[1] Juda denkɛw tun ye Perɛz ni Hɛzrɔn ni Karmi ni Hur ani Sobal ye.
[2] Sobal denkɛ Reaja ye Jakat bange. Jakat ye Akumai ni Lahad bange. Olu ye Zoreakaw ka gwaw ye.
[3] Etam fa bɔnsɔn filɛ ninw ye, Jizreɛl ni Jisma ani Jidbas. U balimamuso tɔgɔ ko Hazelɛlponi.
[4] Gedor fa tun ye Penuɛl ye. Husa fa tun ye Ezɛr ye. Olu tun ye Hur bɔnsɔn ye. Hur tun ye Bɛtilɛhɛm dugu sigibaa ye, Efrata den fɔlo tun don.
[5] Muso fila tun bɛ Tekoa dugu sigibaa Askur fɛ, olu tɔgɔw ko Helea ni Nara.
[6] Nara ye Akuzam ni Hefɛr ni Temeni ani Akastari bange a ye. Olu ye Nara denkɛw ye.
[7] Helea denkɛw tun ye Zerɛt ni Jizehar ani Etinan ye.
[8] Koz ye Anub ni Hazobeba ani Harum denkɛ Akarsɛl ka gwaw bange.
[9] Jabɛz tɔgɔ bɔra ka tɛmɛn a balimakɛw tɔgɔw kan. A ba ye a tɔgɔ da ko Jabɛz, a ko: «Katuguni ne degunnen y'a sɔrɔ.»
[10] Jabɛz ye Ala deli nin cogo la, ko: «E Israɛl ka Ala, ne bɛ i deli ko i ka duba ne ye ka ne dan yɔrɔw bonya ka i bolo to ne fɛ ka ne mara ko jugu ma, walisa tɔɔrɔ kana ne ɲɛnasisi.» A ye min deli, Ala ye o kɛ a ye.
[11] Suak balimakɛ Kelub ye Mekir bange. Mekir tun ye Eston fa ye.
[12] Eston ye Rafa ni Paseak ani Nakas dugu sigibaa Tekina bange. Olu ye Rekakaw ye.
[13] Kenaz denkɛw tun ye Otniɛl ni Seraja ye. Otniɛl denkɛ tun ye Hatat ye.
[14] Meonotai ye Ofira bange. Seraja ye Joab bange. O tun ye walekɛlaw ka jɛkɛnɛ dugu sigibaa ye, katuguni olu tun ye walekɛlaw ye.
[15] Jefune denkɛ Kalɛb denkɛw tun ye Iru ni Ela ni Nam ye. Ela denkɛ tun ye Kenaz ye.
[16] Jehaleleɛl denkɛw tun ye Zif ni Zifa ni Tirja ani Asareɛl ye.
[17] Esdrasi denkɛw tun ye Jetɛr ni Merɛd ni Efɛr ani Jalon ye. Merɛd muso ye Mariyama ni Samai ani Estemoa dugu sigibaa Jisbak bange.
[18] Olu tun ye Faraon denmuso Bitija denkɛw ye, Merɛd tun y'a furu. Merɛd ka Yahutu muso ye Gedor dugu sigibaa Jerɛd ni Soko dugu sigibaa Hebɛr ani Zanoak dugu sigibaa Jekutiɛl bange.
[19] Hodija muso denkɛw tun ye Kehila dugu sigibaa Garmi ani Estemoa dugu sigibaa Maka ye. A muso tun ye Nakam balimamuso ye.
[20] Simɔn denkɛw tun ye Amnon ni Rina ni Bɛn-Hanan ani Tilon ye. Jisei denkɛw tun ye Zoket ni Ben-Zoket ye.
[21] Juda denkɛ Sela denkɛw tun ye Leka dugu sigibaa Er ni Maresa dugu sigibaa Laeda ye ani Asbea ka so mɔgɔ minw tun bɛ lenfu baara kɛ, ani olu ka gwaw fana,
[22] ani Jokim ni Kosebakaw ni Joas ani Saraf, olu tun bɛ kuntigiya la Moab bɔnsɔn ani Jasubi-Lesɛm kun na. O kow kɛra ka kɔrɔ.
[23] Olu tun ye daga dilabaaw ye, u sigilen tun bɛ sɛnɛkɛ yɔrɔw ni sinsanw kɔnɔ. Masakɛ ye u sigi yen a ka baara kama.
[24] Simeɔn denkɛw tun ye Nemuɛl ni Jamen ni Jarib ni Zerak ani Saul ye.
[25] Saul denkɛ tun ye Salum ye. Salum denkɛ tun ye Mibisam ye. Mibisam denkɛ tun ye Misima ye.
[26] Misima denkɛ tun ye Hamuɛl ye. Hamuɛl denkɛ tun ye Zakur ye. Zakur denkɛ tun ye Simei ye.
[27] Denkɛ tan ni wɔɔrɔ ani denmuso wɔɔrɔ tun bɛ Simei fɛ, nka a balimakɛw ma den caman sɔrɔ, u ka gwaw ma caya i ko Juda bɔnsɔn taw.
[28] Simeɔn bɔnsɔn sigira Beɛr-Seba ni Molada ni Hazar-Sual
[29] ni Bilha ni Ezɛm ni Tolad
[30] ni Betuɛl ni Horma ni Ziklag
[31] ni Bɛt-Markabɔt ni Hazar-Susim ni Bɛt-Birei ani Saraim duguw la. Olu tun ye u ka duguw ni u ka bugufyɛw ye fo ka taa bila Dawuda ka masaya waati la.
[32] Etam ni Ayin ni Rimon ni Token ani Asan dugu duuru fana tun ye u ta ye,
[33] ani o duguw dafɛ bugufyɛw fo ka taa se Baal dugu ma. Olu tun ye u sigi yɔrɔw ye ani u burujuw.
[34] Simeɔn bɔnsɔn ka gwatigiw tɔgɔw filɛ ninw ye: Mesobab ni Jamlɛk ni Amazia denkɛ Josa
[35] ni Joɛl ni Jehu. Jehu fa tun ye Josibia ye. Josibia fa tun ye Seraja ye. Seraja fa tun ye Asiɛl ye.
[36] Eljoenai ni Jakoba ni Jesokaja ni Asaja ni Adiɛl ni Jesimiɛl ni Benaja ani Ziza.
[37] Ziza fa tun ye Sifei ye. Sifei fa tun ye Alon ye. Alon fa tun ye Jedaja ye. Jedaja fa tun ye Simri ye. Simri fa tun ye Semaɛja ye.
[38] O mɔgɔ minw tɔgɔw fɔra, olu tun ye u ka gwaw kuntigiw ye, u fa ka so mɔgɔw cayara kosɛbɛ.
[39] U taara Gedor donda la fo jɛkɛnɛ kɔrɔn yanfan fɛ ka bagan dumuni yɔrɔ ɲini u ka sagaw ye.
[40] U y'a sɔrɔ ko bin caman tun bɛ yen. O jamana tun ka bon, lafiya ni hɛrɛ tun b'a la. Minw sigilen tun bɛ yen ka kɔrɔ, olu tun ye Kam bɔnsɔn dɔw ye.
[41] O mɔgɔ minw tɔgɔw sɛbɛnna, olu sera yen Juda ka masakɛ Ezekiasi tilew la ka o yɔrɔ mɔgɔw ka finisow ci. U ye Maonka minw sɔrɔ yen, u ye olu halaki ka u ban fo ka na se bi ma. U sigira olu nɔ na yen katuguni bin tun bɛ yen ka u ka sagaw balo.
[42] Simeɔn bɔnsɔn dɔw, cɛ kɛmɛ duuru taara Seir kulu minɛ. U kuntigiw tun ye Jisei denkɛw Pelatia ni Nearia ni Refaja ani Uziɛl ye.
[43] Amalɛk bɔnsɔn tɔ minw tora, minw tun ma faga, u ye olu faga ka sigi o yɔrɔ la fo ka na bila bi la.