[1] Israɛl denkɛw filɛ ninw ye: Rubɛn ni Simeɔn ni Levi ni Juda ni Isakar ni Zabulɔn
[2] ni Dan ni Yusufu ni Benjamɛn ni Nefitali ni Gad ani Asɛr.
[3] Juda denkɛw tun ye Er ni Onan ni Sela ye. Sua denmuso Kananka ye o den saba bange a ye. Juda denkɛ fɔlɔ Er tun ka jugu Matigi ɲɛ kɔrɔ, a y'a faga.
[4] A denkɛ muso Tamar ye Perɛz ni Zerak bange a ye. Juda denkɛw bɛɛ lajɛlen tun ye mɔgɔ duuru ye.
[5] Perɛz denkɛw tun ye Hɛzrɔn ani Hamul ye.
[6] Zerak denkɛw tun ye Zimri ni Etan ni Heman ni Kalkol ani Dara ye. Olu bɛɛ lajɛlen tun ye mɔgɔ duuru ye.
[7] Karmi denkɛ tun ye Akar ye. Fɛn min bilara pewu pewu, Akar ye hakɛma ko kɛ o ko la ka tɔɔrɔ lase Israɛl bɔnsɔn ma.
[8] Etan denkɛ tun ye Azaria ye.
[9] Hɛzrɔn ye denkɛ minw sɔrɔ, olu filɛ ninw ye: Jerakmeɛl ni Ram ani Kelubai.
[10] Ram ye Aminadab bange. Aminadab ye Nakisɔn bange, o tun ye Juda bɔnsɔn kuntigi ye.
[11] Nakisɔn ye Salma bange. Salma ye Boaz bange.
[12] Boaz ye Obɛd bange. Obɛd ye Isayi bange.
[13] Isayi ye a denkɛ fɔlɔ Eliab bange, ani a denkɛ filanan Abinadab ni a denkɛ sabanan Simea
[14] ni a denkɛ naaninan Netaneɛl ni a denkɛ duurunan Radai
[15] ni a denkɛ wɔɔrɔnan Ozem ani a denkɛ wolonwulanan Dawuda.
[16] U balimamusow tun ye Zeruja ni Abigail ye. Denkɛ saba tun bɛ Zeruja fɛ. Olu tun ye Abisai ni Joab ani Asaɛl ye.
[17] Abigail ye Amasa bange, Amasa fa tun ye Isumaɛl bɔnsɔn Jetɛr ye.
[18] Hɛzrɔn denkɛ Kalɛb ye denw sɔrɔ a musow Azuba ani Jeriot fɛ. Azuba denkɛw filɛ ninw ye: Jesɛr ni Sobab ani Ardon.
[19] Azuba sara. Kalɛb ye Efrata furu, o ye Hur bange a ye.
[20] Hur ye Uri bange. Uri ye Bezaleɛl bange.
[21] O kɔ, Hɛzrɔn donna Galad fa Makir denmuso fɛ. A tun ye san biwɔɔrɔ sɔrɔ sani a ka o muso furu. O ye Segub bange a ye.
[22] Segub ye Jair bange. Dugu mugan ni saba tun bɛ Jair fɛ Galad jamana la.
[23] Gesurkaw ni Sirikaw ye Jair-Buguw minɛ ka bɔ u bolo ka Kenat ni a dafɛ duguw fana minɛ. O bɛɛ lajɛlen tun ye dugu biwɔɔrɔ ye. O duguw mɔgɔw bɛɛ tun ye Galad fa Makir bɔnsɔn ye.
[24] Hɛzrɔn salen kɔ, Kalɛb y'a fa Hɛzrɔn muso Efrata ta. O ye Tekoa dugu sigibaa Asur bange a ye.
[25] Hɛzrɔn denkɛ fɔlɔ Jerakmeɛl denkɛw filɛ ninw ye: A denkɛ fɔlɔ Ram ni Buna ni Oren ani Ozɛm, Ahija ye olu bange.
[26] Muso wɛrɛ tun bɛ Jerakmeɛl fɛ, o togɔ ko Atara, ale de ye Onam ba ye.
[27] Jerakmeɛl denkɛ fɔlɔ Ram denkɛw tun ye Maz ni Jamen ni Ekɛr ye.
[28] Onam denkɛw tun ye Samai ni Jada ye. Samai denkɛw tun ye Nadab ni Abisur ye.
[29] Abisur muso tɔgɔ ko Abihail, o ye Akban ni Molid bange a ye.
[30] Nadab denkɛw tun ye Selɛd ni Apaim ye. Selɛd sara k'a sɔrɔ a ma den sɔrɔ.
[31] Apaim denkɛ tun ye Jisei ye. Jisei denkɛ tun ye Sesan ye. Sesan denkɛ tun ye Akilai ye.
[32] Samai balimakɛ Jada denkɛw tun ye Jetɛr ni Jonatan ye. Jetɛr sara k'a sɔrɔ a ma den sɔrɔ.
[33] Jonatan denkɛw tun ye Pelɛt ni Zaza ye. Olu bɛɛ tun ye Jerakmeɛl bɔnsɔn ye.
[34] Sesan ma denkɛ sɔrɔ fɔ denmusow. Jɔnkɛ dɔ tun bɛ Sesan fɛ, o tun ye Misiraka ye, o tɔgɔ ko Jarika.
[35] Sesan ye a denmuso di a ka jɔnkɛ Jarika ma ka kɛ a muso ye, o ye Atai bange a ye.
[36] Atai ye Natan bange. Natan ye Zabad bange.
[37] Zabad ye Efilal bange. Efilal ye Obɛd bange.
[38] Obɛd ye Jehu bange. Jehu ye Azaria bange.
[39] Azaria ye Halez bange. Halez ye Elasa bange.
[40] Elasa ye Sismai bange. Sismai ye Salum bange.
[41] Salum ye Jekamija bange. Jekamija ye Elisama bange.
[42] Jerakmeɛl balimakɛ Kalɛb denkɛw filɛ ninw ye: A denkɛ fɔlɔ tun ye Mesa ye, o tun ye Zif fa ye. Zif tun ye Maresa fa ye. Maresa tun ye Heborɔn fa ye.
[43] Heborɔn denkɛw tun ye Korɛ ni Tapuak ni Rekɛm ani Sema ye.
[44] Sema ye Jorkeam fa Rakam bange. Rekɛm ye Samai bange.
[45] Samai denkɛ tun ye Maon ye. Maon tun ye Bɛt-Zur fa ye.
[46] Kalɛb ka jɔnmuso Efa ye Haran ni Moza ni Gazez bange. Haran ye Gazez bange.
[47] Jadai denkɛw tun ye Regɛm ni Jotam ni Gesan ni Pelɛt ni Efa ani Saf ye.
[48] Kalɛb ka jɔnmuso Maka ye Sebɛr ni Tirkana bange.
[49] Ale ye Madimana fa Saf fana bange, ani Makbena ni Gibea fa Sava. Kalɛb denmuso tun ye Akisa ye.
[50] Kalɛb bɔnsɔn filɛ ninw ye: Kalɛb muso Efrata denkɛ fɔlɔ tun ye Hur ye. Hur denkɛ tun ye Sobal ye. Sobal tun ye Kirjat-Jearim dugu sigibaa ye.
[51] Bɛtilɛhɛm dugu sigibaa tɔgɔ ko Salma. Bɛt-Gadɛr dugu sigibaa tɔgɔ ko Harɛf.
[52] Kirjat-Jearim dugu sigibaa tɔgɔ ko Sobal. A denkɛw tɔgɔw ko Haroe ni Hazi-Hamenuhot.
[53] Kirjat-Jearim gwaw tun ye Jetɛr bɔnsɔn ni Put bɔnsɔn ni Suma bɔnsɔn ni Misira bɔnsɔn ye. Zoreakaw ni Estaɔlkaw bɔra olu la.
[54] Salma bɔnsɔn tun ye Bɛtilɛhɛm ni Netofakaw ye, ani Atrot-Bɛt-Joab ni Hazi-Hamanakti, Zoreakaw don.
[55] Sɛbɛnnikɛlaw ka gwa minw sigilen tun bɛ Jaebɛz, olu tun ye Tirakaw ni Simeat bɔnsɔn ani Suka bɔnsɔn ye. Olu ye Keni siya ye, u bɔra Hamat la, Rekab bɔnsɔn bɛnba tun don.