[1] Nyanyeyan ziyara. E bakto PANGERAN mabali Yerusalim akantha asalla, sengko' ban ba'na akantha se amempe!
[2] Sengko' ban ba'na terros agella'an, anyanye kaperagen, sampe' sa-bangsa laen padha ngoca', “PANGERAN la alampa'agi sabarang parkara se raja ka reng-oreng rowa!”
[3] Pajat Pangeran la alampa'agi sabarang parkara se raja ka sengko' ban ba'na! Jareya sababba sengko' ban ba'na padha gumbira!
[4] Guste PANGERAN, pabaliyagi kabadha'an abdidalem sadaja akadi asalla, akadi songay kerreng se kalowar aeng e mosem nembara'.
[5] Moga oreng se nabur sambi nanges, eparengngana anye sambi rak-soragan.
[6] Oreng entar nabur ne-bine e teggalla, sambi ngalecer aeng matana. Oreng jareya mole sambi anyanye kaperagen, ngeba hasella tamennanna.
Jabur — Chapters
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150