[1] Israɛl bɔnsɔn na kuntigiw dama filɛ ninw ye, cɛ waa kelen-kelen kuntigiw ni cɛ kɛmɛ-kɛmɛ kuntigiw ani jalatigi minw bɛ masakɛ ka baara la, o kuluw tun bɛ tilatila ka kɛ kulu tan ni fila ye ka baara kɛ kalo o kalo san kɔnɔ kalow bɛɛ la. O kulu bɛɛ kelen-kelen tun ye cɛ waa mugan ni naani ye.
[2] Mɔgɔ min tun bɛ jamakulu fɔlɔ kun na kalo fɔlɔ la, o kɛra Zabdiɛl denkɛ Jasobeam ye. Ale ka kulu tun ye cɛ waa mugan ni naani ye.
[3] Ale tun ye Perɛz bɔnsɔn ni o jalatigiw bɛɛ kuntigi ye kalo fɔlɔ la.
[4] Akosi denkɛ Dodai tun ye kalo filanan jamakulu kuntigi ye. Miklot tun ye ale ka jamakulu la ɲɛ mɔgɔ dɔ ye. O jamakulu tun ye cɛ waa mugan ni naani ye.
[5] Mɔgɔ min tun bɛ jamakulu sabanan kun na kalo sabanan la, o tun ye sarakalasebaa Jehojada denkɛ Benaja ye. Ale tun ye kuntigi ye, cɛ waa mugan ni naani tun bɛ ale fana bolo.
[6] O Benaja tun ye o cɛ bisaba la cɛ farin ye. Ale tun bɛ o cɛ bisaba kun na. A denkɛ Amizabad tun ye a ka jamakulu la kuntigi dɔ ye.
[7] Kuntigi naaninan min tun bɛ kalo naaninan jamakulu kun na, o tun ye Joab balimakɛ Asaɛl ye. A denkɛ Zebadia sigira ale kɔ. Cɛ waa mugan ni naani fana tun bɛ o bolo.
[8] Kuntigi duurunan min tun bɛ kalo duurunan jamakulu kun na, o tun ye Samehut ye ka bɔ Jizra. Cɛ waa mugan ni naani tun bɛ ale bolo.
[9] Kuntigi wɔɔrɔnan min tun bɛ kalo wɔɔrɔnan jamakulu kun na, o tun ye Ikɛs denkɛ Ira ye ka bɔ Tekoa. Cɛ waa mugan ni naani tun bɛ ale bolo.
[10] Kuntigi wolonwulanan min tun bɛ kalo wolonwulanan jamakulu kun na, o tun ye Helɛz ye ka bɔ Palon, Efrayim bɔnsɔn tun don. Cɛ waa mugan ni naani tun bɛ ale bolo.
[11] Kuntigi seginnan min tun bɛ kalo seginnan jamakulu kun na, o tun ye Sibekai ye ka bɔ Husa, Zerak ka gwa la. Cɛ waa mugan ni naani tun bɛ ale bolo.
[12] Kuntigi kɔnɔntɔnnan min tun bɛ kalo kɔnɔntɔnnan jamakulu kun na, o tun ye Abiezɛr ye ka bɔ Benjamɛn bɔnsɔn na Anatɔt. Cɛ waa mugan ni naani tun bɛ ale bolo.
[13] Kuntigi tannan min tun bɛ kalo tannan jamakulu kun na, o tun ye Maharai ye ka bɔ Netofa, Zerak ka gwa la. Cɛ waa mugan ni naani tun bɛ ale bolo.
[14] Kuntigi tan ni kelennan min tun bɛ kalo tan ni kelennan jamakulu kun na, o tun ye Benaja ye ka bɔ Piraton, Efrayim bɔnsɔn dɔ don. Cɛ waa mugan ni naani tun bɛ ale bolo.
[15] Kuntigi tan ni filanan min tun bɛ kalo tan ni filanan jamakulu kun na, o tun ye Heldai ye ka bɔ Netofa, Otniɛl bɔnsɔn dɔ don. Cɛ waa mugan ni naani tun bɛ ale bolo.
[16] Israɛl bɔnsɔn na kuntigiw filɛ ninw ye. Zikiri denkɛ Eliezɛr tun ye Rubɛn bɔnsɔn kuntigi ye. Maaka denkɛ Sefatia tun ye Simeɔn bɔnsɔn kuntigi ye.
[17] Kemuɛl denkɛ Hasabia tun ye Levitew bɔnsɔn kuntigi ye. Aron bɔnsɔn kuntigi tun ye Zadɔk ye.
[18] Juda bɔnsɔn kuntigi tun ye Elihu ye, o tun ye Dawuda balimaw la kelen ye. Isakar bɔnsɔn kuntigi tun ye Mikaɛl denkɛ Omri ye.
[19] Zabulɔn bɔnsɔn kuntigi tun ye Abdiasi denkɛ Jisemaɛja ye. Nefitali bɔnsɔn kuntigi tun ye Azriɛl denkɛ Jerimot ye.
[20] Efrayim bɔnsɔn kuntigi tun ye Azazia denkɛ Hose ye. Manase siya tilancɛ kuntigi tun ye Pedaja denkɛ Joɛl ye.
[21] Manase bɔnsɔn tilancɛ la Galad jamana la kuntigi tun ye Zakari denkɛ Jido ye. Benjamɛn bɔnsɔn kuntigi tun ye Abinɛr denkɛ Jaasiɛl ye.
[22] Dan bɔnsɔn kuntigi tun ye Jeroham denkɛ Azareɛl ye. Olu tun ye Israɛl bɔnsɔn kuntigiw ye.
[23] K'a daminɛ san mugan mɔgɔw la ka jigin, Dawuda ma se ka olu dan, katuguni Matigi y'a fɔ ko a na Israɛl bɔnsɔn caya i ko sankolola dolow.
[24] Zeruja denkɛ Joab tun ye mɔgɔw jateli daminɛ nka a ma a laban, katuguni Matigi ka dimiya wulila Israɛl bɔnsɔn kama o kosɔn. O de kosɔn mɔgɔw dama ma sɛbɛn tɔw fɛ masakɛ Dawuda ka Tilew Kibaru Kitabu kɔnɔ.
[25] Adiɛl denkɛ Azmavɛt tun ye masakɛ ka nafolo mara yɔrɔ kuntigi ye. Oziasi denkɛ Jonatan tun ye nafolo mara yɔrɔw kuntigi ye dugubaw ni u dafɛ dugu misɛnw ani kɛlɛ kunbɛn sow kɔnɔ.
[26] Kelub denkɛ Ezri tun ye kungo kɔnɔ baarakɛlaw ni sɛnɛkɛlaw kuntigi ye.
[27] Simei min bɔra Rama, o tun ye rezɛn nakɔw kuntigi ye. Zabdi min bɔra Sefam, o tun ye rezɛn ji bɔ yɔrɔw kuntigi ye.
[28] Bal-Hanan min bɔra Gedɛr, o tun ye kɛnɛ la olive sunw ni toro sunw kuntigi ye. Joas tun ye tulu mara yɔrɔ kuntigi ye.
[29] Sitrai min bɔra Saron, o tun ye Saron misi gɛnnaw kuntigi ye. Adalai denkɛ Safat tun ye jɛkɛnɛ la misi gɛnnaw kuntigi ye.
[30] Israɛl bɔnsɔn Obil tun bɛ ɲaamɛw kun na. Jekidia min bɔra Meronot, o tun bɛ faliw kun na.
[31] Jaziz min bɔra Hagar, o tun bɛ bagan misɛnw kun na. Olu bɛɛ tun ye Dawuda ka nafolo ko ɲɛnabɔbaaw ye.
[32] Dawuda mansa Jonatan tun ye laadibaa ye, mɔgɔ hakilitigi kalannen tun don. Hakmoni denkɛ Jehiɛl tun ye masakɛ denkɛw kalanbaa ye.
[33] Akitofɛl tun ye masakɛ kɔrɔsigi ye. Husai min bɔra Arka, o tun ye masakɛ terikɛ ye.
[34] Benaja denkɛ Jehojada ani Abiatar kɛra masakɛ kɔrɔsigiw ye Akitofɛl nɔ na. Masakɛ ka kɛlɛbolow kuntigi tun ye Joab ye.