[1] Dawuda tilalen kɔ kuma la Saul fɛ, Saul denkɛ Jonatan ni ani Dawuda ni sirilaɲɔgɔn na. Jonatan y'a kanu i ko a yɛrɛ ni.
[2] Saul taara n'a ye a ka so o don na. A ma sɔn Dawuda ka taa a fa ka so.
[3] Jonatan ye layidu ta Dawuda ye, k'a masɔrɔ a tun b'a kanu i ko a yɛrɛ ni.
[4] Dulɔkiba min tun b'a kan na, a ye o bɔ ka o di Dawuda ma, ani a ka nɛgɛ dulɔki ni a ka npan ni a ka kala ni a ka cɛ sirilan.
[5] Saul y'a ci yɔrɔ o yɔrɔ, a ka ko kɛtaw bɛɛ ɲɛna, o de y'a to Saul y'a bila a ka kɛlɛkɛ cɛw bɛɛ kun na. A ko diyara mɔgɔw bɛɛ ye, hali Saul ka baaradenw.
[6] Goliati fagalen kɔ Dawuda fɛ, kɛlɛbolow kɔseginna, musow bɔra Israɛl bɔnsɔn ka duguw bɛɛ la ka taa Saul kunbɛn. U ɲagalilen tun bɛ dɔnkili da ka dɔn kɛ ni ntama ni nkɔni ye.
[7] O musow tun bɛ dɔnkili da kaɲɔgɔn da laminɛ ko: «Saul ye mɔgɔ waa caman faga, Dawuda ye mɔgɔ waa tan caman faga.»
[8] O ye Saul dimin, o kumaw ma diya a ye fewu. A ko: «U ye Dawuda ta kɛ waa tan caman ye ka ne ta kɛ waa caman ye. Mun wɛrɛ bɛ se ka fara Dawuda bonya kan masaya kɔ?»
[9] Kabini o don na Saul ye Dawuda filɛ ni a ɲɛ jugu ye.
[10] O dugusajɛ ni jugu cira Ala fɛ ka jigin Saul kan. Fa donna Saul la a yɛrɛ ka so kɔnɔ. Dawuda ye nkɔni fɔ i ko a delila k'a kɛ cogo min na don o don. Tama tun bɛ Saul bolo.
[11] Saul ye o kerun k'a fɔ a yɛrɛ kɔnɔ ko: «Ne b'a gengen kogo la.» Nka Dawuda ye i cɛ ka bɔ tamaɲɛ siɲɛ fila.
[12] Saul siranna Dawudaɲɛ, k'a masɔrɔ Matigi tun bɛ Dawuda fɛ, nka a ye Saul bila.
[13] O de kosɔn Saul ye Dawuda bila ka taa k'a kɛ kɛlɛkɛ cɛ waa kelen kuntigi ye. Dawuda bɔra ka kɔsegin a ka mɔgɔw kun na.
[14] A ka ko kɛtaw bɛɛ ɲɛna, Matigi tun b'a fɛ.
[15] Saul y'a ye ko Dawuda ka kow bɛɛ ɲɛna minkɛ, a siranna Dawudaɲɛ ka ta'a fɛ.
[16] Nka Dawuda ko tun ka di Israɛl bɔnsɔn bɛɛ ni Juda bɔnsɔn bɛɛ ye, k'a masɔrɔ a tun bɛ mɔgɔw ɲɛ minɛ ka taa kɛlɛ la ka kɔsegin.
[17] Saul y'a fɔ Dawuda ye ko: «Ne denmuso fɔlɔ Merab filɛ nin ye. Ne b'a di i ma ka kɛ i muso ye. I jija ka baara kɛ dɔrɔn ka Matigi ka kɛlɛ kɛ.» Saul y'a fɔ a yɛrɛ kɔnɔ ko: «Ne tɛna se Dawuda ma, nka Filisitikaw na a faga.»
[18] Dawuda ye Saul jaabi ko: «Ne ye mun ye, ne kaɲɛnamaya ye mun ye, ne fa ka gwa ye mun ye Israɛl bɔnsɔn cɛma fo ne ka kɛ masakɛ birankɛ ye?»
[19] Saul denmuso Merab di tuma selen Dawuda ma, a dira Mehola Adriɛl ma.
[20] Nka Dawuda ko tun ka di Saul denmuso Mikal ye. Saul y'o mɛn minkɛ, o diyara a ye kosɛbɛ.
[21] A y'a fɔ a yɛrɛ kɔnɔ ko: «Ne na o furu Dawuda ma walisa o ka kɛ a minɛli jan ye ani walisa Filisitikaw k'a faga.» O tuma la Saul y'a fɔ Dawuda ye a siɲɛ filanan la ko: «I na kɛ ne birankɛ ye sisan.»
[22] O kɔ, Saul y'a fɔ a ka baaradenw ye ko: «Aw ka kuma Dawuda fɛ dogo la k'a fɔ a ye ko a k'a dɔn ko a ko ka di masakɛ ye, ko a ko ka di Saul ka baaradenw fana ye, a k'a labɛn ka kɛ masakɛ birankɛ ye.»
[23] Saul ka baaradenw ye o kumaw bɛɛ fɔ Dawuda ye. Dawuda y'u jaabi ko: «Aw ɲɛ na, a bɛ bɛn ne ka kɛ masakɛ birankɛ ye wa? Ne ye faantan tɔgɔntan de ye.»
[24] Saul ka baaradenw ye Dawuda ka jaabili fɔ Saul ye.
[25] Saul y'a fɔ u ye ko: «Aw k'a fɔ Dawuda ye ko, masakɛ tɛ furu fɛn ɲini fɔ Filisitikaw cɛ kɛmɛ bolokolen wolow, walisa ka a mɔnɛ bɔ a juguw la.» Saul ka miirili tun ye nin ye ko Dawuda ka faga Filisitikaw fɛ.
[26] Baaradenw ye o kuma lase Dawuda ma. A sɔnna ka kɛ masakɛ birankɛ ye.
[27] Sani o furu don ka se, Dawuda ni a nɔfɛ cɛw wulila ka taa Filisitikaw cɛ kɛmɛ fila faga ka na ni olu wolow dafalen ye ka olu di masakɛ ma a ka furu fɛn ye ka kɛ a birankɛ ye. O tuma la Saul ye a denmuso Mikal di Dawuda ma ka kɛ a muso ye.
[28] Saul y'a dɔn ko Matigi bɛ Dawuda fɛ. Dawuda ko diyara Saul denmuso Mikal ye,
[29] nka Saul siranna ka ta'a fɛ. A kɛra Dawuda jugu ye a si bɛɛ la.
[30] Filisitikaw kuntigiw tun bɛ taa kɛlɛ kɛ tuma o tuma. Dawuda ka kɛlɛɲɛna ka tɛmɛn Saul ka baaraden tɔw bɛɛ ta kan. A tɔgɔ bɔra ka ta'a fɛ.