[1] ای بابئلئن باکئره قیزی، دوش آشاغی، اوتور تورپاقدا. ای کَلدانی‌لرئن قیزی، آرتیق تخت یوخدور، اوتور قورو یرده. چونکی بوندان سونرا سنی ”ظرئف، نازلی“ چاغیرمایاجاقلار.
[2] دَیئرمان داشلارینی گؤتور، اونو دارت. آچ اؤرپه‌یئنی، قالدیر پالتارینین اَته‌یئنی، بالدیرلارینی آچ، کچ چایلاردان.
[3] لوتلویون آچیلاجاق، عاییبین گؤرونه‌جک. من ائنتئقام آلاجاغام، هچ کئمی اسئرگَمیه‌جیم.»
[4] بئزی ساتین آلان ائسرایئلئن موقدّسی‌دئر، اونون آدی قوشونلار ربّی‌دئر.
[5] رب دیئر: «ای کَلده قیزی، قارانلیغا چکئل، ساکئتجه اوتور! چونکی بوندان سونرا سنی داها پادشاهلیقلارین ملَکه‌سی چاغیرمایاجاقلار!
[6] اؤز خالقیما قضبلَندئم، ائرثئمی تحقئر ادئب سنئن اَل‌لرئنه وردئم. سن اونلارا رحم اتمه‌دئن، یاشلی‌لارا آغیر یوغ یوکله‌دئن.
[7] ددئن: ”همئشه‌لئک ملکه اولاجاغام.“ بونلاری اوره‌یئنه گتئرمه‌دئن، آخیرینی دوشونمه‌دئن.
[8] ائندی آمّا قولاق آس، ای اَمئن-آمانلیقدا یاشایان هوسباز! سن اوره‌یئنده دیئرسن: ”من منم، مندن باشقاسی یوخدور. هچ واخت دول قالمایاجاغام، اؤولاد ائتئرمک دردئنی چکمه‌یه‌جیم.“
[9] لاکئن بو ائکی بلا بئر گونده قَفلَتَن باشینا گله‌جک: هم اؤولادلارینی ائتئره‌جک، هم ده دول قالاجاقسان. سنئن چوخلو جادولارینا باخمایاراق، سنئن سِحرلرئنئن چوخلو قودرتئنه باخمایاراق، بونلار بوتون شئدّتله سنئن باشینا گله‌جک.
[10] پئسلئیئنده اَمئن-آمانلیقدا قالاجاغینی دوشوندون، ددئن: ”هچ کئم منی گؤرمور.“ سنئن حئکمتئن و بئلئیئن سنی آزدیریب. چونکی اوره‌یئنده دوشونوبسن: ”من منم، مندن باشقاسی یوخدور.“
[11] لاکئن اوستونه بلا گله‌جک، اونون نجه قاباغینی آلاجاغینی بئلمیه‌جکسن، عوضئنی وره بئلمه‌دئیئن هلاکت سنئن باشینا دوشه‌جک؛ بئلمه‌دئیئن وئرانلیق سنئن اوستونه قَفلَتَن گله‌جکدئر.
[12] جاوان یاشلاریندان بَری، اَللَشدئیئن اووسونچولوغوندا و جادوگرلئیئنده قال. بلکه اونلاردان بئر خیئر گؤره‌سن، بلکه اونلارلا واهئمه سالا بئلرسن!
[13] آلدیغین چوخ مصلحتلر سنی اوزوب. قوی اولدوز فالینا باخانلار، مونجّئملر، تزه آی چیخاندا اولاجاق حادئثه‌لری بئلدئرَنلر، ائندی گلئب، سنی باشینا گلن بلالاردان خئلاص اتسئنلر.
[14] باخ، اونلار کولَش کئمی اولوبلار، اود اونلاری یاندیریر. اؤزلرئنی آلووون گوجوندن خئلاص اده بئلمئرلر. نه قیزیشماق اوچون بئر کؤمور اولاجاق، نه ده قاباغیندا اوتورولاجاق بئر اود.
[15] سنئن ائشله‌دئیئن، جاوانلیغیندان بَری آل-ور اتدئیئن آداملارین عاقئبَتی بله اولوب. هر کس اؤز یولوندا آوارا-سرگرداندیر، سنی خئلاص ادن یوخدور.