[1] «بِل بوتو دئزه دوشوب، نِبو آللاهی اَیئلئر، بابئلئن بوتلری جاناوارلارا، مال-حیوانلارا یوکله‌نئب. داشیدیغینیر اشیالار آغیردیرلار، یورغون حیوانلارا یوکدورلر.
[2] اونلار اَیئلدئلر، بئرلئکده دئز چؤکوبلر، یوک آلتیندا قورتولا بئلمه‌یئب اؤزلری اسئرلئیه آپاریلیبلار.
[3] قولاق آسین منه، ای یعقوب نسلی، ای بوتون ائسرایئل نسلئنئن صاغ قالانلاری! ای سئزلر کی، دوغدوغونوزدان بَری سئزی داشیمیشام. بطندن داشیلمیشسینیز.
[4] حتّا سئزئن قوجالیق واختینیزاجاق دا، من اویام، ساچلارینیزین آغلاناجاق واختیناجاق دا، سئزی داشییاجاغام، سئزی من یاراتمیشام، سئزی من داشییاجاغام. بلی، من سئزی داشییاجاغام و سئزی خئلاص اده‌جیم.
[5] منی کئمله موقایئسه اده‌جکسئنئز، منی کئمله بئر توتاجاقسینیز، کئمه اوخشاداجاقسینیز کی، بئز اوخشار اولاق؟
[6] پول کئسه‌سئندن قیزیل چیخاردانلار، تَره‌زئده گوموش چکنلر، بو پولدان زرگره آللاه دوزَلتدئرَنلر، قاباغیندا یِره سَرئلئب پرستئش ادئرلر!
[7] اونو چئیئنلرئنه یوکله‌یئب داشی‌ییرلار، یرئنه قویورلار. بله‌جه بوت دورور، یِرئندن تَرپَنمئر. اونا یالوارانا دا جاواب وره بئلمئر، اونو هچ بئر بلادان قورتارا بئلمئر.
[8] ای عاصی ائنسانلار، بونو خاطیرلایین، آدام اولون، یادینیزدان چیخارتمایین!
[9] قدئمدن بَری اولانلاری خاطیرلایین، چونکی تاری منم، باشقاسی یوخدور، منم تاری، منه بَنزه‌ری یوخدور!
[10] آخیری اوّلدن، باش ورمه‌مئش حادئثه‌لری ازلدن بئلدئرَن دیئر: ”آماجیم باش توتاجاق، ائسته‌دئیئم بوتون شیلری یرئنه یتئره‌جیم.“
[11] شرقدن بئر ییرتیجی قوشو، اوزاق دئیاردان نئیّتئمی یرئنه یتئرَن آدامی چاغیریرام. دوغرودان دا بونلاری دِمئشم؛ دوغرودان دا اونلاری یرئنه یتئره‌جیم. من نئیّت اتمئشم، بونو قطعن یرئنه یتئره‌جیم.
[12] ای صالحلئکدن اوزاق اولان دئکباش ائنسانلار! منی اِشئدئن!
[13] صالحلئیئمی یاخینلاشدیریرام، اوزاق دیئل، قورتولوشوم یوباتمایاجاق. صحیوندا نئجات، ائسرایئلده شؤوکتئمی قویاجاغام.