[1] باخ، قوشونلارین رب تاریسی اورشلئمدن و یهودادان هر بئر یاردیم و کؤمه‌یی کَسه‌جک، یعنی بوتون چؤرک و سویو
[2] ائگئدلرله جنگاورلری، حاکئملرله پیغمبرلری، فالچیلارلا آغساقّاللاری،
[3] اَلّی‌باشی‌لارلا آدلی-سانلی آداملاری، مصلحتچئلری ائله اوستا صَنَتچئلری، و ماهئر سحربازلاری آرادان گؤتوره‌جک.
[4] اوشاقلاری اونلارین اوستونه باشچی قویاجاغام، کؤرپه‌لر اونلارا حؤکمرانلیق اده‌جکلر.
[5] خالق سئتم آلتیندا اولاجاق، ائنسان ائنسانا، قونشو قونشوسونا سئتم اده‌جک. جاوان قوجا ائله، عاوام آدام مؤحترم ائنسانلا حیاسیز رفتار اده‌جک.
[6] عایئله‌ده قارداش قارداشا ساریلیب دئیه‌جک: «سنئن هچ اولماسا، اَینئنه گِیمیه پالتارین وار. باشچیمیز اول، قوی بو خارابالیقلار سنئن اَلئنئن آلتیندا اولسون!»
[7] او گون بو آدام اعتئراض ادئب دئیه‌جک: «من یارالارینیزی ساریماغی باجارمارام، چونکی اِوئمده نه یمک، نه ده پالتار وار، منی خالقین باشچیسی قویمایین.»
[8] اونا گؤره کی، اورشلئم تئتره‌یئب، یهودا ییخیلیب، چونکی سؤزلری و عمل‌لری ربّئن ضئدّئنه‌دئر، اِله کی، اونون شؤوکتلی حوضورونون ضئدّئنه عوصیان اتسئنلر.
[9] اوزلرئنده‌کی ائفاده اونلارین ضئدّئنه شهادت ورئر، سودوم کئمی گوناهلارینی آچیقجا دانیشیرلار، بونو گئزلَتمئرلر. وای اونلارین حالینا! چونکی بو فلاکتی، باشلارینا، اؤزلری گتئردئلر.
[10] صالح آداملارا دیئن کی، اونلارا یاخشیلیق ادئله‌جک، چونکی اونلار یاخشیلیقلارینین بهره‌سئنی یئیه‌جکلر.
[11] پئس آدامین وای حالینا! اونا پئسلئک اولوناجاق، اِله‌دئیی عمل‌لری اؤز قاباغینا چیخاجاق.
[12] ای خالقیم! اونلارا ظولم ادن، اوشاقلاردیر، اونلارین اوستونه آروادلار حؤکم سورور! ای خالقیم! سنه یول گؤرسه‌دنلر، سنی آزدیریرلار، یوللارینی دولاشدیریرلار!
[13] رب محکمه‌سئنی قورماق اوچون قالخیر، خالقلاری موحاکئمه اتمک اوچون دورور.
[14] رب خالقینین رهبرلرئنی، باشچیلارینی محکمه‌یه گتئرئر: «سئزسئنئز اوزوم باغینی یِیئب اودان، کاسیبلاردان تالان اتدئیئنئز ماللا اِولرئنئزی دولدوران.
[15] نه حاقلا خالقیمی آیاق آلتیندا اَزئب یوخسوللارا عذاب ورئرسئنئز؟» بونو قوشونلارین پروردئگاری رب اعلان ادئر.
[16] بوندان علاوه رب دیئر: «صَحیون قیزلاری تکبّورلودورلر، بویلانا-بویلانا گَزئرلر، گؤز-قاش اوینادیرلار، قدملرئنی نازلا آتیرلار، آیاقلارینداکی خالخال‌لاری جئنگئلده‌دئب یِرئیئرلر.
[17] بونا گؤره ده پروردئگار صَحیون قیزلارینین باشلارینا قوتور سالاجاق. رب عاییب یِرلرئنی آچیب گؤرسده‌جک.»
[18] او گون پروردئگار توپوقلارا تاخیلان بئلرزئکلرئنی، گونَشچه‌لرئنی، آیپارا شکئلی اولان بویونباغی‌لارینین گؤزل‌لئیئنی اونلاردان محو اده‌جک؛
[19] گوشوارالارینی، قولباقلارینی، اؤرپَکلرئنی،
[20] باشلیق‌لارینی، توپوقبَندلرئنی، قورشاقلارینی، عطئرله دولو موجرولرئنی، طئلسئملَنمئش بَزَک اشیالارینی،
[21] اوزوکلرئنی، بورون حالقالارینی،
[22] بایرام شئنِل‌لرئنی، اوست پالتارلارینی، اؤرتوکلرئنی، پول کئسه‌لرئنی،
[23] گوزگولرئنی، کتان لئباسلارینی، باش سارقی‌لارینی و اؤرپَکلرئنی اَللرئندن آلاجاق.
[24] او واخت گؤزل عطئر ائیسی یرئنه، پئس قوخو، قورشاق عوضئنه ائپ، گؤزل دارانمیش ساچ عوضئنه کِچَل باش، نفئس توخونموش پالتار عوضئنه چول گِیئنئله‌‌جک، گؤزل‌لئک عوضئنه داغلاما اولاجاق.
[25] کئشئلرئنئز قیلینج آغزینا دوشوب ییخیلاجاقلار، ائگئدلرئنئز دؤیوشده محو اولاجاقلار.
[26] صَحیونون دروازالاری ناله چکئب یاس توتاجاق، بو شهر ترک ادئلمئش، قورو یرده اوتوراجاق.