[1] Yî-ha he sṳ̀n-ngìn Mô-sî ko-sṳ̂n yî-chhièn, hiong Yî-set-lie̍t ngìn-mìn chuk-fuk ke fa.
[2] Kì kóng: Song-chú tui Sî-nai-sân lòi; Kì chhiong ngit-thèu tui Yî-tûng chhut-lòi, tui Pâ-làn-sân kông-cheu chhṳ-kâ ke chṳ́-mìn. Chhiên-chhiên van-van ke thiên-sṳ́ thèn-tén Kì; Kì chṳn-sú khià-tén tông-mâng ke fó-pá.
[3] Song-chú siak Kì ke chṳ́-mìn; Kì pó-fu Kì ke sṳn-mìn. Ngài-têu phu̍k chhai Kì ke kiok-chhièn, chhiòn-sîm chiap-su Kì ke kau-hiun.
[4] Mô-sî chiông Song-chú ke fap-li̍t pân-pu pûn ngài-têu; ke he Ngâ-kok ke heu-thoi chui pó-pi ke sán-ngia̍p.
[5] Tông Yî-set-lie̍t kok kî-chhu̍k ke liâng-chhiu chhi-si̍p khiung-ha, ke-sṳ̀ Song-chú cho Kì chṳn-chhṳ̍t ke chṳ́-mìn ke kiûn-vòng.
[6] Mô-sî chuk-fuk Lî-phien kî-chhu̍k, kóng: Lî-phien ke ngìn-su sûi-yèn kha-séu têu-é, ngien kì-têu yún-yén chhùn-chhai m̀-voi me̍t-mòng.
[7] Kì chuk-fuk Yù-thai kî-chhu̍k, kóng: Song-chú â, khiù Ngì thâng Yù-thai ke ôi-khiù, sṳ́ kì-têu lâu khì-thâ kî-chhu̍k chhùng-sîn lièn-ha̍p. Yù-thai ke kî-chhu̍k oi vi chhṳ-kâ chok-chan; ngien Song-chú pông-chhu kì-têu chṳ̂n-fu̍k thi̍t-ngìn.
[8] Kì chuk-fuk Li-vi kî-chhu̍k, kóng: Song-chú â, khiù Ngì thûng-ko Li-vi kî-chhu̍k yung vû-lìn thú-mìn khí-sṳ Ngì ke chṳ́-yi; kì-têu he Ngì chûng-sṳ̀n ke chṳ́-mìn. Ngì sṳt chhai Mâ-sat kháu-ngiam ko kì-têu, chhai Mí-li-pâ chhièn-súi sùn chên-lun ko.
[9] Kì-têu tui yà-ôi, hiûng-thi, chṳ́-ńg, mò-chhiong tui Ngì péu-hien ke chûng-sîm. Kì-têu chûn-hàng Ngì ke kie-min; kì-têu kiên-sú Ngì li̍p ke yok.
[10] Kì-têu oi kâu Yî-set-lie̍t-ngìn chûn-hàng Ngì ke fap-li̍t kie-min, ya oi chhai Ngì mien-chhièn sêu-hiông, chhai chi-thàn táng hien sêu-fa-chi.
[11] Song-chú â, ngien Ngì sṳ́ kì-têu khiòng-sṳn; khiù Ngì oi chiap-na̍p kì-têu ke kûng-chok. Khiù Ngì oi kûng-kit ke-têu yen-hen kì-têu ke thi̍t-ngìn, tá-sông thi̍t-ngìn ke yêu-kut, sṳ́ kì-têu hong m̀ hí-lòi.
[12] Kì chuk-fuk Phien-ngâ-mén kî-chhu̍k, kóng: Song-chú thung-siak pin pó-fu Phien-ngâ-mén; Kì yit-thin voi kûi-ngit pó-fu kì-têu, kì-têu chhai Kì ke sú-chûng yû phìn-ôn.
[13] Kì chuk-fuk Yok-sit kî-chhu̍k, kóng: Ngien Song-chú su-fuk kì-têu ke thú-thi, tui thiên-táng kong-hâ kâm-lìm, tui thi-hâ yúng-chhut chhièn-súi.
[14] Ngien kì-têu ke thièn-yèn ngit-kông chhûng-chiuk, ngièn-ngièn fûng-sû, ngien kì-têu ke thú-thi tak-chak ngie̍t chhut-sán hó kó-chṳ́.
[15] Ngien kì-têu ke ló sân-liâng yún-yén kó-su mân-phien he.
[16] Chhai chho̍k-tén ke net-teu tú fû-seu ngài ke Song-chú â, thai-thai su-fuk pûn kì-têu, sṳ́ kì-têu chhiòn-thi fûng-sû. Ngien liá-têu fuk-hi lìm-to Yok-sit kî-chhu̍k, yîn-vi kì he hiûng-thi tông-chûng ke liâng-chhiu.
[17] Yok-sit yû ngiù-kú ke hi-li̍t, yû yâ-ngiù ke kok; yit-kî kok he Mâ-nâ-sî ke chhiên-chhiên, yit-kî kok he Yî-fap-lièn ke van-van; kì oi yung kì-têu chṳ̂n-fu̍k van-koet, chiông van-mìn kiuk-to thi-khi̍t.
[18] Kì chuk-fuk Sî-pu-lùn lâu Yî-sat-kâ kî-chhu̍k, kóng: Ngien Sî-pu-lùn ke sên-lî fat-chán to hói-ngoi; ngien Yî-sat-kâ chhai pún-thi ke chhòi-fu chen-kâ.
[19] Kì-têu yêu-chhiáng lie̍t-koet to kì-têu sân-táng, chhai ke-vi hien kok-chúng yin-kôi hien ke chi. Kì-têu tui thai-hói chiông chhòi-sán yun chón-lòi, tui sâ-thân ke-vi chiông pó-pi pân chón-hi.
[20] Kì chuk-fuk Kâ-tet kî-chhu̍k, kóng: Song-ti yin-tông tet-tó chhṳ̂n-siung, Kì khok-chông Kâ-tet ke thú-thi. Kâ-tet chhiu-chhiong sṳ̂-é phu̍k-tén, oi khiú-hâ lia̍p-vu̍t ke kiok-pí, oi pok-thet kì ke thèu-nà phì.
[21] Kì-têu vi chhṳ-kâ tho̍k chui-hó ke thú-thi, chhiu-he liâng-chhiu yin-kôi tet-tó ke yit-fun. Yî-set-lie̍t ke-têu liâng-chhiu chhi-si̍p ke sṳ̀, kì-têu chûn-hàng Song-chú ke fap-li̍t kie-min.
[22] Kì chuk-fuk Tan kî-chhu̍k, kóng: Tan chhiu-he se ke sṳ̂-é, tui Pâ-sân-sân pêu chhut-lòi.
[23] Kì chuk-fuk Nâ-fut-thâ-li kî-chhu̍k, kóng: Nâ-fut-thâ-li tet-tó Song-chú ke thai-ên lâu chhṳ̀-oi; kì-têu ke thi-kie tui Kâ-li-li-fù hiong-nàm khóng-chán.
[24] Kì chuk-fuk Â-sat kî-chhu̍k, kóng: Â-sat só-tet ke chuk-fuk chhêu-ko phe̍t-chhu̍k; ngien kì-têu chhai hiûng-thi tông-chûng tet-ngìn-siak; ngien kì-têu ke thú-thi sâng-mân kám-lám-su.
[25] Ngien kì-têu ke sàng-chṳ́n yû thùng-mùn thiet-chhôn pó-fu; ngien kì-têu chhai sṳ-kiên ke ngit-è chhûng-mân li̍t-liong.
[26] Yî-set-lie̍t â, phe̍t ke sṳ̀n-mìn lâu ngì ke Song-ti pí m̀-tet. Kì chhô-tén yùn lòi pông-chhu ngì; Kì ke vî-ngiàm pî-ko thiên-khûng.
[27] Yún-sên ke Song-ti he ngì ke phit-nan-só; Kì ke sûng-sú yún-yén chṳ̂-chhṳ̀ ngì. Kì vi ngì kiuk-chéu thi̍t-ngìn; Kì min-lin me̍t-thet kì-têu.
[28] Yî-set-lie̍t voi ôn-kî lo̍k-ngia̍p, Ngâ-kok chṳ́-sûn hióng-su thai-phìn, he̍t chhai ńg-kuk sîn-chiú fûng-sû ke só-chhai, thiên-táng kâm-lìm chṳ̂-yun kì-têu ke thú-thi.
[29] Yî-set-lie̍t â, ngì-têu ngióng-pân án-yû hen-fuk! Song-chú chṳ́n-kiu ke ngìn-mìn, má-ngìn pí é-tet? Song-chú he ngì-têu ke tún-phài, tô-kiam; Kì pó-fu ngì-têu, sṳ́ ngì-têu tet-sṳn. Ngì-têu ke thi̍t-ngìn oi hiong ngì-têu thèu-hòng; ngì-têu oi tha̍p chhai kì-têu ke poi-nòng táng.