<Jabur 129

[1] Nyanyeyan ziyara. Isra'il, mara careta'agi baramma carana ba'na ekaneyaja mosona dhari gi' ngodhana.

[2] “Sengko' ekaneyaja moso dhari gi' ngodhana, tape sengko' ta' ekenneng pakala reng-oreng jareya;

[3] tang moso maloka tang balikat, loka dhalem sabannya'na, akantha salaga se malobang teggal, lobang se dhalem ban lanjang.

[4] Tape PANGERAN se adil malopot sengko', ta' sampe' ekadunor oreng.”

[5] Moga saneyap oreng se baji' ka Siyon epakala'a sampe' kabbi padha nyorot.

[6] Moga kabbi padha'a ban rebba e attas ata', se kerreng sabellunna tombu ban nyenna;

[7] tadha' oreng se ngare', tadha' se agintel.

[8] Reng-oreng se lebat ta' kera ngoca', “Moga ba'na eberkadana PANGERAN, sengko' kabbi padha aberkadi ba'na bit asmana PANGERAN.”