[1] Ayiwa Israɛl bɔnsɔn bɛɛ tɔgɔw sɛbɛnna buruju sɛbɛn la, u bɛɛ sɛbɛnnen bɛ sɔrɔ Israɛl ka masakɛw ka kitabu kɔnɔ. Juda bɔnsɔn tun cɛra ka taa jɔnya la Babilonɛ u ka kanntanya kosɔn.
[2] Mɔgɔ minw fɔlɔ kɔseginna ka sigi u ka ciyɛn duguw la, olu tun ye Israɛl mɔgɔ dɔw ani sarakalasebaaw ni Levitew ani Alabatosoba baarakɛlaw ye.
[3] Juda bɔnsɔn dɔw ni Benjamɛn bɔnsɔn dɔw ani Efrayim ni Manase bɔnsɔn dɔw sigira Jerusalɛm.
[4] Juda denkɛ Perɛz bɔnsɔn, Amihud denkɛ tun ye Utai ye. Amihud fa tun ye Omri ye. Omri fa tun ye Imri ye. Imri fa tun ye Bani ye.
[5] Silo gwa la, denkɛ fɔlɔ tun ye Asaja ye ani a denkɛw.
[6] Zerak bɔnsɔn na, Jeuɛl ni a balimakɛw, olu tun ye mɔgɔ kɛmɛ wɔɔrɔ ni bikɔnɔntɔn ye.
[7] Benjamɛn bɔnsɔn na, Mesulam denkɛ Salum. Mesulam fa tun ye Hodavia ye. Hodavia fa tun ye Asenua ye.
[8] Jeroham denkɛ tun ye Jibneja ye. Uzi denkɛ tun ye Ela ye. Uzi fa tun ye Mikiri ye. Sefatia denkɛ tun ye Mesulam ye. Sefatia fa tun ye Ruɛl ye. Ruɛl fa tun ye Jibinija ye.
[9] U balimakɛw tun ye mɔgɔ kɛmɛ kɔnɔntɔn ni biduuru ani mɔgɔ wɔɔrɔ ye ka kɛɲɛ ni u bɔnsɔnw ye. O cɛw bɛɛ tun ye u bɛnbaw bɔnsɔnw kuntigiw ye ka kɛɲɛ ni u bɛnbaw bɔnsɔnw ye.
[10] Sarakalasebaaw la, Jedaja ni Jehojarib ni Jaken
[11] ani Hilkija denkɛ Azaria, Hilkija fa tun ye Mesulam ye. Mesulam fa tun ye Zadɔk ye. Zadɔk fa tun ye Merajɔt ye. Merajɔt fa tun ye Akitub ye, Ala ka so kuntigi tun don.
[12] Jeroham denkɛ tun ye Adaja ye. Jeroham fa tun ye Pashur ye. Pashur fa tun ye Malikija ye. Maesai fa tun ye Adiɛl ye. Adiɛl fa tun ye Jakizera ye. Jakizera fa tun ye Mesulam ye. Mesulam fa tun ye Mesilemit ye. Mesilemit fa tun ye Imɛr ye.
[13] U balimakɛw, u bɛnbaw bɔnsɔnw kuntigi minw tun bɛ se ka Ala ka so kɔnɔ baara kɛ kosɛbɛ, olu tun ye mɔgɔ waa kelen ni kɛmɛ wolonwula ni mɔgɔ biwɔɔrɔ ye.
[14] Levitew la, Hasub denkɛ Semaɛja, Hasub fa tun ye Azrikam ye. Azrikam fa tun ye Hasabia ye. Hasabia tun ye Mɛrari bɔnsɔn na kelen ye,
[15] ani Bakibakar ni Herɛs ni Galal ni Mise denkɛ Matania. Mise fa tun ye Zikiri ye. Zikiri fa tun ye Asaf ye,
[16] ani Semaɛja denkɛ tun ye Abdiasi ye. Semaɛja fa tun ye Galal ye. Galal fa tun ye Jedutun ye. Jedutun fa tun ye Berekia ye. Berekia fa tun ye Asa ye. Asa fa tun ye Elkana ye. A sigira Netofakaw ka duguw la.
[17] Dakɔlɔsibaaw la, Salum ni Akub ni Talimon ni Ahiman ani u balimakɛw, Salum tun ye kuntigi ye.
[18] Ale bɛ sigi masakɛ ka donda la kɔrɔn yanfan fɛ fo ka na se bi ma. Olu tun ye Levi bɔnsɔn ka bugufyɛ dondakɔlɔsibaaw ye.
[19] Korɛ denkɛ tun ye Salum ye. Korɛ fa tun ye Ebiasaf ye. Ebiasaf fa tun ye Korɛ ye. Salum ni a balimakɛw, a ka so mɔgɔw, Korɛ bɔnsɔn, olu tun bɛ finiso dondaw kɔlɔsili baara kun na. U bɛnbaw tun bɛ Matigi ka bugufyɛ donda kɔlɔsi.
[20] Eleazar denkɛ Fineɛs tun bɛ u kun na waati tɛmɛnnen na katuguni Matigi tun bɛ a fɛ.
[21] Meselemia denkɛ Zakari tun ye ɲɔgɔn kunbɛn finiso dakɔlɔsibaa ye.
[22] Minw ɲɛnatɔmɔna ka kɛ dakɔlɔsibaaw ye, olu tun ye mɔgɔ kɛmɛ fila ni mɔgɔ tan ni fila ye. U tɔgɔw sɛbɛnna buruju sɛbɛn la u ka duguw kɔnɔ. Dawuda ni yelikɛla Samuɛl ye u sigi ka u ka baara kalifa u ma.
[23] U ni u denw sigira ka Matigi ka yɔrɔ senuma dondaw kɔlɔsi waati bɛɛ, o finiso kɔni.
[24] Dakɔlɔsibaaw tun bɛ a fan naani la kɔrɔn ni tilebi ni saheli ni worodugu yanfan.
[25] U balimakɛ minw sigilen tun bɛ u ka duguw kɔnɔ, olu tun bɛ na u fɛ waati ni waati ka tile wolonwula baara kɛ.
[26] Baara kalifara dakɔlɔsibaa kuntigi naani ma, olu tun ye Levitew ye. Ala so kɔnɔ bonw ni nafolo mara yɔrɔw fana tun kalifara u ma.
[27] U tun bɛ Ala ka so da la k'a lamini ka si yen, k'a da yɛlɛ sɔgɔma o sɔgɔma, o tun ye u ka baara ye.
[28] Baarakɛ minanw kalifara u dɔw ma fana. Sani u ka u don, u tun bɛ u dan, ni u tun bɛ u bɔ, u tun bɛ u dan fana.
[29] Yɔrɔ senuma kɔnɔ fɛnw ni a minanw bɛɛ kalifara u dɔw ma. U tun bɛ mugu tɛntɛnnen ni diwɛn ni tulu ni suma diyalan mana ni suma diyalan dɔw ko ɲɛnabɔ.
[30] Sarakalasebaaw den dɔw tun bɛ suma diyalan kolonsolenw dila.
[31] Fɛn minw tun bɛ jiran faa kɔnɔ, olu baara kalifara Levitew la kelen ma, o tun ye Matitia ye, Korɛ bɔnsɔn Salum denkɛ fɔlɔ don.
[32] U balimakɛ dɔw Kɛhat bɔnsɔn na, olu tun bɛ jirali buurukunw dila ka a ko ɲɛnabɔ lafiɲɛ don o lafiɲɛ don.
[33] Olu tun ye dɔnkili dalaw Levitew bɛnbaw bɔnsɔnw kuntigiw ye. U sigira Ala ka so kɔnɔ bonw kɔnɔ. U tun tɛ baara wɛrɛ kɛ katuguni u tun bɛ u ka baara kɛ su fara tile kan.
[34] Olu tun ye Levitew bɛnbaw bɔnsɔnw kuntigi dɔw ye ka bɔ u bɔnsɔnw na. U sigira Jerusalɛm.
[35] Gabaon dugu sigibaa Jeiɛl sigira Gabaon, a muso tɔgɔ ko Maka.
[36] A denkɛ fɔlɔ tun ye Abidon ye, o kɔ, Zur ni Kis ni Bal ni Ner ni Nadab
[37] ni Gedor ni Akijo ni Zakari ani Mikilot.
[38] Mikilot ye Simeam bange, u fana sigira u balimakɛw kɛrɛ fɛ Jerusalɛm u balimaw fɛ.
[39] Ner ye Kis bange. Kis ye Saul bange. Saul ye Jonatan ni Maliki-Sua ni Abinadab ani Esbal bange.
[40] Jonatan denkɛ tun ye Merib-Bal ye. Merib-Bal ye Mise bange.
[41] Mise denkɛw tun ye Piton ni Melɛk ani Takrea ye.
[42] Akaz ye Jaera bange. Jaera ye Alemɛt ni Azmavɛt ani Zimri bange. Zimri ye Moza bange.
[43] Moza ye Binea bange, o denkɛ tun ye Refaja ye. Refaja denkɛ tun ye Eleasa ye. Eleasa denkɛ tun ye Azɛl ye.
[44] Azɛl ye denkɛ wɔɔrɔ sɔrɔ, u tɔgɔw filɛ ninw ye, Azirikam ni Bokeru ni Isumaɛl ni Searia ni Abdiasi ani Hanan. Olu tun ye Azɛl denkɛw ye.