[1] Dawuda ni kɛlɛbolo kuntigiw ye Asaf denkɛw ni Heman denkɛw ani Jedutun denkɛw bila u dan na dɔnkili da baaraw kama ka kiraya kɛ ka dɔnkili da ka nkɔni ni npɔlɔn ani nsiranɛgɛ tɛgɛrɛ fɔ ɲɔgɔn fɛ. Mɔgɔ minw ɲɛnatɔmɔna o baara kama, olu tɔgɔw filɛ ninw ye.
[2] Asaf denkɛw Zakur ni Yusufu ni Netania ani Asareɛla, olu tun ye Asaf denkɛw ye. Asaf tun bɛ u ɲɛ minɛ ka kiraya kɛ ka kɛɲɛ ni masakɛ ka ci fɔlenw ye.
[3] Ka bɔ Jedutun bɔnsɔn na, Jedutun denkɛw tun ye Gedalia ni Zeri ni Esayi ni Hasabia ni Matitia ani Simei ye. Olu mɔgɔ wɔɔrɔ fa Jedutun tun bɛ u ɲɛ minɛ ka dɔnkili da ka bɛn ni nkɔni ye ka tanuli kɛ ka Matigi bonya.
[4] Ka bɔ Heman bɔnsɔn na, Heman denkɛw tun ye Bukija ni Matania ni Uziɛl ni Sebuɛl ni Jerimot ni Hanania ni Hanani ni Eliata ni Gidalti ni Romamti-Ezɛr ni Josbekasa ni Maloti ni Hotir ani Makaziot ye.
[5] Olu bɛɛ tun ye masakɛ ka yelikɛla Heman denkɛw ye. Ala tun ye denkɛ tan ni naani ani denmuso saba di Heman ma ka a barika bonya ka kɛɲɛ ni a ka layidu ye Heman ye.
[6] Olu faw tun bɛ u ɲɛ minɛ ka dɔnkili da Matigi ka so kɔnɔ. Nsiranɛgɛ tɛgɛrɛw ni npɔlɔnw ni nkɔniw tun bɛ u bolo Ala ka so kɔnɔ baara kama. Asaf ni Jedutun ani Heman tun bɛ masakɛ ka ciw kɛ.
[7] O dɔnkili dalaw ni u balima dɔnkili dala minw tun bɛ dɔnkili da Matigi ɲɛ kɔrɔ, olu tun bɛ se kosɛbɛ. U bɛɛ lajɛlen tun ye cɛ kɛmɛ fila ni cɛ bisegin ni segin ye.
[8] U ye kala da ka u ka baara waati ko ɲɛnabɔ, mɔgɔ misɛn fara mɔgɔba kan, kalanden fara karamɔgɔ kan, u bɛɛ dama kɛɲɛna.
[9] U la fɔlɔ min ɲɛnatɔmɔna ni kala dali ye, o kɛra Yusufu ye ka bɔ Asaf ka gwa la. A filanan tun ye Gedalia ni a balimakɛw ani a denkɛw ye, olu kɛra mɔgɔ tan ni fila ye.
[10] A sabanan tun ye Zakur ni a denkɛw ni a balimakɛw ye, olu kɛra mɔgɔ tan ni fila ye.
[11] A naaninan kɛra Jizeri ni a denkɛw ani a balimaw ye, olu kɛra mɔgɔ tan ni fila ye.
[12] A duurunan kɛra Netania ni a denkɛw ni a balimaw ye, olu kɛra mɔgɔ tan ni fila ye.
[13] A wɔɔrɔnan kɛra Bukija ni a denkɛw ani a balimaw ye, olu kɛra mɔgɔ tan ni fila ye.
[14] A wolonwulanan kɛra Jesareɛla ni a denkɛw ani a balimaw ye, olu kɛra mɔgɔ tan ni fila ye.
[15] A seginnan kɛra Esayi ni a denkɛw ani a balimaw ye, olu kɛra mɔgɔ tan ni fila ye.
[16] A kɔnɔntɔnnan kɛra Matania ni a denkɛw ani a balimaw ye, olu kɛra mɔgɔ tan ni fila ye.
[17] A tannan kɛra Simei ni a denkɛw ani a balimaw ye, olu kɛra mɔgɔ tan ni fila ye.
[18] A tan ni kelennan kɛra Azareɛl ni a denkɛw ani a balimaw ye, olu kɛra mɔgɔ tan ni fila ye.
[19] A tan ni filanan kɛra Hasabia ni a denkɛw ani a balimaw ye, olu kɛra mɔgɔ tan ni fila ye.
[20] A tan ni sabanan kɛra Subaɛl ni a denkɛw ani a balimaw ye, olu kɛra mɔgɔ tan ni fila ye.
[21] A tan ni naaninan kɛra Matitia ni a denkɛw ani a balimaw ye, olu kɛra mɔgɔ tan ni fila ye.
[22] A tan ni duurunan kɛra Jeremot ni a denkɛw ani a balimaw ye, olu kɛra mɔgɔ tan ni fila ye.
[23] A tan ni wɔɔrɔnan kɛra Hanania ni a denkɛw ani a balimaw ye, olu kɛra mɔgɔ tan ni fila ye.
[24] A tan ni wolonwulanan kɛra Josbekasa ni a denkɛw ani a balimaw ye, olu kɛra mɔgɔ tan ni fila ye.
[25] A tan ni seginnan kɛra Hanani ni a denkɛw ani a balimaw ye, olu kɛra mɔgɔ tan ni fila ye.
[26] A tan ni kɔnɔntɔnnan kɛra Maloti ni a denkɛw ani a balimaw ye, olu kɛra mɔgɔ tan ni fila ye.
[27] A mugannan kɛra Elijata ni a denkɛw ani a balimaw ye, olu kɛra mɔgɔ tan ni fila ye.
[28] A mugan ni kelennan kɛra Hotir ni a denkɛw ani a balimaw ye, olu kɛra mɔgɔ tan ni fila ye.
[29] A mugan ni filanan kɛra Gidalti ni a denkɛw ani a balimaw ye, olu kɛra mɔgɔ tan ni fila ye.
[30] A mugan ni sabanan kɛra Makaziot ni a denkɛw ani a balimaw ye, olu kɛra mɔgɔ tan ni fila ye.
[31] A mugan ni naaninan kɛra Romamti-Ezɛr ni a denkɛw ani a balimaw ye, olu kɛra mɔgɔ tan ni fila ye.