[1] Isakar denkɛw tun ye Tola ni Pua ni Jasub ani Simron ye. Olu tun ye mɔgɔ naani ye.
[2] Tola denkɛw tun ye Uzi ni Refaja ni Jeriɛl ni Jakimai ni Jibsam ani Samuɛl ye. Olu tun ye u bɛnbaw bɔnsɔnw kuntigiw ye ka bɔ Tola la. Cɛ farin ja gɛlɛnw tun don u ka gwaw la. U dama tun ye cɛ waa mugan ni fila ani cɛ kɛmɛ wɔɔrɔ ye Dawuda tilew la.
[3] Uzi denkɛ tun ye Jizirakija ye. Jizirakija denkɛw tun ye Mikaɛl ni Abdiasi ni Joɛl ani Jisija ye. O mɔgɔ duuru bɛɛ tun ye kuntigiw ye.
[4] Kɛlɛbolo kuluw tun bɛ u fɛ ka kɛɲɛ ni u bɔnsɔn ni u bɛnbaw bɔnsɔnw ye. U dama tun ye cɛ labɛnnen waa bisaba ni wɔɔrɔ ye katuguni muso ni denkɛ caman tun bɛ u fɛ.
[5] U balimakɛ minw tun bɛ Isakar ka gwaw bɛɛ la, olu tun ye cɛ waa bisegin ni waa wolonwula ye, cɛ farin ja gɛlɛnw tun don. U tɔgɔw sɛbɛnna buruju sɛbɛn la.
[6] Benjamɛn denkɛw tun ye mɔgɔ saba ye. Olu tun ye Bela ni Bekɛr ani Jediaɛl ye.
[7] Bela denkɛw tun ye mɔgɔ duuru ye. Olu tun ye Ezibɔn ni Uzi ni Uziɛl ni Jerimot ani Iri ye. U bɛnbaw bɔnsɔnw kuntigiw tun ye cɛ farin ja gɛlɛnw ye. U tɔgɔw sɛbɛnna buruju sɛbɛn la. U bɛɛ lajɛlen tun ye cɛ waa mugan ni fila ani cɛ bisaba ni naani ye.
[8] Bekɛr denkɛw tun ye Zemira ni Joas ni Eliezɛr ni Eljoenai ni Omri ni Jerimot ni Abija ni Anatɔt ani Alamɛt ye. Olu bɛɛ tun ye Bekɛr denkɛw ye.
[9] U tɔgɔw sɛbɛnna buruju sɛbɛn la ka kɛɲɛ ni u bɔnsɔnw ye, ko u ye u bɛnbaw bɔnsɔnw kuntigiw ye. Olu tun ye cɛ farin ja gɛlɛnw waa mugan ani cɛ kɛmɛ fila ye.
[10] Jediaɛl denkɛ tun ye Bilhan ye. Bilhan denkɛw tun ye Jeus ni Benjamɛn ni Ehud ni Kenana ni Zetan ni Tarsisi ani Akisakar ye.
[11] Olu bɛɛ tun ye Jediaɛl denkɛw ye ka kɛɲɛ ni u bɛnbaw bɔnsɔnw kuntigiw ye, cɛ farin ja gɛlɛnw waa tan ni wolonwula ani cɛ kɛmɛ fila tun don. U bɛɛ tun bɛ se ka kɛlɛkɛ minanw ta ka taa kɛlɛ la.
[12] Supim ni Hupim tun ye Ir denkɛw ye, Husim tun ye Akɛr denkɛ ye.
[13] Nefitali denkɛw tun ye Jaziɛl ni Guni ni Jezɛr ani Salum ye, Bilha bɔnsɔn tun don.
[14] Manase denkɛ tun ye Asriɛl ye. A ka jɔnmuso Sirika ye o bange. A ye Galad fa Makir fana bange.
[15] Makir ye muso furu ka bɔ Hupim ni Supim ka gwa la. A balimamuso tɔgɔ ko Maka. A denkɛ filanan tɔgɔ ko Zelofisad. Zelofisad ye denmusow sɔrɔ.
[16] Makir muso Maka ye denkɛ bange ka o tɔgɔ da ko Perɛs. O balimakɛ tɔgɔ ko Serɛs. A denkɛw tun ye Ulam ni Rekɛm ye.
[17] Ulam denkɛ tun ye Bedan ye. Olu tun ye Galad bɔnsɔn ye. Galad fa tun ye Makir ye. Makir fa tun ye Manase ye.
[18] A balimamuso Hamolekɛt ye Ishod ni Abiezɛr ani Makila bange.
[19] Semida denkɛw tun ye Akijan ni Sisɛm ni Likisi ani Aniam ye.
[20] Efrayim denkɛ tun ye Sutelak ye. Sutelak denkɛ tun ye Berɛd ye. Berɛd denkɛ tun ye Tahat ye. Tahat denkɛ tun ye Eleada ye. Eleada denkɛ tun ye Tahat ye.
[21] Tahat denkɛ tun ye Zabad ye. Zabad denkɛ tun ye Sutelak ye. Efrayim denkɛ dɔw tun ye Ezɛr ni Elead ye. Gatka yɛrɛwolow ye olu faga, katuguni u taara ko u bɛ Gatkaw ka baganw minɛ.
[22] U fa Efrayim ye u su kasi tile caman na, a balimaw taara u sanga fo k'a dusu saalo.
[23] Efrayim donna a muso fɛ, o ye kɔnɔ ta ka denkɛ sɔrɔ. A ye o tɔgɔ da ko Beria, katuguni bɔnɛ ye a ka so sɔrɔ.
[24] A denmuso tun ye Seera ye, ale ye duguma Bɛt-Horɔn ni sanfɛ Bɛt-Horɔn ni Uzen-Seera sigi.
[25] A denkɛw tun ye Refak ani Resɛf ye. O denkɛ tun ye Telak ye. Telak denkɛ tun ye Takan ye.
[26] Takan denkɛ tun ye Laedan ye. Laedan denkɛ tun ye Amihud ye. Amihud denkɛ tun ye Elisama ye.
[27] Elisama denkɛ tun ye Nun ye. Nun denkɛ tun ye Josue ye.
[28] U ka dugukolow ni u sigi yɔrɔw tun ye Bɛtɛl ni a dafɛ duguw ye, ani kɔrɔn yanfan fɛ Naran ani tilebi yanfan fɛ Gezɛr ni a dafɛ duguw, ani Sisɛm ni a dafɛ duguw, fo ka taa se Gaza ni a dafɛ duguw ma.
[29] Manase bɔnsɔn ka jamana, Bɛt-Sean ni a dafɛ duguw ani Tanak ni a dafɛ duguw ani Megido ni a dafɛ duguw ani Dor ni a dafɛ duguw, Israɛl denkɛ Yusufu bɔnsɔn sigira o duguw kɔnɔ.
[30] Asɛr denkɛw tun ye Jimina ni Jisva ni Jisvi ni Beria ani u balimamuso Serak ye.
[31] Beria denkɛw tun ye Hebɛr ye ani Malkiɛl. O tun ye Birzavit fa ye.
[32] Hebɛr ye Jafilɛt ni Somɛr ni Hotam ani u balimamuso Sua bange.
[33] Jafilɛt denkɛw tun ye Pasak ni Bimhal ani Asvat ye. Olu tun ye Jafilɛt denw ye.
[34] Samɛr denkɛw tun ye Aki ni Rohega ni Huba ani Aram ye.
[35] A balimakɛ Helɛm denkɛw tun ye Zofak ni Jimina ni Selɛs ani Amal ye.
[36] Zofak denkɛw tun ye Suak ni Harnefɛr ni Sual ni Beri ni Jimra
[37] ni Bezɛr ni Hod ni Sama ni Silsa ni Jitran ani Beera ye.
[38] Jetɛr denkɛw tun ye Jefune ni Pispa ani Ara ye.
[39] Ula denkɛw tun ye Arak ni Haniɛl ni Rizja ye.
[40] Olu bɛɛ tun ye Asɛr bɔnsɔn ye, u bɛnbaw bɔnsɔnw kuntigiw tun don. Olu tun ye cɛ farin ja gɛlɛn ɲɛnatɔmɔlenw kuntigiw ka kuntigiw ye. U dama tun ye cɛ waa mugan ni wɔɔrɔ ye ka kɛɲɛ ni buruju sɛbɛn ye. U bɛɛ tun bɛ se ka kɛlɛkɛ minanw ta ka taa kɛlɛ la.