[1] O tuma la Ane ye nin delili kɛ, ko: «Matigi ye ne dusu faɲagali la, Matigi ye ne kun kɔrɔta. Ne da yɛlɛla ne juguw kama katuguni a ka dɛmɛni ye ne nisɔndiya.
[2] «Matigi bɔɲɔgɔnko si tɛ senuya la, Ala wɛrɛ si tɛ i kelen kɔ. Farakurun si tɛ i kɔ, an ka Ala.
[3] Aw ka yɛrɛ bonya kuma dabila, kuncɛbaya kuma kana bɔ aw da la, k'a masɔrɔ Matigi ye fɛn bɛɛ dɔnbaa Ala ye, a tɛna kɛwale jugu sarabali to.
[4] Barikatigiw ka bɔnnikɛ kalaw karila, barikantanw ye barika sɔrɔ ka u cɛ siri.
[5] Minw tun ye fɛntigi ye, olu donna baara la ka dumuni ɲini. Kɔngɔtɔw fara. Muso kɔna ye kɔnɔɲɛ wolonwula kɛ, muso den caman tigi bɔnɛna a denw la.
[6] Matigi bɛ fagali kɛ, a bɛɲɛnamaya di. A bɛ mɔgɔw bila lahara, a bɛ u lawuli ka bɔ yen.
[7] Matigi bɛ mɔgɔ bolo lankolonya, a bɛ mɔgɔ bolo fa. A bɛ mɔgɔ majigin, a bɛ mɔgɔ kɔrɔta fana.
[8] A bɛ faantan kɔrɔta ka bɔ buguri la. A bɛ kɔlibaatɔ lawuli ka bɔ sununkun na, walisa k'a lasigi faamaw kɛrɛ fɛ. A na nɔɔrɔ masasigilan di u ma ciyɛn ye, k'a masɔrɔ dugukolo samasenw ye Matigi ta ye, a ye diɲɛ sigi u kan.
[9] «A bɛ a kanubaaw senw kɔlɔsi, nka mɔgɔ juguw na halaki dibi la katuguni mɔgɔ tɛ se sɔrɔ a yɛrɛ barika la.
[10] E Matigi, i juguw bɛɛ kaɲɔɲɔ, Matigi bɛ sankulukan bɔ sankolo la u kama. Matigi na kiri tigɛ dugukolo fan bɛɛ kan, a na masaya di a ka masakɛ ma, a na a ka munlen bonya ni sebaaya ye.»
[11] Elkana kɔseginna ka taa a ka so Rama, nka cɛni tora Matigi ka baara la sarakalasebaa Eliɲɛ kɔrɔ yen.
[12] Ayiwa Eli denkɛw tun ye mɔgɔ sɔnkolonw ye, u ma Matigi dɔn.
[13] O sarakalasebaaw tun bɛ laada min kɛ jama ta fan fɛ, o filɛ nin ye: Ni mɔgɔ dɔ tun bɛ saraka bɔ tuma o tuma, sarakalasebaa ka baaraden tun bɛ na ni sogo sɔgɔlanɲin saba ye a bolo. Ni u tun bɛ sogo balabala tuma o tuma,
[14] a tun bɛ sogo sɔgɔ ka bɔ daga kɔnɔ. Fɛn o fɛn tun bɛ bɔ o sogo sɔgɔlan na, sarakalasebaa tun bɛ taa ni o ye. Israɛl mɔgɔ minw tun bɛ taa Silo, o tun ye u cogo ye olu bɛɛ la.
[15] Sani u ka a kɛn yɛrɛ jeni, sarakalasebaa ka baaraden tun bɛ na k'a fɔ sarakabɔbaa ye ko: «I ka sarakalasebaa niyɔrɔ sogo jiranta di, a tɛna sɔn sogo balabalalen na i bolo, fɔ sogo kɛnɛ.»
[16] Ni mɔgɔ dɔ y'a jaabi ko: «Kɛn ka jeni fɔlɔ, o kɔ, min ka di a ye, a ka o ta,» baaraden b'a fɔ ko: «Ayi, i k'a di sisan sisan. N'o tɛ, ne b'a ta diyagoya la.»
[17] O kamalenw ka jurumu bonyara Matigi ɲɛ kɔrɔ, k'a masɔrɔ u tun bɛ Matigi ka sarakaw mafiɲɛya.
[18] Samuɛl tun bɛ a ka baara kɛ Matigi ɲɛ kɔrɔ. Denmisɛn tun don o waati la, efɔd lenfu fini tun bɛ a kan na.
[19] Samuɛl ba tun bɛ forokiya dila a ye san o san ka taa a di a ma, ale ni a cɛ taatɔ saraka bɔ la.
[20] Eli ye dubaw kɛ Elkana ni a muso ye ko: «Nin muso ye den min di Matigi ma, Matigi ka den wɛrɛw di i ma o muso fɛ o den nɔ na.» O kɔ, u kɔseginna ka taa u ka so.
[21] Matigi dubara Ane ye. A ye kɔnɔ ta ka denkɛ saba wɛrɛ ni denmuso fila bange. Denmisɛn Samuɛl tun bɛ bonya Matigi ɲɛ kɔrɔ.
[22] Sarakalasebaa Eli tun kɔrɔla kosɛbɛ. A denkɛw tun bɛ min kɛ Israɛl cɛma, a ye o kibaru mɛn. A fɔra a ye ko muso minw bɛ baara kɛɲɔgɔn kunbɛn finiso da la, ko a denkɛw bɛ da olu fɛ.
[23] O tuma la Eli y'a fɔ u ye ko: «Mun y'a to aw bɛ nin kow kɛ? Ne ye aw ka kɛwale juguw kibaru mɛn mɔgɔw bɛɛ fɛ.
[24] Ayi, ne denw, ne ma kibaruɲuman mɛn aw ko la dɛ. Aw bɛ Matigi ka jama bila jurumu la.
[25] Ni mɔgɔ dɔ ye jurumu kɛ mɔgɔ dɔ la, Ala na kiri tigɛ, nka ni mɔgɔ dɔ bɛ jurumu kɛ Matigi la, jɔn na o kiri tigɛ?» Nka u ma sɔn ka u fa kan minɛ, katuguni Matigi tun b'a fɛ ka u faga.
[26] Denmisɛn Samuɛl y'a daminɛ ka bonya tuma min na, a ko diyara Matigi ni mɔgɔw bɛɛ ye.
[27] Ala ka cɛ dɔ taara Eli yɔrɔ k'a fɔ a ye ko: «Matigi ko: ‹Ne ma ne yɛrɛ jira i bɛnba Aron ni a ka gwa la ka Israɛl bɔnsɔn to Misira jamana la Faraon bolo jɔnya baara la wa?
[28] Ne ye a ɲɛnatɔmɔ ka bɔ Israɛl bɔnsɔn bɛɛ cɛma ka ne ka sarakalasebaaya baara kɛ ka saraka lase ne ka saraka bɔlan kan, ka suma diyalanw jeni ka efɔd don a kan na ne ɲɛ kɔrɔ. Ne ye Israɛl bɔnsɔn ka tasuma la sarakaw bɛɛ di i bɛnba ka so ma.
[29] Ne ye ne ka saraka fagata ni ne sɔn fɛn minw ko fɔ ne sigi yɔrɔ ko la, mun y'a to aw bɛ olu cɔngɔ aw sen kɔrɔ ka i denkɛw bonya ka tɛmɛn ne kan, ka aw yɛrɛw fa ni ne ka mɔgɔw Israɛl ka sarakaw bɛɛ laɲumanɲuman ye?›
[30] O de kosɔn Matigi, Israɛl ka Ala ko: ‹Ne tun y'a fɔ ko i ka so ni i bɛnbaw ka so na baara kɛ ne ɲɛ kɔrɔ badaa.› Nka Matigi ko sisan: ‹O miirili yɔrɔ ka jan ne la katuguni mɔgɔ minw bɛ ne bonya, ne na olu bonya, nka minw bɛ ne koniya, ne na olu don u juguw bolo.
[31] A filɛ, don bɛ na, ne na i fanga tiɲɛn, ka i bɛnba ka gwa fanga tiɲɛn, k'a masɔrɔ mɔgɔ kɔrɔ si tɛna sɔrɔ i ka so kɔnɔ.
[32] I na tɔɔrɔlikɛla ye ne ka so kɔnɔ, hali k'a sɔrɔ Matigi na hɛrɛba di Israɛl ma. Cɛkɔrɔba si tɛna sɔrɔ i ka so la abada.
[33] Ne na mɔgɔ kelen to ne ka saraka laseli baara la, nka o na kɛ walisa o ka i ɲɛji bɛɛ bɔ ka i dusu kasi. I bɔnsɔn bɛɛ kamalenma na sa.
[34] Ne na min kɛ i denkɛ fila, Hofini ni Fineɛs la, o na kɛ taamashyɛn ye u ye. U fila bɛɛ na sa don kelen na.
[35] O tuma la ne na sarakalasebaa dannamɔgɔ dɔɲɛnatɔmɔ. O na ne sago bɛɛ ni ne diyaɲekow bɛɛ kɛ. Ne na so barikama jɔ o ye, o na taama ne ka munlenɲɛ kɔrɔ tuma bɛɛ.
[36] I ka so kɔnɔ mɔgɔw tɔ tolenw bɛɛ bɛ na ka u ɲɔngiri a ɲɛ kɔrɔ ka warijɛ ni dumuni dɔɔnin deli a fɛ. U n'a deli ko a ka u bila sarakalasebaaya baara dɔ la, walisa u ka dumuni dɔɔnin sɔrɔ k'a dun.›»