[1] Jaburra Daud. PANGERAN adhabu ka tang guste, “Mara toju' e kanganna Sengko', sampe' so-mosona ba'na bi' Sengko' epatellok ka ba'na.”
[2] Dhari Siyon PANGERAN malebara karaja'annepon junandalem; moga junandalem ngobasa'ana so-mosona!
[3] E are bakto junandalem rabu kalaban kobasana, e gumo' se socce, ra'yattepon junandalem maju kalaban sokalella. Akadi ebbun e baja laggu para ngangodhadan nyander ka junandalem.
[4] PANGERAN ajanji ban asompa, janji se ta' ecabuda saterrossa, “Ba'na imam kaangguy salanjangnga, akantha Melkisedek.”
[5] PANGERAN badha e kangannepon junandalem, manabi duka, to-rato padha epakala.
[6] Salerana badhi ngokoma sa-bangsa, kantos mayyit ajalamperran ta' karowan. Salerana badhi mateyana para pangobasa se badha neng e dunnya.
[7] Rato badhi adha'ara aeng dhari songay e penggir lorong, saamponnepon epakowat bakal mennanga.