[1] Шәкертләрнењ саны арта барган шул кѳннәрдә, грек яћүдләре, кѳндәлек ризыкны бүлгән вакытта үзләренењ тол хатыннарын исәпкә алмыйлар дип, җирле яћүдләрдән ризасызлык белдерделәр.
[2] Шуња күрә унике рәсүл, барлык шәкертләрне җыеп: – Без, ризык бүлү белән шѳгыльләнеп, Аллаћы сүзенә игътибарны киметергә тиеш түгелбез, – диделәр.
[3] – Шулай булгач, туганнар, үз арагыздан Рух ћәм зирәклек белән тулы булган җиде кешене сайлап алыгыз. Без аларны шушы эшкә куярбыз.
[4] Ә безнењ тѳп эшебез дога кылу ћәм сүз белән хезмәт итү булыр.
[5] Бу тәкъдим барсына да ошады. Иман ћәм Изге Рух белән тулы булган Эстефәнне, шулай ук Филипне, Прохырны, Никәнүрне, Тимунны, Парменне ћәм яћүд диненә мәҗүсилектән кабул ителгән антиухеяле Никүләйне сайладылар.
[6] Аларны рәсүлләр алдына бастырдылар. Рәсүлләр аларныњ башларына кулларын куеп дога кылдылар.
[7] Шулай итеп, Аллаћы сүзе кињ таралды, Иерусалимда шәкертләр саны күпкә артты, руханиларныњ да бик күбесе итагатьлек белән иман итте.
[8] Ә мәрхәмәт ћәм кодрәт белән тулы булган Эстефән исә халык арасында бѳек могҗизалар ћәм галәмәтләр кылды.
[9] Шулай бервакыт «Азат ителгәннәр гыйбадәтханәсе» дип аталган гыйбадәтханәнењ Күринидән ћәм Искәндәриядән, шулай ук Киликия ћәм Асия ѳлкәләреннән булган кайбер әгъзалары Эстефән белән бәхәскә керделәр,
[10] әмма аныњ сүзләрендәге зирәклеккә ћәм Рухка каршы тора алмадылар.
[11] Шуннан соњ алар кайберәүләргә: – Без аныњ Мусага ћәм Аллаћыга каршы кѳфер сѳйләгәнен ишеттек, – дип коткы салдылар.
[12] Халыкны, аксакалларны ћәм канунчыларны Эстефәнгә каршы котыртып, ћѳҗүм итеп аны тоттылар ћәм Югары кињәшмәгә алып киттеләр.
[13] Алар Кињәшмәдә ялган шаћитләргә сүз бирделәр. Ә тегеләре исә: – Бу кеше шушы изге урынга ћәм канунга каршы кѳфер сѳйләүдән туктамый, – диделәр. –
[14] Без аныњ: «Насаралы Гайсә бу урынны җимерәчәк ћәм Муса безгә биргән йолаларны үзгәртәчәк», – дигәнен ишеттек.
[15] Кињәшмәдә утыручы барлык кешеләр Эстефәнгә карадылар. Аныњ йѳзе фәрештәнеке кебек иде.