[1] Eegasii Yesuus Sheeyxaanaan fitinamuuf, Ruuhal Qudusiin gara huffee gammoojjitti geeyfame.
[2] Inni guyyaa afurtamii fi halkan afurtamiif eega soomane booddee ni beelawe.
[3] Hogguus inni fitinu isatti dhufee ti, “Ati dhugumaan Ilma Rabbii yoo taate, dhagaaggeen kun biddeena akka tahan ajaji!” isaan jedhe.
[4] Yesuus ammoo deebisee, “Barreeyfama Qulqulluu keeysatti, ‘Namni biddeena qofaan hin jiraatu, qoowlii afaan Rabbii keeysaa baatu hundumaan malee’ kan jedhu barreeyfamee ti jira” jedhe.
[5] Achii immoo Sheeyxaanni gara magaalaa qulqulluu Yerusaaleem isa geeysee ti, fiinxa tuuttoo Beeytal Maqdas irra fitteetti dhaabbachiisee,
[6] “Ati dhugumaan Ilma Rabbii yoo taate as irraa gadi if darbi, ‘Inni maleeykoota isaa siif ni ajaja, miilli kee akka dhagaa hin dhooyneef isaan harka isaanii irratti si baadhatu’ kan jedhu barreeyfamee ti jira” isaan jedhe.
[7] Yesuus ammoo, “‘Rabbii kee Gooyticha hin fitinin!’ kan jedhuus barreeyfamee ti jira” isaan jedhe.
[8] Ammaas Sheeyxaantichi gaara hedduu dheeraa tokko irratti ol isa baasee ti, mootummoota addunyaa irraa hundumaa fi kabajaa isaanii tiis isatti agarsiisee,
[9] “Ati lafa geeysee anaaf yoo sujjuudde, isaan kanneen hundumaa siif niin kanna” jedheeni.
[10] Hogguus Yesuus, “Yaa Sheeyxaana, walabal! ‘Rabbi kee Gooytichaaf sujjuudi isuma qofaas ibaadi!’ kan jedhu barreeyfamee ti jira” jedheeni.
[11] Eegasii Sheeyxaantichi isa ni dhiise; maleeykoonni Rabbii tiis dhufanii ti isa kaadaman.
[12] Yohannis qabamee mana hidhaatti dabarfamee kannamuu isaa dhageenyaan, Yesuus gara Galiilaatti jalaa deeme.
[13] Naazireet dhiisee gara kutaa Zebuloonii fi Niftaalem dhaqee ti, Qifirnaahom magaalaa garba bishaan qarqara jirtuu keeysa jiraate.
[14] Kuniis nabi Isaayyaasiin wanni dubbatame akka raawwatamuuf tahe.
[15] Nabiyyichi, “Yaa Zebuloon, yaa Niftaalem, kanneen Yordaanos gama gara bahar, Galiilaa kan ummata saba Israa'el hin tahinii ti!
[16] Ummanni dukkana keeysa taa'u, ifa guddaa arke; warra gaadidduu du'aa keeysa taa'u irrattiis ifni bahe” jedhe.
[17] Hogguus irraa jalqabee Yesuus, “Mootummaan samii waan dhihaatteef, toowbadhaa!” jechaa ti labsuu jalqabe.
[18] Yesuus garba Bishaan Galiilaa cinaa odoo deddeebi'uu obboleeyyan lamaan, Simoon isa Phexiroos jedhamuu fi Indiriiyaas obboleeysa isaa shabaka isaanii warra bishaanitti darbachutti jiru arke; isaaniis kalluuna-qabduu dha turan.
[19] Yesuusiis, “Na duukaa bu'aa! Aniis akka namoota walitti qabdaniin isin godha!” isaaniin jedhe.
[20] Hogguusuma shabakoota isaanii achumatti dhiisanii ti, isa duukaa bu'an.
[21] Inni achi irraa ka'ee odoo deemuu, obboleeyyan lama kanneen biraa, Yaaqoobii fi Yohannis ilmaan Zabdewos, abbaa isaanii Zabdewos wajjiin doonii isaanii keeysatti shabakoota isaanii odoo tolfatanii arkee ti, isaan yaame.
[22] Hogguusuma doonii isaanii tii fi abbaa isaanii tiis dhiisanii ti, isa duukaa bu'an.
[23] Yesuus guutummaa Galiilaa keeysa naannawee, manneen sagadaa isaanii keeysatti barsiisaa, Wangeela Mootummaa Rabbii lallabaa, namootaas dhukkubaa fi dhibdee hundumaa irraa fayyisaa ti ture.
[24] Oduun isaa tiis Sooriyaa hundumatti ni dhagayamte; hogguus namoonni dhukkubsattoota isaanii, warra uzrii adda addaa tiin, waraansaaniis qabaman, warra ruuhaan hamaan itti gale, dhukkuba nama kuffisuus kanneen qabamaniis, ammaas warra naaffate hundumaa gara isaa ti fidan; inni niis isaan ni fayyise.
[25] As irratti ummanni danuun kutaa Galiilaa, mandaroota kurnanii, Yerusaaleemii, kutaa Yihudaa tii fi Yordaanos gama irraa hiis isa duukaa dha bu'an.