[1] یَسّه‌نئن کؤتویوندن تزه بئر شاخه چیخاجاق، کؤکوندن چیخان بئر بوداق بار وره‌جک.
[2] ربّئن روحو، حئکمت و آنلاییش روحو، نصئحت و قودرت روحو، مَعرئفَت و ربّئن قورخوسو روحو اونون اوستونده اولاجاق.
[3] او، ربّئن قورخوسوندا شادلیق تاپاجاق. گؤزلرئنئن گؤردویو ائله حؤکم اتمیه‌جک، قولاغی ائله اشئتدئیئنه گؤره قرار چیخارتمایاجاق.
[4] لاکئن او، یوخسوللارا عدالتله حؤکم اده‌جک، یِر اوزونده‌کی مظلوملارین ائشئنه ائنصافلا قرار چیخارداجاق. دونیانی آغزینین دَیَنه‌یی ائله ووراجاق. پئس آداملاری آغزینین نفسی ائله اؤلدوره‌جک.
[5] صالحلئک اونون بِلئنه قورشاق اولاجاق، صداقتی کمر کئمی تاخاجاق.
[6] او گون قوردلا قوزو بئر یرده یاشایاجاق، پلنگله چَپئش بئرلئکده یاتاجاق، بوزوو، جاوان آصلان و بَسلَنمئش مال-حیوان یان-یانا دوراجاق، اونلاری کئچئک بئر اوشاق گوده‌جک.
[7] ائنَکله آیی بئر یرده اوتلایاجاق، اونلارین بالالاری بئر یرده یاتاجاق، شئر ده اؤکوز کئمی سامان یئیه‌جک.
[8] سود اَمن کؤرپه صاغیر ائلانین یوواسی اوستونده اوینایاجاق، سوددن کَسئلمئش اوشاق، اَلئنی افعئنئن یوواسینا سالاجاق.
[9] موقدّس داغیمین هچ بئر یِرئنده هچ کئمه ضرر دَیمه‌یه‌جک، هچ بئر کس او بئرئسئنی محو اتمیه‌جک، حقئقتن، سولار دهنزی نجه دولدورور، دونیا دا ربّئن مَعرئفتی ائله اِله دولاجاق.
[10] او گون یَسّه‌نئن کؤکو خالقلارا بایراق اولاجاق، مئلّتلر اونا طرف یؤنَله‌جک، ساکئن اولدوغو یِر شؤوکتله دولاجاق.
[11] او گون پروردئگار آشوردان، مئصئردن، پَتروسدان، کوشدان، عِیلامدان، شئنعاردان، خَماتدان و دهنزئن ساحئل‌لرئندن خالقینین صاغ قالانلارینی قورتارماق اوچون ائکئنجی دفه اَلئنی اوزاداجاق.
[12] مئلّتلر اوچون بایراق قالدیراجاق، اسئر دوشموش ائسرایئل اؤولادلارینی ییغاجاق، داغیلمیش یهودالی‌لاری دونیانین دؤرد بوجاغیندان بئر یِره گتئره‌جک.
[13] اِفرایئمئن حسودلوغو یوخ اولاجاق، یهودانی سیخیشدیرانلار محو اولاجاقلار. اِفرایئم یهودایا پاخیلّیق اتمیه‌جک، یهودا اِفرایئمی سیخیشدیرمایاجاق.
[14] اونلارین ائکئسی قربده فئلئسطلی‌لرئن اوستونه هوجوم اده‌جکلر، بئرلئکده شرقده یاشایانلارین وار-دؤولتئنی قارت اده‌جکلر، اِدوم و موآب تورپاقلارینی ضبط اده‌جکلر، عَمّونلولار اونلارا تابع اولاجاقلار.
[15] رب مئصئرده‌کی دهنزئن خلئجئنی تامامن قوروداجاق. فَرات چایینین اوستونده اَلئنی یِل‌له‌دئب یاندیریب-یاخان یِل‌لر گتئره‌جک، او، چایی یدّی آرخا بؤله‌جک، آداملار اورادان چاریقلارلا کچه بئله‌جکلر.
[16] ربّئن آشوردا صاغ قالان خالقی اوچون بؤیوک بئر چیخیش یولو اولاجاق؛ نجه کی، ائسرایئل اؤولادلاری اوچون مئصئردن چیخان گون اولموشدو.