[1] “Ngì-têu he Song-chú — ngì-têu Song-ti ke chṳ́-ńg. Ngì-têu vi sí-ngìn ôi-sông ke sṳ̀, cho-m̀-tet chhiong ngoi-chhu̍k ngìn kot-sông chhṳ-kâ ke sṳ̂n-thí, thi-kông ngiak-thèu;
[2] yîn-vi ngì-têu he sṳn-kiet ke ngìn, su̍k Song-chú — ngì-têu ke Song-ti; Kì tui thiên-ha van-mìn chûng kién-sién ngì-têu cho Kì chhṳ-kâ pó-pi ke chṳ́-mìn.”
[3] “Song-chú siên-pu yit-chhiet tet-ngìn-nâu ke tûng-sî, ngì-têu cho-m̀-tet sṳ̍t.
[4] Ngì-têu cho-tet sṳ̍t ke thung-vu̍t he: ngiù, mièn-yòng, sân-yòng,
[5] yâ-lu̍k, yâ mièn-yòng, yâ-sân-yòng, lìn-yòng.
[6] Só-yû kiok-thài fûn-cho lióng-phan, yu voi to-chhó ke thung-vu̍t, ngì-têu chhiòn-phu cho-tet sṳ̍t;
[7] chúng-he ke-têu chṳ́-yû kiok-thài fûn-phan, ya-he tân-chhiang voi to-chhó ke thung-vu̍t, chhiu cho-m̀-tet sṳ̍t. Lo̍k-thò, thu-é, fôn, he mò chhiang-li ke thung-vu̍t, chhiòn-phu cho-m̀-tet sṳ̍t; yîn-vi kì-têu sûi-yèn voi to-chhó, chúng-he kiok-thài mò fûn-phan.
[8] Chû-é he mò chhiang-li ke thung-vu̍t, ya cho-m̀-tet sṳ̍t; yîn-vi chû-é sûi-yèn kiok-thài fûn-phan, chúng-he m̀-voi to-chhó. Liá-têu mò chhiang-li thung-vu̍t ke ngiuk, ngì-têu cho-m̀-tet sṳ̍t, lièn miâ kì-têu ke sṳ̂-thí ya cho-m̀-tet.
[9] “Só-yû chhai súi-tú, yû ǹg-yi̍t yû-lìn ke ǹg-lui, ngì-têu chhiòn-phu cho-tet sṳ̍t;
[10] chúng-he mò ǹg-yi̍t mò-lìn ke ǹg-lui, ngì-têu cho-m̀-tet sṳ̍t; ngì-têu oi chiông kì-têu son-cho mò chhiang-li ke.
[11] “Só-yû son-cho chhiang-li ke tiâu-é, ngì-têu chhiòn-phu cho-tet sṳ̍t.
[12] Cho-m̀-tet sṳ̍t ke tiâu-é he: ên-tiâu, thut-ên, yeu-phò, yên, lia̍p-ên, vû-â lâu kì khiung-lui ke, thò-niâu, hiêu, hói-êu, ên-chhiok lâu kì khiung-lui ke, chhṳ̂-hiêu, lù-chhṳ̀, meu-thèu-tiâu, kok-chhṳ̂, thi-fù, tiâu, kon-niâu, pha̍k-ho̍k lâu kì khiung-lui ke, tai-ngim, lâu phi̍t-phò.
[19] “Fàm-he yû yi̍t-kap ke khûn-chhùng, ngì-têu oi chiông kì-têu son-cho mò chhiang-li ke, chhiòn-phu cho-m̀-tet sṳ̍t.
[20] Fàm-he chhiang-li ke khûn-chhùng, ngì-têu chhiòn-phu cho-tet sṳ̍t.
[21] “Fàm-he chhṳ-yèn sí-thet ke thung-vu̍t, ngì-têu chhiòn-phu cho-m̀-tet sṳ̍t; chúng-he cho-tet pûn ngì-têu sàng-tú ke ngoi-chhu̍k ngìn sṳ̍t, ya-he mai-pûn khì-thâ ke ngoi-chhu̍k ngìn sṳ̍t; yîn-vi ngì-têu he sṳ̀n-sṳn ke chṳ́-mìn, su̍k Song-chú — ngì-têu ke Song-ti. “Cho-m̀-tet yung yòng-mà ke nen lòi chú se yòng-è.”
[22] “Ngì-têu oi tui tak-ngièn thú-thi ke sû-sṳ̀n chûng nâ sṳ̍p-fûn chṳ̂-yit chhut-lòi,
[23] to Song-chú — ngì-têu Song-ti só-sién oi sat-li̍p Kì ke miàng ke só-chhai, chhai Kì mien-chhièn sṳ̍t só-hien ke sṳ̍p-fûn chṳ̂-yit ke ńg-kuk, chiú, kám-lám-yù, lâu thèu-thôi ke ngiù-yòng. Ngì-têu oi sṳ̍t-hàng liá thiàu-li, ho̍k-si̍p sòng-sòng kin-vi Song-chú — ngì-têu ke Song-ti.
[24] Na-he ngì-têu ke vuk lì-khôi Song-chú só-sién oi sat-li̍p Kì ke miàng ke só-chhai tông-yén, m̀-sṳ́ chiông Song-chú — ngì-têu ke Song-ti sṳ́ ngì-têu fûng-sû ke sṳ̍p-fûn chṳ̂-yit yun-to ke-vi,
[25] ngì-têu cho-tet mai thú-sán lâu thèu-sâng, chiông chhièn tai-to Song-chú — ngì-têu ke Song-ti só-sién ke só-chhai.
[26] Ngì-têu cho-tet cheu chhṳ-kâ ke yi-sṳ chhai ke-vi yung chhièn mâi ngiù, yòng, chiú, ngiàm-chiú, ya-he ngì-têu sîm-kôn só sióng-oi ke. Ngì-têu chhiòn-kâ oi chhai Song-chú — ngì-têu Song-ti mien-chhièn sṳ̍t-lîm khoai-lo̍k.
[27] “Ngì-têu cho-m̀-tet mò ku-tó he̍t chhai ngì-têu sàng-tú ke Li-vi-ngìn, yîn-vi kì-têu mò chhṳ-kâ ke sán-ngia̍p.
[28] Mî sâm-ngièn ke chui-heu yit-ngièn, ngì-têu oi chiông ke-ngièn ke sṳ̍p-fûn chṳ̂-yit yun-to sàng-tú tún hí-lòi.
[29] Liá-têu chhùn-liòng he oi kiûng-yin mò chhṳ-kâ sán-ngia̍p ke Li-vi-ngìn, hàn-yû ngì-têu sàng-tú ke ngoi-chhu̍k ngìn, kû-yì lâu koá-fu. Kì-têu cho-tet lòi sṳ̍t-to páu-chiuk. Ngì-têu án-ngiòng cho, Song-chú — ngì-têu ke Song-ti chhiu voi chhai ngì-têu só-cho ke yit-chhiet sṳ-song su-fuk pûn ngì-têu.”