[1] Nyanyeyan ziyara. Dhari jurang kasossa'an, abdidalem aserro ka Junandalem, Guste PANGERAN.
[2] Peyarsa'agi serrona abdidalem, Guste, peyarsa'agi parnyo'onan abdidalem.
[3] Manabi Junandalem terros ngaemodi dusa abdidalem, pasera se kowat, Guste?
[4] Namong Junandalem gampang nyapora, sopaja oreng tako' sareng abakte ka Junandalem.
[5] Sengko' ngarep partolonganna PANGERAN, rep-ngarep janjina.
[6] Sengko' ce' terrona tatemmowa ban Pangeran, alebbiyan dhari pangaterrona tokang patrol se anante' pajjar.
[7] Mara ngarep ka PANGERAN, para ommadda, sabab Salerana paggun taresna, ban to-sabakto kasokan masalamet manossa.
[8] Salerana bakal mabebasa sengko' ban ba'na dhari sakabbinna kasala'an ban dusa.
Jabur — Chapters
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150