[1] موآب باره‌ده ائخطار: موآبین آر شهری بئر گجه‌یه خارابالیغا دؤندو، داغیلدی، موآبین قئر شهری بئر گجه‌یه وئرانه‌لئیه دؤندو، داغیلدی.
[2] آغلاماق اوچون معبده، دئبونا، پرستئشگاهلارا گدئبلر. موآب خالقی نِبو و مِیدِبا اوچون شئون ادئر. یاس توتماق اوچون هامی ساچینی کَسئب، ساقّالینی قیرخیب.
[3] چولا بورونه‌رَک کوچه‌لرده، داملاردا، میدانلاردا هر کس شئون ادئر، گؤز یاشلاری سل کئمی آخیر.
[4] باغیریر خِشبون و اِلعالِه، سَسلری یَحَصه قدر اِشئدئلئر. بونا گؤره موآب عسگرلری شئون ادئر، جانلاری قورخو ائچئنده اَسئر.
[5] اوره‌یئم موآب اوچون باغیریر، اورانین قاچقینلاری صوعَره، عِگلَت-شِلئشئیایا طرف قاچیب. آغلایا-آغلایا لوخئت یوخوشوندان چیخیرلار. خورونه‌یئم یولوندا محو اولدوقلاری اوچون آغلاییرلار.
[6] چونکی نئمرئم سولاری قورودوغو اوچون، اوت سولدو، بئتکئلر قالمادی، آرتیق گؤی-گؤیَرتی یوخ اولدو.
[7] بونا گؤره خالق، قازاندیغی مال-دؤولتئنی، ییغدیغی ثروتئنی سؤیودلر وادئسئندن کچئردئر.
[8] خالقین آغلاشماسی موآب تورپاغینی بورویوب، فریادی اِگله‌یئمه‌جک، بِعِر-ائلئمه‌جک چاتیر.
[9] چونکی دئمون سولاری قانلا دولودور؛ قطعن من دئمونون باشینا داها بَتَر بلا گتئره‌جیم، موآبدان قاچیب-قورتولانلارین اوستونه، اؤلکه‌ده صاغ قالانلارین اوستونه آصلان سالاجاغام.