[1] او گون رب لِویاتانا، او قاچان ائلانا، بلی، لِویاتانا، او قیوریلان ائلانا آمانسیز، بؤیوک و قووّتلی قیلینجی ائله جزا وره‌جک، دهنزده‌کی اژداهانی اؤلدوره‌جک.
[2] او گون: «بئر شراب اوزوم‌باغی، اونون باره‌سئنده اوخویون!
[3] من رب، اونون قوروجوسویام، تِز-تِز اونو سولاییرام، گجه-گوندوز کِشئیئنده دورورام کی، هچ کس اونا ضرر یتئرمه‌سئن.
[4] هچ قضبئم یوخدور، اگر کئمسه موحارئبه‌ده قاباغیما تئکان و قانقال قویسا، اونلاری آیاق آلتیندا اَزه‌رم، هامیسینی اوددا یاندیرارام.
[5] و یا قوی منئم موحافئظه‌مدن بَرک توتسون، قوی منئمله باریشسین، قوی منئمله باریشسین.»
[6] گله‌جک گونلرده یعقوب نسلی کؤک سالاجاق، ائسرایئل گول آچیب چئچکلَنه‌جک، یِر اوزونو میوه ائله دولدوراجاقلار.
[7] مگر رب، ائسرایئلی ووران دوشمنلری کئمی، اونو ووردو؟ و یا او، مگر ائسرایئل، اونو اؤلدورَنلرئن اؤلدورولدویو کئمی اؤلدو؟
[8] سن اؤز خالقینی قوووب اسئرلئیه گؤندَ‌رمَکله اونلارلا چکئشدئن. شرق کوله‌یی اَسن گون، رب اونلاری شئدّتلی یِلی ائله قوووب.
[9] بونا گؤره، یعقوب نسلئنئن قباحتی بونونلا باغیشلاناجاق، گوناهین آرادان گؤتورولمه‌سئنئن تام باهاسی بو اولاجاق: بوتپرست قوربانگاهلارین داشلاری تاباشیر کئمی اووولاجاق، ائلاهه اَشِرا و بوخور قوربانگاهلاری بئر داها دئک قالمایاجاق.
[10] چونکی ائستِحکاملی شهر ترک ادئلئب، یورد، صحرا کئمی وئرانه و یئیه‌سئز قالیب. اورادا بوزوو اوتلاییب اوزاناجاق، اونون شاخه‌لرئنی یئیه‌جک.
[11] بوداقلار قورویوب قوپاریلاجاقلار، آروادلار گلئب اونلارلا اود قالایاجاقلار. بو خالق آغیلسیز اولدوغونا گؤره، اونلاری یارادان، اونلارا رحم اتمیه‌جک، اونلارین خالئقی اونلارا ائلطئفات گؤرسدمیه‌جک.
[12] او گون رب فَرات چاییندان مئصئر دره‌سئنه قدر، خرمن دؤیَن کئمی، اؤز خرمنئنی دؤیه‌جک، و سئز بئر-بئر توپلاناجاقسینیز، ای ائسرایئل اؤولادلاری!
[13] او گون بؤیوک کَره‌نای چالیناجاق، آشور تورپاغیندا ائتکئن دوشَنلر، مئصئره اسئر ادئلَنلر گلئب اورشلئمده، موقدّس داغدا، ربّه سجده اده‌جکلر.