[1] San yɛlɛma tuma la, masakɛw ka kɛlɛ waati la, Joab bilara kɛlɛbolo ɲɛ ka Amɔn bɔnsɔn ka jamana tiɲɛn ka taa daga Raba da la. Nka Dawuda tora Jerusalɛm. Joab ye Raba minɛ ka a ci.
[2] Dawuda ye Amɔn bɔnsɔn ka masakɛ ka masafugula minɛ ka o pese. O giriya kɛra sanu kilo bisaba ye. Kabakurun sɔngɔ gɛlɛnw tun kɛra ka o masiri. U ye o don Dawuda kun na. Dawuda ye o dugu nafolo cɛ, a tun ka ca kosɛbɛ.
[3] A ye dugu mɔgɔw labɔ ka olu kɛ diyagoya baarakɛlaw ye, jiri silaw ni minan da diyalaw ni jele la baarakɛlaw. A ye Amɔn bɔnsɔn ka duguw bɛɛ kɛ ten. O kɔ, Dawuda ni mɔgɔw bɛɛ kɔseginna Jerusalɛm.
[4] O kɔ, Filisitikaw ye kɛlɛ kɛ Gezɛr. Sibekai min bɔra Husa, o ye Rafa bɔnsɔn Sipai faga. Filisitikaw majiginna.
[5] Filisitikaw ye kɛlɛ kɛ ko kura. Jair denkɛ Elkanan ye Goliati balimakɛ Lakmi faga. O tun bɛ bɔ Gat. Tama min tun bɛ a bolo, o kala tun bɛ i ko gese dala ka bankalama.
[6] Kɛlɛ wɛrɛ kɛra Gat ko kura. Cɛ dɔ tun bɛ yen, a tun ka jan kosɛbɛ. Mɔgɔ cɔrɔma tun don. A bolonkɔniw ni a sennkɔniw bɛɛ lajɛlen tun ye mugan ni naani ye. O fana tun ye Rafa bɔnsɔn ye.
[7] O cɛ ye Israɛl bɔnsɔn mafiɲɛya. Dawuda kɔrɔkɛ Simei denkɛ Jonatan y'a faga.
[8] O cɛw tun bɛ bɔ Gat dugu kɔnɔ. Rafa bɔnsɔnw tun don. Olu bɛɛ fagara Dawuda ni a ka baaradenw fɛ.