[1] باخ، ربّئن اَلی قیسا دیئل کی، خئلاص اده بئلمه‌سئن، قولاغی کار دیئل کی، اِشئده بئلمه‌سئن.
[2] لاکئن شر عمل‌لرئنئز تارینیزلا سئزئن آرانیزدا آیریلیق سالیب. گوناهلارینیز سبب اولوب کی، اوزونو سئزدن دؤندَ‌رسئن، اِله کی، اشئتمه‌سئن.
[3] چونکی اَللرئنئز قانلا، بارماقلارینیز شر عمللرله نجئسله‌نئب. دوداقلارینیز یالان دانیشیب، دئلئنئز پئسلئک میریلدانیر.
[4] محکمه‌ده عدالتله ائشه باخان یوخدور، دوغرولوقلا اؤزونو مودافئعه ادن یوخدور، بوش سؤزلره بِل باغلاییرلار، یالان دانیشیرلار، اَذئیّته بویلو اولوب پئسلئک دوغورلار.
[5] افعی یومورتالارینین اوستونده یاتیب، حؤرومچک تورو توخویورلار. او یومورتالاردان یئیَن اؤلور، قیریلان یومورتالاردان ائلان چیخیر.
[6] اونلارین توخودوغو حؤرومچک توروندان پالتار چیخماز، توخودوقلاری ائله ده اؤزلرئنی اؤرته بئلمزلر. اِله‌دئکلری عمللر شر عمل‌لردئر، اَللرئنده قدّارلیق ائشلری وار.
[7] آیاقلاری پئس ائشلر اتمه‌یه تَله‌سئر، معصوملارین قانینی تؤکمیه جَلددئرلر. فئکئرلری، نئیّتلری شر عمل‌لردئر، یوللاریندا هلاکت و وئرانه‌لئک وار.
[8] باریش یولونو تانیمیرلار، گتدئکلری یولدا عدالت یوخدور، یوللارینی اَیری ادئبلر، او یولدان گِدنلرئن هچ بئری باریش نه‌دئر، بئلمئر.
[9] بونا گؤره عدالت بئزدن اوزاقلاشیب، صالحلئک بئزه یِتئشمئر. ائشیق اومئدئنده‌یئک، آمّا باخ، قارانلیقداییق، آیدینلیق گؤزله‌یئرئک، لاکئن ظولمتده یِرئیئرئک.
[10] کور کئمی اَللرئمئزله دوواری یوخلاییریق، گؤزو گؤرمه‌یَنلر کئمی یولوموزو تاپماغا چالیشیریق. گون اورتا چاغی گجه واختی اولدوغو کئمی بودره‌یئرئک، گوجلولر آراسیندا اؤلولر کئمئیئک.
[11] هامیمیز آیی کئمی نَرئلده‌یئرئک، گؤیرچئن کئمی ائنئلده‌یئرئک. عدالت گؤزله‌یئرئک، لاکئن اصلا یوخدور. قورتولوش گؤزله‌یئرئک، آمّا بئزدن اوزاقدیر.
[12] چونکی تقصئرلرئمئز سنئن حوضوروندا چوخدور، گوناهلاریمیز بئزئم ضئدّئمئزه شهادت ورئر. چونکی تقصئرلرئمئز بئزئمله‌دئر، شر عمل‌لرئمئزدن خبرداریق.
[13] خاطا ادئرئک، ربّی ائنکار ادئرئک، تاریمیزدان اوز دؤندَ‌رئرئک، ظولمدن دانیشیریق، خیانتدن دانیشیریق، یالانلاری اوره‌یئمئزده گئزلَدئب سونرا آشکارا چیخاردیریق.
[14] عدالت گری چکئلئر، صالحلئک اوزاقدا دورور، چونکی حقئقت شهر میدانیندا ییخیلیب، دوروستلوک آرامیزا داخئل اولا بئلمئر.
[15] بلی، حقئقت هچ بئر یرده یوخدور، شردن اوزاق دوران تالان اولونور. رب بونلاری گؤردو، عدالتئن یوخلوغو اونون خوشونا گلمه‌دی.
[16] رب گؤردو کی، هچ کئم یوخدور، شفاعت اده‌نئن اولمادیغینا گؤره او مات قالدی. او واخت اونون اؤز قولو اونا ظفر گتئردی، اؤز صالحلئیی اونا دایاق اولدو.
[17] او، صالحلئیی زئرِه کئمی گِیدی، قورتولوش دَبئلقه‌سئنی باشینا تاخدی. قئصاص پالتارلارینی گِیدی، قیرت پالتارینا بوروندو.
[18] او هر کسه عمل‌لرئنه گؤره عوض وره‌جک. دوشمنلرئنه قضبله، خصملرئنه، ساحئل‌لره قئصاصلا عوض وره‌جک.
[19] بله‌جه قربدن شرقه‌جک آداملار ربّئن آدیندان و اونون شؤوکتئندن قورخاجاقلار. چونکی دوشمن آزغین بئر چای کئمی گلدئکده ربّئن نفسی اونو قوواجاق.
[20] رب بویورور: «قورتاریجی صحیونا، یعقوب نسلئنئن تقصئرلرئندن دؤنَن اؤولادلارینین یانینا گله‌جک.»
[21] رب دیئر: «منه گلئنجه، بودور منئم اونلارلا اولان عهدئم: اوستونده‌کی روحوم، و آغزینا قویدوغوم سؤزلرئم، ائندئدن ابده کئمی، سنئن، اؤولادلارینین و نوه-نتئجه‌لرئنئن آغزیندان دوشمه‌یه‌جک.»