[1] وای شر قایدالار قورانلارین حالینا، دایئمن عدالتسئز قانون قویانلارین،
[2] یوخسوللاردان عدالتی اسئرگه‌‌‌یَنلرئن، خالقیمین کاسیبلارینین حاقّینی اَل‌لرئندن آلانلارین، دول آروادلاری سویانلارین، یِتئملرئن مالینی تالان ادنلرئن.
[3] جزا گونو اوزاقلاردان باشینیزا بلا گلنده نه اده‌جکسئنئز؟ کؤمک اوچون کئمئن یانینا قاچاجاقسینیز؟ مال-دؤولتئنئزی هارادا ساخلایاجاقسینیز؟
[4] اسئرلر آراسیندا اَیئلمکدن باشقا، اؤلدورولَنلر آراسیندا ییخیلماقدان باشقا داها بئر چاره قالمیر. بوتون بونلار باش ورن حالدا، گئنه ده ربّئن قضبی سؤنمور، اَلی حله ده جزالاندیرماغا قالخیب.
[5] «وای، آشورون حالینا، او منئم قضب عصامدیر، اونلارین اَلئنده‌کی دَیَنَک ده منئم قِیضئمدئر!
[6] آشورو نجئس مئلّتئن اوستونه گؤندَ‌ره‌جیم؛ قضبلَندئیئم خالقین اوستونه هوجوم اتمه‌یه، قارت اتمه‌یه، تالان مالی گؤتورمیه گؤندَ‌ره‌جیم. امر وره‌جیم کی، اونلاری کوچه‌لرده‌کی پالچیق کئمی تاپدالاسینلار.
[7] آمّا آشور پادشاهی بوندان دا پئسئنی دوشونور، محو ادئب بئر چوخ مئلّتئن کؤکونو کَسمه‌یی فئکئرله‌شئر.
[8] او دیئر: ”مگر سرکرده‌لرئمئن هامیسی پادشاهلار دیئل؟
[9] مگر کَلنو، کَرکِمئش کئمی دیئل؟ خَمات، اَرپاد کئمی، سامئره ده دَمَشق کئمی؟
[10] بوتپرست مملکتلری نجه اَله کچئردئم، او مملکتلری کی، اورشلئمله سامئره‌دن داها چوخ اویما بوتلری وارلاری ائدی.
[11] سامئره‌یه و اونون بوتلرئنه نه اتدئم، مگر اورشلئمه و اونون بوتلرئنه ده اِله اتمه‌رم؟“»
[12] پروردئگار صحیون داغیندا و اورشلئمده ائشئنی بئتئرندن سونرا بله دئیه‌جک: «آشور پادشاهینی، کئبئرلی اوره‌یئنه گؤره، تکبّورلو باخیشلارینا گؤره جزالاندیرجاغام.
[13] چونکی دیئب: ”بونو من اَلئمئن گوجو ائله، حئکمتئمئن قووّتی ائله اتدئم. چونکی عاغیلیم وار، خالقلارین سرحدلرئنی یوخ اتدئم، خزئنه‌لرئنی ده تالان اتدئم، گوجلو بئر جنگاور کئمی اونلارین ساکئنلرئنی یِره ییخدیم.
[14] قوش یوواسینا چاتان کئمی، اَلئم خالقلارین وار-دؤولتئنه چاتدی. یئیه‌سئز یومورتالاری ییغان بئر شخص کئمی، بوتون دونیانی ضبط اتدئم. قاناد چیرپان، آغزینی آچیب سَسئنی چیخاردان بِله، اولمادی.“»
[15] بالتا مگر اونو ائشلَده‌نئن قاباغیندا فخر اِدَر؟ اَره مگر اونو قالدیرانین قاباغیندا کئبئرله‌نَر؟ سانکی دَیَنَک اونو گؤتوره‌نی ائشله‌دئر، اِله بئل آغاجدان دوزَ‌لمئش دَیَنَک جانلینی حرکت اتدئرئر.
[16] بونا گؤره قوشونلار پروردئگاری رَب، آشورون گوجلو عسگرلرئنه اؤلومجول مرض گؤند‌ره‌جک، اونون جلالی آلتیندا بئر اود توتوشوب آلوولاناجاق.
[17] ائسرایئلئن نورو اود، ائسرایئلئن موقدّسی آلوو اولاجاق. آشورون تئکانلار و قانقاللارینی بئر گونده یاندیریب یوخ اده‌جک.
[18] گؤزل مِشه‌لرئنی، بار ورن باغلارینی، کامئل وئران اده‌جک، آغیر ناخوشلوغا توتولان ائنسانین بوتون جانی کئمی اَرئیئب گده‌جک.
[19] مِشه‌لرئنده قالان آغاجلارین سایی او قدر آزا اولاجاق کی، بئر اوشاق اونو سایا بئلر.
[20] او گون ائسرایئلئن صاغ قالانلاری، یعقوبون نسلئندن خئلاص اولوب صاغ قالانلار، آرتیق اونلاری هلاک ادنلره بِل باغلامایاجاقلار. لاکئن، حقئقتن، ربّه، ائسرایئلئن موقدّسئنه بِل باغلایاجاقلار.
[21] صاغ قالانلار یعقوب نسلئندن صاغ قالانلار قودرتلی تارییا طرف دؤنه‌جکلر.
[22] ای ائسرایئل، خالقین دهنز قومو قدر چوخ اولسا بِله، اونلارین آراسیندان آنجاق بئر آزی دؤنه‌جک. توکَنمَز عدالتله داغیدیلما حؤکمو ورئلئب.
[23] قوشونلار پروردئگاری رب، داغیدیلما حؤکمونو بوتون دونیادا یرئنه یتئره‌جک.
[24] بونا گؤره ده قوشونلار پروردئگاری رب بله دیئر: «ای صحیوندا یاشایان خالقیم، مئصئرلی‌لرئن سنه اتدئیی کئمی، سنی دَیَنَکله ووران، اوستونه دَیَنَک قالدیران آشورلولاردان قورخما.
[25] چونکی بو یاخیندا قضبئم سؤنه‌جک، حئدّتئم آشورلولارین محوئنه سبب اولاجاق.»
[26] قوشونلار ربّی، مئدیانلی‌لاری عورِب قایاسیندا ووردوغو کئمی، اونلاری دا شاللاقلا ووراجاق. دَیَنه‌یی مئصئرلی‌لرئن ضئدّئنه نه جور دهنزئن اوستونه اوزاتدی، ائندی ده اِله اده‌جک.
[27] او گون آشورون یوکو چئینئنئزدن، یوغو بوینونوزدان گؤتوروله‌جک. یاغدان اؤتری یوغ قیریلاجاق.
[28] اونلار عَیّت شهرئنئن ضئدّئنه گلئبلر، مئگرونو کچئبلر؛ مئکماسدا یوکلرئنی بوشالدیبلار.
[29] اونلار کِچئدی کچئبلر، و دیئرلر: «گِبَع بئزئم گجه قالاجاغیمیز یِر اولاجاق»، راما شهری دهشته دوشوب، شاعولون شهری گئبعادا یاشایانلار قاچیبلار.
[30] ای گَلّئم قیزی، سَسئنی اوجالت! ای لَیشا، قولاق آس، ای بِچارا عَناتوت!
[31] مَدمنّا ساکئنلری قاچیب، گِبئم ساکئنلری سیغیناجاق یِر آختاریر.
[32] آمّا بو گون ائشغالچیلار نوبدا قالاجاقلار، اونلار صحیون شهرئنئن قورولدوغو داغا، اورشلئم تپه‌سئنه یومروق گؤرسه‌ده‌جکلر.
[33] باخ، قوشونلار پروردئگاری رب، دوشمنی وار گوجو ائله بوداقلار کئمی کَسه‌جک، لاپ اوجا آغاجلاری یِره سَره‌جک، کئبئرلی‌لری آلچالداجاق.
[34] مِشه‌ده‌کی کوللوقلاری بالتا ائله کَسئب یِره سَره‌جک. لوبنان عظمتلی اولانین اَلی ائله ییخیلاجاق.