[1] Aron denkɛw tilatila cogo filɛ nin ye. Aron denkɛw tun ye Nadab ni Abihu ni Eleazar ani Itamar ye.
[2] Nadab ni Abihu sara u fa ɲɛ, u ma den sɔrɔ. Eleazar ni Itamar ye sarakalasebaaya baara kɛ.
[3] Dawuda ni Eleazar bɔnsɔn Zadɔk ani Itamar bɔnsɔn Akimelɛk ye Aron bɔnsɔn tilatila ka kɛɲɛ ni u ka baaraw ye.
[4] Eleazar bɔnsɔn kuntigiw tun ka ca ni Itamar bɔnsɔn kuntigiw ye. U ye Eleazar bɔnsɔn fana tilatila, olu tun ye gwatigi tan ni wɔɔrɔ ye. Itamar bɔnsɔn ta tun ye gwatigi segin ye.
[5] Kala dara o bɔnsɔn fila bɛɛ ye ka u tilatila. Yɔrɔ senuma kuntigiw ani Ala ka so kuntigiw bɔra Eleazar bɔnsɔn ni Itamar bɔnsɔn na.
[6] Netaneɛl denkɛ Semaɛja tun ye sɛbɛnnikɛla ye ka bɔ Levi bɔnsɔn na. A ye olu tɔgɔw sɛbɛn masakɛ ni a ka faamaw ni sarakalasebaa Zadɔk ni Abiatar denkɛ Akimelɛk ni gwatigiw ni sarakalasebaaw ani Levitew bɛɛ ɲɛ na. Gwa kelen ɲɛnatɔmɔna ni kala dali ye ka bɔ Eleazar bɔnsɔn na ani gwa kelen ka bɔ Itamar bɔnsɔn na.
[7] Fɔlɔ min ɲɛnatɔmɔna ni kala dali ye olu cɛma, o tun ye Jehojarib ye, a filanan tun ye Jedaɛja ye.
[8] A sabanan tun ye Harim ye. A naaninan tun ye Seorim ye.
[9] A duurunan tun ye Malikija ye. A wɔɔrɔnan tun ye Mijamin ye.
[10] A wolonwulanan tun ye Hakoz ye. A seginnan tun ye Abija ye.
[11] A kɔnɔntɔnnan tun ye Josue ye. A tannan tun ye Sekania ye.
[12] A tan ni kelennan tun ye Eliasib ye. A tan ni filanan tun ye Jakim ye.
[13] A tan ni sabanan tun ye Hupa ye. A tan ni naaninan tun ye Jesebeab ye.
[14] A tan ni duurunan tun ye Bilga ye. A tan ni wɔɔrɔnan tun ye Imer ye.
[15] A tan ni wolonwulanan tun ye Hezir ye. A tan ni seginnan tun ye Hapizez ye.
[16] A tan ni kɔnɔntɔnnan tun ye Petakija ye. A mugannan tun ye Ezekiɛl ye.
[17] A mugan ni kelennan tun ye Jakin ye. A mugan ni filanan tun ye Gamul ye.
[18] A mugan ni sabanan tun ye Dalaja ye. A mugan ni naaninan tun ye Mazia ye.
[19] Olu tɔgɔw sɛbɛnna ka da ɲɔgɔn kan ten walisa u ka Matigi ka so kɔnɔ baara bɔ ɲɔgɔn kɔrɔ ka kɛɲɛ ni u bɛnba Aron ka ko latigɛlen ye, i ko Matigi, Israɛl bɔnsɔn ka Ala y'a fɔ cogo min na.
[20] Levi bɔnsɔn na gwatigi dɔw filɛ ninw ye. U ye Subaɛl ɲɛnatɔmɔ ka bɔ Amram denkɛw cɛma ani Jekidia ka bɔ Subaɛl denw na.
[21] Jisija tun ye Rekabia denkɛw kuntigi ye.
[22] Ka bɔ Jizehar ka gwa la, Selemot. Ka bɔ Selemot ka gwa la, Jakat.
[23] Ka bɔ Heborɔn denkɛw la, Jerija, Amaria tun ye filanan ye, Jakaziɛl tun ye sabanan ye, Jekameam tun ye naaninan ye.
[24] Ka bɔ Uziɛl bɔnsɔn na, Mise. Ka bɔ Mise bɔnsɔn na, Samir.
[25] Mise balimakɛ Jisija, ka bɔ Jisija bɔnsɔn na, Zakari.
[26] Ka bɔ Mɛrari bɔnsɔn na, Makili ni Musi ani Jazija,
[27] Jazija denkɛw Soham ni Zakur ani Ibiri.
[28] Ka bɔ Makili bɔnsɔn na, o tun ye Eleazar ye, o ma denkɛ sɔrɔ.
[29] Ka bɔ Kis bɔnsɔn na, Kis denkɛ tun ye Jerakmeɛl ye.
[30] Musi denkɛw tun ye Makili ni Edɛr ani Jerimot ye. Olu tun ye Levi bɔnsɔnw ye ka kɛɲɛ ni u bɛnbaw bɔnsɔnw ye.
[31] Kala dara olu fana ye i ko u balimaw Aron bɔnsɔn. U ye kala da masakɛ Dawuda ɲɛ na ani Zadɔk ni Akimelɛk ani sarakalasebaaw ka gwatigiw ani Levitew fana ɲɛ na. U bɛnbaw kuntigiw bɛɛ kelen-kelen ni u dɔgɔkɛw bɛɛ la dɔgɔmanniw ta kɛra cogo kelen na.