[1] او گونلرده خئزقئیا اؤلومجول ناخوشلادی. آموص اوغلو پیغمبر اِشَعیا اونون یانینا گلئب ددی: «رب بله دیئر: ”اِوئنئن ائشلرئنئن ترتئباتینی ور، چونکی ناخوشلوقدان صاغالماییب اؤله‌جکسن.“»
[2] خئزقئیا اوزونو دووارا چِوئردی و ربّه دوعا ادئب ددی:
[3] «یالواریرام، یارب، یادینا سال کی، نجه سنئن حوضوروندا وفالی و کامئل اورَکله یاشامیشام، نجه سنئن گؤزونده یاخشی اولان ائشلر اتمئشم.» خئزقئیا آجی-آجی آغلادی.
[4] او واخت ربّئن سؤزو اِشَعیایا نازئل اولدو:
[5] «گت و خئزقئیایا دِه کی، آتان داوودون تاریسی رب بله دیئر: ”سنئن دوعانی اشئتدئم، گؤز یاشلارینی گؤردوم. باخ، سنئن عؤمرونو اون بش ائل آرتیریرام.
[6] سنی و بو شهری آشور پادشاهینین اَلئندن قورتاراجاغام؛ بو شهری حئفظ اده‌جیم.
[7] بو ربدن سنه بئر علامتدئر کی، بئله‌سن رب ددئیی سؤزه عمل اده‌جک:
[8] باخ، اِله اده‌جیم کی، باتان گونشئن کؤلگه‌سی کی، آخازین تئکدئیی پئلّه‌کَنئن اوستونه دوشوب، اون قدم گری چکئلسئن.“» بله‌جه، گونش اِنمه درجه‌سئنده اون دره‌جه گری چکئلدی.
[9] بودور یهودا پادشاهی خئزقئیانین یازدیغی او زامان کی، ناخوشلاییب سونراسی دا اوندان صاغالمیشدی:
[10] «من اؤز-اؤزومه ددئم: عؤمرومون یارییا چاتدیغی زامان، اؤلولر دئیارینین قاپیسیندان کچمه‌لی‌یَم؛ حیاتیمین قالان ائللرئندن محروم قالمالی‌یام.»
[11] ددئم: «ربّی دئرئلر دئیاریندا، بلی، ربّی بئر داها گؤرمه‌یه‌جیم. بو دونیادا یاشایانلار آراسیندا آرتیق ائنسان اوزو گؤرمه‌یه‌جیم.
[12] اِوئم چوبان چادیری کئمی داغیلدی، اَلئمدن آلیندی. حیاتیم دَزگاهدا توخونان ساپلار کئمی دؤور ادئردی، او منی بو دَزگاهدان کَسئر. بئر گونون ائچئنده اجلئمی چاتدیریرسان.
[13] سحره قدر آغریلاردان چیغیردیم، رب آصلان کئمی بوتون سوموکلرئمی قیریر. بئر گونون ائچئنده اجلئمی چاتدیریرسان.
[14] قارانقوش کئمی، دورنا کئمی چیغیریرام، گؤیرچئن کئمی ائنله‌یئرم. گؤیه باخماقدان گؤزلرئم یورولور. ای پروردئگار، ضامئنئم اول، سئتم آلتینا دوشموشم!
[15] نه دِیئم؟ او منئمله دانیشیب، منه بونو ادن او اؤزودور. جانیما دوشَن بو آجی‌لاردان اؤتری بوتون ائل‌لرئم باره‌ده سرگردان قالاجاغام.
[16] ای پروردئگار، آداملار بونلارلا یاشاییرلار، منئم روحومون حیاتی بونلارین ائچئنده‌دئر. سالاماتلیغی منه دؤندَ‌ر، یاشات مَنی!
[17] چکدئیئم او بؤیوک مشقّت منئم خِیئرئمه اولدو. سنسن کی، جا‌نیمی هِچلئک قویوسونا دوشمکدن قورتاریرسان، چونکی بوتون گوناهلاریمی آرخانا آتیبسان.
[18] چونکی اؤلولر دئیاری سنه شوکور اده بئلمز، اؤلوم سنه حمدلر دِمَز، قبئره دوشَنلر سنئن وفادارلیغینا اومئد باغلایا بئلمز.
[19] بو گون سنه اتدئیئم کئمی، دئرئلر، فقط دئرئلر سنه شوکور اِدَرلر. آتالار سنئن وفادارلیغینی اؤولادلارینا تانیتدیریرلار.
[20] رب قطعن منه قورتولوش وره‌جک، عؤمروموز بویو ربّئن معبدئنده تِلّی سازلارلا، سنه نغمه‌لر چالاجاغیق.»
[21] اِشَعیا دمئشدی: «بئر انجئر کونده‌سی گؤتورون و چئبانین اوستونه قویون کی، پادشاه ساغالسین.»
[22] سونرا خئزقئیا دمئشدی: «ربّئن معبدئنه قالخماغیم اوچون علامت نه‌دئر؟»