[1] Levi denkɛw tun ye Gersɔn ni Kɛhat ani Mɛrari ye.
[2] Kɛhat denkɛw tun ye Amram ni Jizehar ni Heborɔn ani Uziɛl ye.
[3] Amram denw tun ye Aron ni Musa ani Mariyama ye. Aron denkɛw tun ye Nadab ni Abihu ni Eleazar ani Itamar ye.
[4] Eleazar ye Fineɛs bange. Fineɛs ye Abisua bange.
[5] Abisua ye Buki bange. Buki ye Uzi bange.
[6] Uzi ye Zerakija bange. Zerakija ye Merajɔt bange.
[7] Merajɔt ye Amaria bange. Amaria ye Akitub bange.
[8] Akitub ye Zadɔk bange. Zadɔk ye Akimaz bange.
[9] Akimaz ye Azaria bange, Azaria ye Jokanan bange.
[10] Jokanan ye Azaria bange. O de ye sarakalasebaaya kɛ Solomani ka so jɔlen kɔnɔ Jerusalɛm.
[11] Azaria ye Amaria bange. Amaria ye Akitub bange.
[12] Akitub ye Zadɔk bange. Zadɔk ye Salum bange.
[13] Salum ye Hilkija bange. Hilkija ye Azaria bange.
[14] Azaria ye Seraja bange. Seraja ye Jehozadak bange.
[15] Matigi ye Juda bɔnsɔn ni Jerusalɛmkaw don Nebukadnezar bolo tuma min na, Jehozadak minɛna o tuma la.
[16] Levi denkɛw tun ye Gersɔn ni Kɛhat ani Mɛrari ye.
[17] Gersɔn denkɛw tɔgɔw filɛ ninw ye, Libini ni Simei.
[18] Kɛhat denkɛw tun ye Amram ni Jizehar ni Heborɔn ani Uziɛl ye.
[19] Mɛrari denkɛw tun ye Makili ni Musi ye. Levi ka gwaw filɛ olu ye ka kɛɲɛ ni u bɛnbaw ye.
[20] Gerson bɔnsɔn filɛ ninw ye. A denkɛ tun ye Libini ye. Libini denkɛ tun ye Jakat ye. Jakat denkɛ tun ye Zima ye.
[21] Zima denkɛ tun ye Joak ye. Joak denkɛ tun ye Ido ye. Ido denkɛ tun ye Zerak ye. Zerak denkɛ tun ye Jeatrai ye.
[22] Kɛhat bɔnsɔn filɛ ninw ye. A denkɛ tun ye Aminadab ye. Aminadab denkɛ tun ye Korɛ ye. Korɛ denkɛ tun ye Asir ye.
[23] Asir denkɛ tun ye Elkana ye. Elkana denkɛ tun ye Ebjasaf ye. Ebjasaf denkɛ tun ye Asir ye.
[24] Asir denkɛ tun ye Tahat ye. Tahat denkɛ tun ye Uriɛl ye. Uriɛl denkɛ tun ye Oziasi ye. Oziasi denkɛ tun ye Saul ye.
[25] Denkɛ fila wɛrɛw tun bɛ Elkana fɛ, olu tun ye Amasai ni Akimot ye.
[26] Akimot denkɛ tun ye Elkana-Zofayi ye. Elkana-Zofayi denkɛ tun ye Nahat ye.
[27] Nahat denkɛ tun ye Eliab ye. Eliab denkɛ tun ye Jeroham ye. Jeroham denkɛ tun ye Elkana ye.
[28] Samuɛl denkɛw filɛ ninw ye. A den fɔlɔ tun ye Joɛl ye, a den filanan tun ye Abija ye.
[29] Mɛrari denkɛ tun ye Makili ye. Makili denkɛ tun ye Libini ye. Libini denkɛ tun ye Simei ye. Simei denkɛ tun ye Uza ye.
[30] Uza denkɛ tun ye Simea ye. Simea denkɛ tun ye Hagija ye. Hagija denkɛ tun ye Asaja ye.
[31] Dawuda ye mɔgɔ minw sigi dɔnkili dali kun na Matigi ka so kɔnɔ, kabini layidu wagande ye lafiya yɔrɔ sɔrɔ, olu filɛ ninw ye.
[32] U ka baara tun ye dɔnkili da ye ɲɔgɔn kunbɛn finiso ɲɛ fɛ, sani Solomani ka Matigi ka so jɔ Jerusalɛm. U tun bɛ u ka baara kɛ ka kɛɲɛ ni u waati latigɛlen ye u ye.
[33] Minw ye o baara kɛ, olu ni u denkɛw tɔgɔw filɛ ninw ye. Kɛhat bɔnsɔn na, dɔnkili dala Heman, o fa tun ye Joɛl ye. Joɛl fa tun ye Samuɛl ye.
[34] Samuɛl fa tun ye Elkana ye. Elkana fa tun ye Jeroham ye. Jeroham fa tun ye Eliɛl ye. Eliɛl fa tun ye Toak ye.
[35] Toak fa tun ye Zuf ye. Zuf fa tun ye Elkana ye. Elkana fa tun ye Makat ye. Makat fa tun ye Amasai ye.
[36] Amasai fa tun ye Elkana ye. Elkana fa tun ye Joɛl ye. Joɛl fa tun ye Azaria ye. Azaria fa tun ye Sofoni ye.
[37] Sofoni fa tun ye Tahat ye. Tahat fa tun ye Asir ye. Asir fa tun ye Ebjasaf ye. Ebjasaf fa tun ye Korɛ ye.
[38] Korɛ fa tun ye Jizehar ye. Jizehar fa tun ye Kɛhat ye. Kɛhat fa tun ye Levi ye. Levi fa tun ye Israɛl ye.
[39] Heman balimakɛ Asaf tun bɛ jɔ a kinin yanfan fɛ, o tun ye Berekia denkɛ ye. Berekia fa tun ye Simea ye.
[40] Simea fa tun ye Mikaɛl ye. Mikaɛl fa tun ye Baseja ye. Baseja fa tun ye Malkija ye.
[41] Malkija fa tun ye Etini ye. Etini fa tun ye Zerak ye. Zerak fa tun ye Adaja ye.
[42] Adaja fa tun ye Etan ye. Etan fa tun ye Zima ye. Zima fa tun ye Simei ye. Simei fa tun ye Jakat ye.
[43] Jakat fa tun ye Gersɔn ye. Gersɔn fa tun ye Levi ye.
[44] U balimakɛw Mɛrari bɔnsɔn tun bɛ u numan yanfan fɛ. Mɛrari fa tun ye Etan ye. Etan fa tun ye Kisi ye. Kisi fa tun ye Abidi ye. Abidi fa tun ye Maluk ye.
[45] Maluk fa tun ye Hasabiya ye. Hasabiya fa tun ye Amazia ye. Amazia fa tun ye Hilkija ye.
[46] Hilkija fa tun ye Amazi ye. Amazi fa tun ye Bani ye. Bani fa tun ye Semɛr ye.
[47] Semɛr fa tun ye Makili ye. Makili fa tun ye Musi ye. Musi fa tun ye Mɛrari ye. Mɛrari fa tun ye Levi ye.
[48] Levi bɔnsɔn tɔw bɛɛ fana sigira Ala ka finiso kɔnɔ baara bɛɛ kama.
[49] Aron ni a denkɛw ye sarakaw lase saraka jenita saraka bɔlan ani wusulan suma duman saraka bɔlan kan ka yɔrɔ senuma senuma kɔnɔ baara kɛ ka Israɛl ka jurumu kafari ka kɛɲɛ ni Ala ka jɔnkɛ Musa ka ci fɔlen ye.
[50] Aron bɔnsɔn filɛ ninw ye, a denkɛ tun ye Eleazar ye. Eleazar denkɛ tun ye Fineɛs ye. Fineɛs denkɛ tun ye Abisua ye.
[51] Abisua denkɛ tun ye Buki ye. Buki denkɛ tun ye Uzi ye. Uzi denkɛ tun ye Zerakija ye.
[52] Zerakija denkɛ tun ye Merajɔt ye. Merajɔt denkɛ tun ye Amaria ye. Amaria denkɛ tun ye Akitub ye.
[53] Akitub denkɛ tun ye Zadɔk ye. Zadɔk denkɛ tun ye Akimaz ye.
[54] Levitew sigi yɔrɔw filɛ ninw ye ka kɛɲɛ ni u ka buguw ye u dan yɔrɔw la. Aron den minw tun ye Kɛhat bɔnsɔn ka gwaw ye, niyɔrɔ fɔlɔ kɛra olu ta ye.
[55] Heborɔn ni a laminiw dira olu ma Juda jamana la,
[56] nka o dugu forow ni a bugufyɛw dira Jefune denkɛ Kalɛb ma.
[57] Kalifadon duguw dira Aron bɔnsɔn ma, Heborɔn ni Libina ni u laminiw, ani Jatir ni Estemoa ni u laminiw
[58] ani Hilen ni a laminiw ani Debir ni a laminiw,
[59] ani Asan ni a laminiw ani Bɛt-Semɛs ni a laminiw,
[60] Benjamɛn siya la, Geba ni a laminiw ani Alemɛt ni a laminiw ani Anatɔt ni a laminiw. U ka gwaw la duguw bɛɛ tun ye dugu tan ni saba ye.
[61] Dugu tan dira Kɛhat bɔnsɔn tɔw ma ni kala dali ye. O duguw bɔra Efrayim siya ni Dan siya ani Manase siya tilancɛ niyɔrɔw la.
[62] Dugu tan ni saba dira Gersɔn bɔnsɔn ma ka kɛɲɛ ni u ka gwaw ye. O duguw bɔra Isakar siya ni Asɛr siya ni Nefitali siya ani Basan jamana la Manase siya niyɔrɔw la.
[63] Dugu tan ni fila dira Mɛrari bɔnsɔn ma ni kala dali ye ka kɛɲɛ ni u ka gwaw ye. O duguw bɔra Rubɛn siya ni Gad siya ani Zabulɔn siya niyɔrɔw la.
[64] Israɛl bɔnsɔn ye o duguw ni u laminiw di Levitew ma.
[65] O dugu minw yɔrɔw fɔra, u ye olu di ni kala dali ye ka bɔ Juda bɔnsɔn siya ni Simeɔn bɔnsɔn siya ani Benjamɛn bɔnsɔn siya niyɔrɔw la.
[66] Kɛhat bɔnsɔn ka gwa dɔw ye u ka duguw sɔrɔ ka bɔ Efrayim siya niyɔrɔ la.
[67] U ye kalifadon duguw di u ma, o tun ye Sisɛm ni a laminiw ye Efrayim kulu jamana la ani Gezɛr ni a laminiw,
[68] ani Jokmeam ni a laminiw ani Bɛt-Horɔn ni a laminiw,
[69] ani Ajalɔn ni a laminiw, ani Gat-Rimɔn ni a laminiw.
[70] Minw bɔra Manase siya tilancɛ niyɔrɔ la, olu tun ye Anɛr ni a laminiw ani Bileam ni a laminiw ye. Olu bɛɛ dira Kɛhat bɔnsɔn tɔw ka gwaw ma.
[71] Basan jamana Golan ni a laminiw, ani Astarɔt ni a laminiw dira Gersɔn bɔnsɔn ma ka bɔ Manase siya tilancɛ niyɔrɔ la.
[72] Minw bɔra Isakar siya niyɔrɔ la, olu ye Kedɛs ni a laminiw ani Dobirat ni a laminiw,
[73] ani Ramɔt ni a laminiw, ani Anɛm ni a laminiw ye.
[74] Minw bɔra Asɛr niyɔrɔ la, olu ye Masal ni a laminiw, ani Abidon ni a laminiw
[75] ani Hukok ni a laminiw, ani Rehɔb ni a laminiw ye.
[76] Minw bɔra Nefitali siya niyɔrɔ la, olu ye Galile jamana Kedɛs ni a laminiw, ani Hamɔn ni a laminiw ani Kirijataim ni a laminiw ye.
[77] Levite tɔw, Mɛrari bɔnsɔn kɔni, Rimono ni a laminiw ani Tabɔr ni a laminiw bɔra Zabulɔn siya niyɔrɔ la ka di olu ma.
[78] Minw bɔra Rubɛn siya niyɔrɔ la Jurdɛn ba kɔ fɛ Jeriko kuntilenna la Jurdɛn ni kɔrɔn cɛ, olu ye kungokolon na Bezɛr ni a laminiw ani Jaza ni a laminiw
[79] ani Kedemɔt ni a laminiw ani Mefat ni a laminiw ye.
[80] Minw bɔra Gad siya niyɔrɔ la ka di olu ma, olu ye Galad jamana Ramɔt ni a laminiw ani Mahanayim ni a laminiw
[81] ani Hesibɔn ni a laminiw ani Jazɛr ni a laminiw ye.