[1] وای سنه، ای اَری‌اِل، ای اَری‌اِل، داوودون بئر زامان اوردوگاه قوردوغو شهر! ائلی، ائله قات! بایراملارین سیرایا دورسون.
[2] اَری‌اِله دارلیق گتئره‌جیم، او، شئون و ماتم شهری اولاجاق. منئم اوچون اَری‌اِل کئمی اولاجاق.
[3] سنئن ضئدّئنه اطرافیندا اوردوگاه قوراجاغام، اطرافینا ائستِحکاملار دوزه‌جیم، سنئن ضئدّئنه دؤیوش بورجلری تئکه‌جیم.
[4] او واخت آلچالدیلاجاقسان، یردن دانیشاجاقسان، توز-تورپاق ائچئندن سَسئن بوغوق-بوغوق گله‌جک، سَسئن اؤلو سَسی کئمی یردن، سؤزلرئن پیچیلتی کئمی تورپاغین آلتیندان چیخاجاق.
[5] آمّا دوشمنلرئنئن فوجو نارین توز کئمی، قورخونج آداملارین قوشونلاری سوورولموش سامان چؤپو کئمی اولاجاق. بو، قَفلَتَن، بئر آن ائچئنده باش وره‌جک.
[6] قوشونلارین ربّئنئن تَنبِهی سنه گؤی گورولتوسو ائله، زلزله ائله، بؤیوک سَس-کویله، فیرلانان یِل‌له، طوفانلا، هر شیی محو ادن اودلا گله‌جک.
[7] سونرا اَری‌اِلئن ضئدّئنه دؤیوشَن بوتون مئلّتلردن اولان فوجلار، اونا و قالاسینین ضئدّئنه ساواشانلارین هامیسی، اونا ظولم ادنلر، بئر رؤیا کئمی، گجه گؤرونَن یوخو کئمی یوخ اولاجاقلار.
[8] یوخودا چؤرک یِدئیئنی گؤرَن آج آدام کئمی اولاجاق، باخ، یِیئر؛ لاکئن اویاندیقدا، گئنه آجدیر. یوخودا سو ائچدئیئنی گؤرَن سوسوز آدام کئمی اولاجاق، و باخ، ائچئر، لاکئن اویاندیقدا، گئنه سوسوزلوقدان یانیر. بله اولاجاق او مئلّتلرئن فوجلاری دا کی، صحیون داغینین ضئدّئنه دؤیوشورلر.
[9] مات قالین، حیرتله‌نئن، گؤزونوزو کور ادئن، کور اولون. اونلار کِفلی اولورلار، لاکئن شرابدان یوخ، هِل‌له‌نئرلر، لاکئن عرقدن یوخ.
[10] چونکی رب سئزئن اوستونوزه آغیر یوخو روحو سالیب، او سئزئن گؤزلرئنئزی یوموب، ای پیغمبرلر؛ او سئزئن باشلارینیزی اؤرتوب، ای گؤروجولر.
[11] بوتون بو رؤیا سئزئن اوچون مؤهورلَنمئش کئتابین سؤزلری کئمی اولاجاق کی، اوخوماغی باجارانا بونو ورئب دئیَنده: «خاهئش ادئرم، بونو اوخو!» جاواب وره‌جک: «اوخویا بئلمه‌رم، چونکی مؤهورلودور.»
[12] سونرا کئتابی اوخویا بئلمه‌یَنه ورئب دئیَنده کی: «خاهئش ادئرم، بونو اوخو»، جاواب وره‌جک: «من اوخوماغی بئلمئرم.»
[13] سونرا پروردئگار ددی: «چونکی بو خالق منه دئلی ائله یاخینلاشیب، دوداقلاری ائله منه حؤرمت ادئر، آمّا قلبلرئنی مندن چوخ اوزاق ادئر، اونلارین منه حؤرمت اتمکلری ائنسانلاردان اؤیرَندئکلری امرلردن گلئر.
[14] بونا گؤره، باخ، من بئر داها بو خالق اوچون تزه مؤجوزه، اِعجازلی شیلر اده‌جیم، و حئکمتلی‌لرئنئن حئکمتی محو اولاجاق، عاغیلّی‌لارین آغیلی یوخ اولاجاقدیر.»
[15] وای او آداملارین حالینا کی، اؤز نئیّتلرئنی رَبدن درئن بئر شکئلده گئزله‌دئرلر! و عمل‌لری قارانلیقدا باش ورئر. و دیئرلر: «بئزی کئم گؤرور؟» یا دا «بئزی کئم تانی‌ییر؟»
[16] سئز هر شیی تَرسه دوشونورسونوز! مگر کوزه‌گری گئل‌له بئر توتماق اولار؟ مگر دوزَ‌لدئلَن شی، اونو دوزَ‌لدن باره‌ده دئیه بئلر: «او منی دوزَ‌لتمه‌دی؟» شکئل تاپمیش، مگر اونا شکئل ورن باره‌ده دئیه بئلر: «او هچ نه آنلامیر؟»
[17] لوبنان تزلئکله مگر محصوللو زَمئیه، محصوللو زَمی ده مگر مِشه‌یه دؤنمه‌یه‌جک؟
[18] او گون کارلار کئتابداکی سؤزلری اِشئده‌جکلر، کورلارین گؤزلری ظولمت و قارانلیقلاریندان گؤره‌جک.
[19] ذلئل‌لر ده ربده شادلیقلارینی آرتیراجاقلار، مؤحتاج ائنسانلار ائسرایئلئن موقدّسئنده شادلیق اده‌جکلر.
[20] چونکی ظولمکار یوخ اولاجاق، رئشخند ادن محو اولاجاق. دوغرودان دا بوتون پئسلئک نئیّتئنده اولانلار کَسئب آتیلاجاقلار.
[21] اونلار آیریسینا بؤهتان آتانلاردیرلار، شهر دروازاسیندا حاکئمه تله قورانلاردیرلار، حاقلی‌نین حاقّینی ناحاق یِره تحرئف ادنلردئرلر.
[22] بونا گؤره ده ائبراهئمی قورتاران رب، یعقوب نسلئنه بله دیئر: «یعقوب نسلی آرتیق اوتانمایاجاق، اوزلری ده سارالمایاجاقدیر.
[23] اَلئمله یاراتدیغیم اؤولادلارینی آرالاریندا گؤرَ‌نده، آدیمی موقدّس توتاجاقلار؛ دوغرودان دا یعقوبون موقدّسئنی تقدئس اده‌جکلر، ائسرایئلئن تاریسیندان قورخاجاقلار.
[24] فئکئرلرئنده آزمیش اولانلار حقئقتی تانییاجاقلار، مذمّت ادنلر تعلئمی قبول اده‌جکلر»