni saraka jenitaw ni nisɔndiya sarakaw ye ne fɛ yan.» O tuma la a ye saraka lase.
[10] A tilalen kɔ saraka laseli la, Samuɛl sera yen. Saul bɔra ka taa a kunbɛn ka a fo,
[11] nka Samuɛl y'a fɔ a ye ko: «I ye mun kɛ?» Saul y'a jaabi ko: «Kabini ne y'a ye ko mɔgɔw y'a daminɛ ka yɛrɛkɛ, ko i ma na don fɔlen na, ani ko Filisitikaw lajɛra Mikmas,
[12] o de kosɔn ne ko, sisan Filisitikaw bɛ na ne kama Gilgal, k'a sɔrɔ ne ma Matigi deli. O de y'a to ne ye ne yɛrɛ karaba ka saraka jenita lase.»
[13] Samuɛl y'a fɔ Saul ye ko: «I ye hakilintanya kɛ. Matigi, i ka Ala tun ye ci minw fɔ, i ma olu mara. Matigi tun na i ka masaya banba Israɛl bɔnsɔn cɛma,
[14] nka sisan i ka masaya tɛna mɛn. Matigi ye a diyaɲe mɔgɔ wɛrɛɲɛnatɔmɔ, a y'a latigɛ ka o kɛ Israɛl bɔnsɔn kuntigi ye, k'a masɔrɔ i ma Matigi ka ci mara.»
[15] O kɔ, Samuɛl wulila ka bɔ Gilgal ka taa Gibea, Benjamɛn jamana la. Saul ye a fɛ mɔgɔw dan, olu kɛra cɛ kɛmɛ wɔɔrɔɲɔgɔn ye.
[16] Saul ni a denkɛ Jonatan ni u fɛ mɔgɔw tun ye u labɛn Geba, Benjamɛn jamana la, o y'a sɔrɔ Filisitikaw ye daga sigi Mikmas.
[17] Kɛlɛbolo saba bɔra Filisitikaw ka daga la ka tiɲɛnni kɛ. Bolo kelen taara Ofira sira fɛ ka taa Sual jamana fan fɛ.
[18] Bolo dɔ taara Bɛt-Horɔn sira fɛ, a bolo sabanan taara dancɛ sira fɛ ka se Zeboim jɛkɛnɛ la ka sin kungokolon ma.
[19] O waati la numu ma sɔrɔ Israɛl bɔnsɔn ka jamana yɔrɔ si la katuguni Filisitikaw tun b'a fɔ ko: «Aw ka Hɛburuw bali, u kana npanw ni tamaw dila u yɛrɛw ye.»
[20] Ni Israɛl bɔnsɔn ka soliw ni dabaw ni misidabaw ni jelew da tun goyara tuma min na, Israɛl mɔgɔw bɛɛ kelen-kelen tun bɛ taa Filisitikaw yɔrɔ ka u ka soliw ni u ka misidabaw ni u ka jelew ani u ka dabaw da diya ka misigɛn berew nun bɔ.
[22] Kɛlɛ don na npan ni kala tun tɛ Saul ni Jonatan nɔfɛ mɔgɔw si bolo, foyi tun tɛ u si bolo Saul ni a denkɛ Jonatan kɔ.
[23] Filisitikaw ka kɛlɛbolo kelen nana Mikmas kulu furancɛ minɛ.