[1] Se-â-kô-é Sat-mû-ngí chhai Yî-li ke kau-thô chṳ̂-ha sṳ-fung Song-chú. Ke khì-kiên, chhin-séu yû tui Song-chú lòi ke sin-sit, mò sòng-sòng yû yi-siong.
[2] Yû yit am-pû, muk-chû fâ-fâ ke Yî-li chhai chhṳ-kâ ke fòng-kiên soi-muk;
[3] Sat-mû-ngí soi chhai Song-chú ke sṳn-chong-phùng chûng, chhiu-he piong Song-ti yok-khui ke só-chhai. Song-ti ke tên hàn chho̍k-tén,
[4] Song-chú ham Sat-mû-ngí. Sat-mû-ngí en-kóng: “Ngài chhai liá-vi!”
[5] Kì chhiu chéu-to Yî-li ke-vi, kóng: “Ngì ham ngài he-mò? Ngài chhai liá-vi.” Yî-li kóng: “Ngài mò ham ngì, to-chón hi-soi!” Sat-mû-ngí chhiu to-chón hi-soi.
[6] Song-chú yu ham Sat-mû-ngí. Ke-sṳ̀ Sat-mû-ngí hàn m̀-sṳt Song-chú, yîn-vi Song-chú màng-sṳt hiong kì hién-hien. Kì yu hong-hí-lòi, to Yî-li ke-vi, kóng: “Ngì ham ngài he-mò? Ngài chhai liá-vi.” Yî-li kóng: “Ngâ lai-é â, ngài mò ham ngì, to-chón hi-soi!”
[8] Song-chú thi-sâm pái ham Sat-mû-ngí. Kì yu chai hong-hí-lòi, to Yî-li ke-vi, kóng: “Ngì ham ngài he-mò? Ngài chhai liá-vi.” Yî-li chang tî ke he Song-chú ham liá se-â-kô-é.
[9] Yî-li chhiu tui Sat-mû-ngí kóng: “To-chón hi-soi; na-he Kì chai ham ngì, ngì chhiu kóng: ‘Song-chú â, chhiáng kóng! Phu̍k-ngìn chhai liá-vi thâng!’ ” Sat-mû-ngí chhiu chón-hi soi-muk.
[10] Song-chú lòi, khî chhai ke-vi, chhiong siên-chhièn khiung-yong ham: “Sat-mû-ngí! Sat-mû-ngí!” Sat-mû-ngí en-kóng: “Chhiáng-kóng! Phu̍k-ngìn chhai liá-vi thâng!”
[11] Song-chú tui kì kóng: “Mò kí-kiú, Ngài oi chhai Yî-set-lie̍t-ngìn tông-chûng cho yit-khien sṳ, sṳ́ tak-ke thâng-tó ke ngìn chhiòn-phu chho̍k-kiâng, ngí-kûng hiu-hiu-kún.
[12] Ke-ngit, Ngài oi chhiùng-thèu to-mî sṳ̍t-hàng Ngài hiong Yî-li ke kâ só kóng-ko ke fa.
[13] Ngài yí-kîn lâu kì kóng-ko, Ngài oi yîn-vi kì lióng-ke lai-é chu-chú Ngài, lòi yún-yén chit-fa̍t kì yit-kâ. Yî-li tî kì-têu cho fái-sṳ, chúng-he mò kim-chṳ́ kì-têu.
[14] Só-yî, Ngài ngiàm-ngiàm hiong Yî-li ke kâ siên-ko: Kì-têu hien má-ke chi ya-he sên-ngì, yún-yén mò phan-fap su̍k liá án-chhûng ke chhui.”
[15] Sat-mû-ngí soi-to thiên-kông, hong-hí-lòi khôi Song-chú thien ke mùn; kì m̀-kám hiong Yî-li thì-hí liá yi-siong.
[16] Yî-li ham kì: “Ngâ lai-é Sat-mû-ngí!” Sat-mû-ngí en-kóng: “Ngài chhai liá-vi!”
[17] Yî-li mun kì: “Song-chú tui ngì kóng má-ke? M̀-hó màn-phien ngài. Na-he ngì mò chhiòn-phu kóng chhut-lòi, ngien Song-ti chhûng-chhûng fa̍t ngì!”
[18] Só-yî, Sat-mû-ngí chhiu chhiòn-phu kóng chhut-lòi, chhiòn mò phien kì. Yî-li kóng: “Kì he Song-chú; ngien Kì cheu Kì chhṳ-kâ ke chṳ́-yi hi-hàng!”
[19] Sat-mû-ngí kín-lòi kín-thai; Song-chú lâu kì khiung-ha, sṳ́ kì só kóng ke tak-ki fa chhiòn-phu sṳ̍t-hien.
[20] Chhiòn Yî-set-lie̍t ngìn-mìn, tui Tan to Phe̍t-sṳ-pâ, chhiòn-phu tî Sat-mû-ngí he Song-chú só-li̍p chûng-sîm ke siên-tî.
[21] Song-chú ki-siu̍k chhai Sṳ-lò — chhiu-he Kì hiong Sat-mû-ngí kóng-fa ke thi-fông hién-hien. Sat-mû-ngí ke fa chhòn-to Yî-set-lie̍t chhiòn-thi.