[1] آه، قاناد ویزیلتی‌لاری اِشئدئلَن اؤلکه‌نئن وای حالینا! کوش چایلارینین او طرفئنده یِرلَشَن اؤلکه‌نئن.
[2] او اؤلکه کی، دهنز یولو ائله، قامیش قاییقلاری ائله اِلچئلر گؤندَ‌رئر! ای آیاقدان جَلد قاصئدلر، یولا دوشون! چایلارلا بؤلونموش اؤلکه‌یه گدئن، اوجابویلو، پارلاق دَرئلی مئلّتئن، هر یاندا قورخو دوغوران خالقین، گوجلو و ائشغالچی مئلّتئن یانینا گدئن!
[3] ای بوتون یِر اوزونده یاشایانلار! ای دونیا ساکئنلری! داغلارین اوستونه بایراق دئکه‌لَنده اونو گؤره‌جکسئنئز! کَره‌نای چالیندیقدا اونو اِشئده‌جکسئنئز!
[4] چونکی رب منه بله دیئب: «ساکئتجه مسکنئمدن باخاجاغام؛ گونش شوعالاریندان یارانان قیزمارلیق کئمی، بئچئن واختینین ائستی زامانیندا شِح دومانی کئمی.»
[5] چئچکلَنمه قورتاریب محصول ییغیمیندان اَوّل اوزوملر قورا باغلایاندا، رب باغ قایچیلاری ائله بوداقلاری کَسه‌جک، یاییلمیش بوداقلاری قیریب آتاجاق.
[6] هامیسی داغین ییرتیجی قوشلارینا، یِرئن وحشی حیوانلارینین قاباغینا آتیلاجاق. یایدا ییرتیجی قوشلارا، قیشدا بوتون وحشی حیوانلارا یِم اولاجاق.
[7] او واخت چایلارلا بؤلونموش اؤلکه اوجابویلو، پارلاق دَرئلی خالق، هر یاندا قورخو دوغوران خالق، گوجلو و ائشغالچی مئلّت قوشونلار ربّئنه، قوشونلار ربّئن آدینی قویدوغو یِره- صحیون داغینا خراج گتئره‌جک.