[1] صالحلئیی نور کئمی ساچاناجاق، قورتولوشو مشعل کئمی یاناناجاق، صحیونون خاطئرئنه ساکئت اولمایاجاغام، اورشلئمئن خاطئرئنه ساکئت دورمایاجاغام.
[2] مئلّتلر سنئن صالحلئیئنی، بوتون پادشاهلار سنئن شؤوکتئنی گؤره‌جکلر، ربّئن آغزیندان چیخدیغی، سنه وردئیی تزه آدلا چاغیریلاجاقسان.
[3] سن ربّئن اَلئنده عئزّت تاجی، تارینین اووجوندا پادشاهلیق چَلَنگی اولاجاقسان.
[4] آرتیق سنه «آتیلمیش»، اؤلکه‌نه ده «وئرانه قالمیش» دِمَیه‌جکلر؛ عوضئنه سنه «خوشلاندیغیم»، اؤلکه‌نه ده «اَرلی» دیئله‌جک. چونکی رب سندن خوشلانیر، اؤلکَن ده اونونلا اِولی ساییلاجاق.
[5] چونکی نجه بئر جاوان، باکئره بئر قیزلا اِوله‌نئر، اِله‌جه ده سنئن اوغوللارین سنئنله اِولَنه‌جکلر. نجه بَی، گلئن اوزوندن شادلیق ادئر، تارین دا سنئن اوچون اِله شادلیق اده‌جک.
[6] ای اورشلئم، دووارلارینین اوستونه من قارووولچولار قویموشام. گجه-گوندوز اونلار ساکئت اولمایاجاقلار. ای سئزلر کی، ربّه سؤزونو خاطیرلادیرسینیز، ساکئت اولمایین؛
[7] رب اورشلئمی برپا ادنه‌جک، اونو یِر اوزونون تعرئفه لایئق شهرئنه دؤندَ‌رَنه‌جک، اونا راحاتلیق ورمه‌یئن!
[8] رب صاغ اَلئنه، گوجلو قولونا آند ائچئب: «سنئن تاخیلینی بئر داها دوشمنلرئنه یِدئرتمیه‌جیم، یاداِللی‌لر ده سنئن زحمتله سیخدیغین شرابینی ائچمیه‌جکلر.
[9] آمّا تاخیلی ییغان یئیه‌جک، ربّه حمدلر اده‌جک. اوزومو ییغان شرابینی موقدّس مکانیمین صحنلرئنده ائچه‌جکدئر.»
[10] کِچئن، شهر دروازالاریندان کِچئن، خالق اوچون یول حاضیرلایین! تئکئن، یول سالین، داشلاری کنارا آتین، خالقلار اوچون بایراق قالدیرین!
[11] باخین، رب یِر اوزونون لاپ اوزاق یِرلرئنه اعلان ادئب: «صحیون قیزینا دیئن: ”باخ، قورتولوشون گلئر، باخ، ربّئن پاداشی اونونلادیر، بخشئشی ده قاباغیندادیر.“»
[12] صحیون خالقینا «ربّئن ساتین آلدیغی، موقدّس خالق» دئیه‌جکلر. سن، ای اورشلئم، «تارینین آختاردیغی، ترک اولمامیش شهر» آدلاناجاقسان.