[1] رب اعلان ادئر: «وای بو دئکباش اؤولادلارین حالینا، منئم نئیّتلرئمی یوخ، اؤز نئیّتلرئنی قورورلار، راضیلاشما ادئرلر، لاکئن منئم روحوما موناسئب یوخ، اِله کی، گوناه اوستونه گوناه آرتیرسینلار.
[2] مندن مصلحت آلمادان مئصئره گدئرلر، فئرعونون اَمئن-آمانلیغینا پناه آپاریرلار، مئصئرئن کؤلگه‌سی آلتیندا سیغیناجاق یِر آختاریرلار.
[3] بونا گؤره فئرعونون حئمایه‌سی سئزئن خجالتئنئز اولاجاق، مئصئر کؤلگه‌سی آلتینداکی سیغیناجاق، سئزئن روسوایچیلیغینیزا چِورئله‌جک.
[4] چونکی باشچیلاری صوعَنده‌دئرلر، اِلچئلری خانِسه یتئشئرلر.
[5] اونلارا فایداسی اولمایان بئر خالقا گؤره هامی اوتاناجاق. او خالق کی، اونلارا نه کؤمکدئر، نه ده فایدا، آنجاق خجالت و روسوایچیلیق.»
[6] نِگِب حیوانلاری باره‌سئنده ائخطار: دارلیق و ناراحات بئر تورپاقدان، اِرکَک و دئشی آصلانلارین، افعئلر و اوچان ائلانلارین یاشادیغی یردن، اونلار مال-دؤولَتئنی اِششَکلرئن بِلئنه، خزئنه‌لرئنی دَوه‌لرئن حورگونجونه یوکله‌یئب کچئرلر، و اونلارا فایداسی اولمایان خالق اوچون آپاریرلار.
[7] حتّا مئصئرئن کؤمه‌یی ده بوش و فایداسیزدیر، بونا گؤره ده من مئصئره تنبل رَحَب آدینی قویموشام.
[8] ائندی گت، سنه دِدئیئمی اونلارین قاباغیندا بئر لؤوحه‌یه یاز، بئر طومارا یاز کی، گله‌جکده، همئشه‌لئک بئر شاهئد اولسون.
[9] چونکی بو، عاصی بئر خالق، یالانچیلار نسلی‌دئر، ربّئن قانونونا قولاق آسماق ائستمه‌یَن بئر نسئلدئر.
[10] اونلار گؤروجولره دیئرلر: «بئر داها رؤیالار گرک گؤرمه‌یه‌سئنئز»، پیغمبرلره ده دیئرلر: «بئزئم اوچون دوزگون شیلر حاقّیندا نبئلئک گرک اتمیه‌سئنئز. بئزه شئرئن سؤزلر دانیشین، ساختا شیلر نبئلئک ادئن.
[11] یولوموزا مانع اولمایین، یولدان چکئلئن، قویون بئر داها ائسرایئلئن موقدّسی باره‌ده اشئتمه‌یک.»
[12] بونا گؤره ده ائسرایئلئن موقدّسی بله دیئر: «بو سؤزو ردّ اتدئیئنئزه گؤره، ظولم و یالانا اِعتئماد ادئب بِل باغلادیغینیزا گؤره،
[13] بو قباحت سئزئن اوچون اوجا دوواردا عمله گلن چاتلاغا بَنزه‌یئر؛ بله دووار بئردن‌بئره، بئر آن ائچئنده ییخیلار.
[14] اونون ییخیلماسی کوزه‌گرئن قیریلمیش بئر کوزه‌سی کئمی اولار، اِله شئدّتلی پارچالانار کی، اوجاقدان اود گؤتورمک اوچون، یا دا حوووضدان سو چکمک اوچون یِتَرلی بئر تئکه قالماز.»
[15] پروردئگار رب، ائسرایئلئن موقدّسی بله بویوروب: «تؤوبه ادئب راحاتلیق تاپاندا، خئلاص اولارسینیز، سئزئن قووّتئنئز ساکئت اولماقدادیر، ائنانماقدادیر. لاکئن سئز بونو ائسته‌مئرسئنئز.
[16] سئز دِدئنئز: ”خِیر، آتلارا مئنئب قاچاجاغیق.“ بونا گؤره سئز قاچمالی اولاجاقسینیز. ”چِوئک آتلارا مئنه‌جَیئک.“ بونا گؤره تعقئبچئلرئنئز ده چِوئک اولاجاقلار.
[17] مئن نفر بئر نفرئن تهدئدئندن قاچاجاق، بش نفرئن تهدئدئندن هامینیز قاچاجاقسینیز. او قدر کی، داغین باشینداکی بئر بایراق کئمی، تپه‌ده‌کی بئر علامت کئمی قالاسینیز.»
[18] آمّا رب سئزه ائلطئفات گؤرسدمک اوچون حسرت چکئر، اوجالاردا گؤزله‌یئر کی، سئزه شَفقَت گؤرسدسئن. چونکی رب عادئل تاری‌دیر، اونو ائنتئظارلا گؤزله‌یَنلر نه بختوردئرلر!
[19] ای اورشلئمده یاشایانلار، ای صحیون خالقی، سئز آرتیق آغلامایاجاقسینیز. فریاد اتدئکده رب قطعن سئزه ائلطئفات گؤرسده‌جک؛ فریادینیزی اشئتدئکده، سئزه جاواب وره‌جک.
[20] گَرچی رب سئزه عذاب چؤره‌یئنی و سئتم سویونو ورئب، لاکئن او، سئزئن موعلّئمئنئز، اؤزونو آرتیق سئزدن گئزلَتمیه‌جک. اونو گؤزونوزله گؤره‌جکسئنئز.
[21] صاغا یا دا سولا دؤندوکده، قولاقلارینیز آرخادان بئر سَس اِشئده‌جک: «یول بودور، گدئن بو یولا.»
[22] او واخت سئز گوموشله اؤرتولَن اویما بوتلرئنئزی، قیزیللا اؤرتولموش تؤکمه بوتلرئنئزی نجئس حساب اده‌جکسئنئز. اونلاری نجئس بئر شیی آتدیغینیز کئمی آتاجاقسینیز و اونلارا دئیه‌جکسئنئز: «ردّ اولون!»
[23] سونرا رب یِره اَکدئیئنئز توخوم اوچون یاغیش وره‌جک و تورپاغین وردئیی چؤرک بول و برکتلی اولاجاق. او گون مال-حیوانینیز گِنئش اوتلاقلاردا اوتلایاجاق.
[24] تورپاغی شوخوملایان اؤکوزلرله اِششَکلر، کورَکله، شَنه ائله سوورولموش دوزلانمیش یِم یئیه‌جکلر.
[25] او بؤیوک مغلوبئیّت گونونده، قالا بورجلری یِره چؤکَنده، هر اوجا داغدان و هر اوجا تپه‌دن سو آرخلاری آخاجاق.
[26] رب اؤز خالقینین یارالارینی ساریدیغی گون، ضربه‌سی ائله آچدیغی یارالارینا شفا ورن گون، آی ائشیغی گونش پاریلتیسی کئمی اولاجاق، گونشئن ده ائشیغی یدّی گونون ائشیغی کئمی یدّی قات آرتیق پارلایاجاق.
[27] باخ، ربّئن آدی اوزاق بئر یردن گلئر، قضبی یانار اود کئمی‌دئر، توستوسو چوخ قَلئظ؛ آغزی قضبله دولودور، دئلی سانکی هر شیی محو ادن آلوودور.
[28] اونون نفسی داشان سل کئمی‌دئر کی، ائنسانین بوغازیناجاق چاتیب. اِله کی، مئلّتلری اَلَکده سئلکَتسئن و دَیَرسئزلری آییرسین، و خالقلارین آغزینا یولدان آزدیران یویَن تاخسین.
[29] آمّا سئز موقدّس بایرام گجه‌سی کئمی نغمه‌لر اوخویاجاقسینیز. ربّئن داغینا، ائسرایئلئن قایاسینا نِی چالاراق چیخان کئمی، اوره‌یئنئز شادلاناجاق.
[30] رب قودرتلی سَسئنی اشئتدئره‌جک، حئدّتلی قضبله، هر شیی یاندیران آلوولا، طوفانلا، بولود پارتلاماسی ائله، دولو ائله قولونون قودرتئنی گؤرسده‌جک.
[31] رب دَیَنه‌یی ائله ووراندا، آشور ربّئن سَسئندن واهئمه‌یه گله‌جک.
[32] ربّئن اونلارا اِندئردئیی دَیَنه‌یئنئن هر ضربه‌سئنی، دفلر و طنبورلار نغمه‌سی موشایئعت اده‌جک. موحارئبه‌ده سئلاحلار چکئب اونلارلا ووروشاجاق.
[33] چونکی توفِت چوخدان حاضیردیر، دوغرودان دا پادشاه اوچون حاضیرلانیب. اونو درئن و گِنئش ادئب؛ اود قالاسی چوخلو اودونلارلا؛ ربّئن نفسی گوگورد آخینی کئمی اونو یاندیرار.