[1] باخ، رب یِر اوزونو بوش قویوب خارابالیغا چِوئرئر، دونیانی آلت-اوست ادئر، ساکئنلرئنی داغیدیر.
[2] خالقلا کاهئن آراسیندا، نؤکرله آغاسی آراسیندا، کنئزله خانیمی آراسیندا، آلیجی ائله ساتیجی آراسیندا، بورج ورنله بورج آلانین آراسیندا، سَلَمچی ائله بورج آلان آراسیندا هچ بئر فرق قویولمایاجاق.
[3] یر اوزو کامئل بوش قالیب خارابالیغا چِورئله‌جک. چونکی رب بله دیئب.
[4] دونیا سارالیب سولور، یر اوزو قورویوب سولور. دونیانین اوستون‌منصبلی آداملاری ضعئف اولور.
[5] دونیا دا ساکئنلرئنئن وسئله‌سی ائله نجئس اولدو، چونکی اونلار تارینین قانونلارینا عوصیان اتدئلر، قایدالارینی آیاق آلتینا قویدولار، ابدی عهدی پوزدولار.
[6] بو سببه گؤره، لعنت یِر اوزونو محو ادئر. یِر اوزونون ساکئنلری گوناهلارینین جزاسینی چکئر، بونا گؤره یِر اوزونون ساکئنلری یانیر، و چوخ آز آدام صاغ قالیر.
[7] تزه شراب ماتم توتور، مِینه‌لر سولور، بوتون فَرَحله‌نَن آداملار کَدَردن آه چکئر.
[8] دَفلرئن شَن سَسی کَسئلئب، شَنلئک نئداسی اِشئدئلمئر، طنبورلارین نغمه‌سی گلمئر.
[9] بئر داها نغمه اوخویوب شراب ائچمئرلر، ائچکئنئن دادی، ائچه‌نه آجی گلئر.
[10] نئظامسیز شهر، خارابا قالیب؛ بوتون اِولر قیفیل‌لانیب، هچ کئم اورایا گئره بئلمئر.
[11] شراب اوچون کوچه‌لرده قیشقیر-باغیر وار، بوتون سِوئنج نورو ظولمته چِورئلئب. دونیانین شَنلئیی کَسئلئب.
[12] شهر وئران بوراخیلیب، دروازالاری دارماداغیندیر.
[13] زیتون آغاجیندان زیتونلاری تؤکمَک اوچون آغاجی سئلکَله‌یئب دؤیَنده نجه اولور، اوزوم محصولو ییغیلاندان سونرا بوراخیلان سالخیملار نجه اولور، دونیاداکی خالقلار دا اِله اولاجاق.
[14] صاغ قالانلار سَسلرئنی اوجالدیرلار، شادلیقدان هارای چکئرلر، قربده یاشایانلار ربّئن عظمتئندن فریاد ادئرلر.
[15] بونا گؤره، شرقده یاشایانلار، ربّی اوجالدین. دهنز ساحئل‌لرئنده ساکئن اولانلار، ائسرایئلئن تاریسی ربّئن آدینی اوجالدین.
[16] دونیانین لاپ اوزاق گوشه‌لرئندن ترنّوم نغمه‌سی اِشئدئرئک: «صالح اولانا عئزّت اولسون!» آمّا من دیئرم: «تلف اولورام، تلف اولورام، وای منه! خائنلر خائنلئکلرئنه داوام ورئرلر، بلی، خائنلر چوخ خائنلئکله رفتار ادئرلر!»
[17] ای دونیادا یاشایانلار، دهشت، درئن چوخور و تله سئزی گؤزله‌یئر!
[18] دهشته سالان خبردن قاچان، درئن چوخورا دوشه‌جک، درئن چوخوردان چیخا بئلَن، تله‌یه دوشه‌جک. چونکی گؤیلرئن پنجره‌لری آچیقدیر، دونیانین بونؤوره‌لری تئتره‌یئر.
[19] یر اوزو چاتلاییب، یر اوزو یاریلیب، دونیا شئدّتله اسئر!
[20] دونیا کِفلی کئمی آشا-آشا هِل‌له‌نئر، تالوار کئمی سئلکَله‌نئر، چونکی عاصئلئیی اونون اوستونده آغیردیر، ییخیلاجاق و بئر داها قالخا بئلمیه‌جک.
[21] او گون رب گؤیده‌کی قوشونلاری یوخاریدا، یِر اوزونون پادشاهلارینی آشاغیدا جزالاندیراجاق.
[22] اونلار سئیاهچالا محبوسلار کئمی ییغیلاجاقلار، زئندا‌ندا باغلی ساخلاناجاقلار، اوزون مودّت کچندن سونرا جزالاناجاقلار.
[23] سونرا آی اوتاناجاق، گونش خجالت چکه‌جک. چونکی قوشونلار ربّی صحیون داغیندا، اورشلئمده حؤکم سوره‌جک. شؤوکتی آغساقّاللارینین گؤزو قاباغیندا اولاجاق.