[1] Тибери кайсар хакимлегенењ унбишенче елында, Яћүдиядә Понти Пилат идарә иткәндә, ә Һируд Гәлиләя башлыгы, аныњ ир туганы Филип Итурая ћәм Трахунитис ѳлкәсе башлыгы, ә Лусани Абилини башлыгы булганда,
[2] Һаннас ћәм Кәяфәс ињ баш руханилар булган вакытта чүлдә яшәгән Зәкәрия улы Яхъяга Аллаћыдан сүз булды.
[3] Шуннан соњ Яхъя Үрдүн елгасы тирәсендәге барлык җирләрдә: «Тәүбә итеп, суга чумдырылыгыз, ћәм Аллаћы сезнењ гѳнаћларыгызны кичерер», – дип ѳндәп йѳрде.
[4] Ишагыйя пәйгамбәрнењ китабында бу хакта болай дип язылган: – «Чүлдә кычкыручыныњ тавышы ишетелә: „Раббыга юл әзерләгез, Ања сукмакларны турайтыгыз.
[5] Һәрбер үзән тутырылсын, Һәр тау ћәм калкулык җир белән тигезләнсен, Бормалы-бормалы юллар турайтылсын, Сикәлтәлеләре тигезләнеп шомарсын.
[6] Һәм барлык кешеләр Аллаћыныњ коткаруын күрерләр“».
[7] Яхъя янына, суга чумдырылырга дип, күп халык килә иде. Ул кешеләргә: – Әй, сез, елан токымнары! Аллаћыныњ якынлашып килүче ачуыннан кача алырсыз дип кем әйтте сезгә? – диде. –
[8] Агачлар җимеш биргән кебек, тәүбә иткәнегезне эш белән күрсәтегез! «Безнењ бит атабыз – Ибраћим», – дип уйламагыз да. Мин сезгә шуны әйтәм: Аллаћы менә шушы ташлардан Ибраћимга балалар булдыра ала.
[9] Балта агачлар тѳбендә ята, ул инде әзерләп куелган: яхшы җимеш бирми торган ћәр агачны кисеп утка ташлыйлар.
[10] Халык аннан: – Безгә нәрсә эшләргә соњ? – дип сорады.
[11] Яхъя аларга: – Ике күлмәге бар кеше берсен бер күлмәге дә булмаганга бирсен. Кемнењ ризыгы бар, ашарына булмаган кеше белән бүлешсен, – дип җавап бирде.
[12] Суга чумдырылырга дип, салым җыючылар да килделәр ћәм Яхъядан: – Остаз! Ә безгә нәрсә эшләргә? – дип сорадылар.
[13] Ул аларга: – Тиешеннән артыгын таләп итмәгез, – дип җавап бирде.
[14] Гаскәриләр дә аннан: – Ә безгә нәрсә эшләргә? – дип сорадылар. – Беркемнән дә кѳчләп, янап әйбер алмагыз. Хезмәт хакыгыздан канәгать булыгыз, – диде Яхъя.
[15] Халык кѳтә иде, ћәркем күњеленнән Яхъя турында: «Бу Мәсих түгелме икән?» – дип уйлады.
[16] Яхъя исә аларныњ барысына да болай дип җавап бирде: – Мин сезне суга чумдырам. Әмма миннән кодрәтлерәк бер Зат килә, мин Аныњ аяк киеменењ каешын чишәргә дә лаеклы түгелмен. Ул сезне Изге Рухка ћәм утка чумдырыр.
[17] Аныњ кулында җилгәргеч. Ул ындырда ашлыкны җилгәреп, бодаен аерып, ашлык бурасына салыр, ә кибәген сүнмәс утта яндырыр.
[18] Яхъя Исраил халкына тагын башка тѳрле үгет-нәсыйхәтләр биреп, Яхшы хәбәрне вәгазьләп йѳрде.
[19] Әмма идарәче Һируд, абыйсыныњ хатыны Һирудия белән булган мѳнәсәбәтләре ћәм башка явызлыклары ѳчен Яхъя аныњ гаебен күрсәткәнгә,
[20] шундый эшләре ѳстенә тагын берне ѳстәп, Яхъяны тѳрмәгә утыртты.
[21] Халык чумдырылганда Гайсә дә чумдырылды. Ул дога кылган вакытта күкләр ачылды,
[22] ћәм Ања күгәрчен рәвешендә Изге Рух ињде. Күкләрдән: – Син – Минем сѳекле Улым. Син Минем куанычым! – дигән сүзләр ишетелде.
[23] Үзенењ хезмәтен башлаганда Гайсәгә утыз яшьләр чамасы иде. Кешеләр Аны Йосыф улы дип уйладылар. Ә Йосыф – Эли улы,
[24] Эли – Маттат улы, Маттат – Леви улы, Леви – Мәлки улы, Мәлки – Яннай улы, Яннай – Йосыф улы,
[25] Йосыф – Маттати улы, Маттати – Амос улы, Амос – Нахум улы, Нахум – Һесли улы, Һесли – Нәггәй улы,
[26] Нәггәй – Махат улы, Махат – Маттати улы, Маттати – Шими улы, Шими – Йосых улы, Йосых – Йода улы,
[27] Йода – Йоханан улы, Йоханан – Риса улы, Риса – Зеруббабел улы, Зеруббабел – Шећалтиел улы, Шећалтиел – Нири улы,
[28] Нири – Мәлки улы, Мәлки – Адди улы, Адди – Кѳсам улы, Кѳсам – Элмадам улы, Элмадам – Эр улы,
[29] Эр – Ешуа улы, Ешуа – Элигазәр улы, Элигазәр – Йорим улы, Йорим – Маттат улы, Маттат – Леви улы,
[30] Леви – Шимун улы, Шимун – Яћүд улы, Яћүд – Йосыф улы, Йосыф – Йонам улы, Йонам – Эльякыйм улы,
[31] Эльякыйм – Мелеа улы, Мелеа – Майнан улы, Майнан – Маттата улы, Маттата – Натан улы, Натан – Давыт улы,
[32] Давыт – Ишай улы, Ишай – Обид улы, Обид – Богаз улы, Богаз – Салмун улы, Салмун – Нахшун улы,
[33] Нахшун – Амминадаб улы, Амминадаб – Админ улы, Админ – Арни улы, Арни – Хесрун улы, Хесрун – Перес улы, Перес – Яћүд улы,
[34] Яћүд – Ягъкуб улы, Ягъкуб – Исхак улы, Исхак – Ибраћим улы, Ибраћим – Терах улы, Терах – Нахур улы,
[35] Нахур – Серуг улы, Серуг – Регу улы, Регу – Пелег улы, Пелег – Эбер улы, Эбер – Шела улы,
[36] Шела – Кыйнан улы, Кыйнан – Әрпәкшәд улы, Әрпәкшәд – Шем улы, Шем – Нух улы, Нух – Ләмек улы,
[37] Ләмек – Мәтушалах улы, Мәтушалах – Ханух улы, Ханух – Ярид улы, Ярид – Маћалалил улы, Маћалалил – Кыйнан улы,
[38] Кыйнан – Энош улы, Энош – Шет улы, Шет – Адәм улы, Адәм – Аллаћы улы.