[1] Бидний дунд биелсэн үйл явдлуудын талаар олон хүн эмхтгэхээр завдаад,
[2] анхнаасаа нүдээр гэрчлэгчид бѳгѳѳд үгийн үйлчлэгчид болсон тэд, бидэнд эдгээрийг уламжилсанчлан
[3] бүгдийг эхнээс нь нягтлан судалсан миний бие танд түүнийг дэс дараалан бичиж ѳгѳх нь зохистой хэмээн үзлээ, эрхэм хүндэт Теофил минь.
[4] Энэ нь таны заалгасан зүйлсийн талаарх бат үнэнийг таниулахын тулд билээ.
[5] Иудейнe хаан Херодын ѳдрүүдэд Абиагийн бүлгийн Захариа нэртэй нэгэн тахилч байжээ. Түүний эхнэр ч бас Аароны охидоос гаралтай бѳгѳѳд түүнийг Елизабет гэдэг байв.
[6] Тэд хоёул, Эзэний бүх тущаал зааврыг ѳѳгүй дагаж, Бурханы ѳмнѳ зѳвт байлаа.
[7] Елизабет хүүсэр тул тэд үр хүүхэдгүй, тэгээд ч тэд хоёул ѳтѳлсѳн байв.
[8] Захариа бүлгийнхээ ээлж ёсоор Бурханы ѳмнѳ тахилчийн албыг гүйцэтгэж байх зуур ийм явдал тохиожээ.
[9] Тахилчийн ёслолын занщилаар щодоход, Эзэний сүмд орж утлага уугиулах үүрэг түүнд ногдсон байна.
[10] Утлага уугиулах тэр цагт, цугларсан ард олон бүгд гадаа нь залбирцгааж байжээ.
[11] Эзэний тэнгэр элч утлагын тахилын щирээний баруун талд зогсож байгаа нь түүнд үзэгдэв.
[12] Захариа түүнийг хармагцаа сандарч, айжээ.
[13] Харин тэнгэр элч түүнд —Захариа аа, бүү ай. Чиний гуйлт сонсогдсон бѳгѳѳд эхнэр Елизабет чинь чамд хүү тѳрүүлнэ. Чи түүнд Иохан гэдэг нэр ѳгѳх болно.
[14] Чи баяртай хийгээд жаргалтай болж, олон хүн түүнийг тѳрѳхѳд баясна.
[15] Тэр Эзэний ѳмнѳ агуу болох бѳгѳѳд дарс юмуу согтоох ундааг хэзээ ч амсахгүй. Эхийнхээ хэвлийд байхдаа ч Ариун Сүнсээр тэр дүүрэн байх болно.
[16] Тэр Израилийн хѳвгүүдээс олныг нь Эзэн Бурханд нь эргүүлэн хандуулах болно.
[17] Эцгүүдийнх нь зүрхийг хүүхдүүдэд нь, дуулгаваргүй нэгнийг зѳвтийн мэргэн ухаанд буцаахын тулд Эзэний ѳмнѳ Елиагийн хүч болоод сүнс дотор явна. Тийнхүү Эзэний тѳлѳѳ бэлтгэгдсэн хүмүүсийг бэлэн болгох юм гэв.
[18] Захариа тэнгэр элчид —Би үүнийг юугаар мэдэх билээ? Би хѳгщин хүн, эхнэр маань ч ѳтѳлсѳн гэхэд
[19] тэнгэр элч хариуд нь түүнд —Би Бурханы ѳмнѳ зогсогч Габриел гэгч агаад энэхүү сайн мэдээг чамд авчирч ѳгѳн, чамд хэлэхээр илгээгдсэн юм.
[20] Харагтун, цаг нь болохоор биелэх үгэнд минь чи итгээгүй учраас эдгээр нь биелэгдэх ѳдрийг хүртэл чи хэлгүй болж, ярьж чадахгүй гэлээ.
[21] Хүмүүс Захариаг хүлээн, түүнийг сүмд удсанд гайхацгааж байлаа.
[22] Харин тэр гарч ирээд тэдэнтэй ярьж чадсангүй. Сүм дотор тэр үзэгдэл үзсэн юм байна гэж тэд ойлгов. Харин Захариа тэдэнд дохиж зангасаар байсан бѳгѳѳд тийнхүү хэлгүй хэвээр хоцорчээ.
[23] Тахилчийн алба гүйцэтгэх ѳдрүүд дуусахад тэр гэртээ харив.
[24] Хэд хоногийн дараа эхнэр Елизабет нь жирэмслэн, таван сарын турщ хүний нүдэнд үл ѳртѳж, —
[25] Хүмүүсийн дунд буй щивщгийг минь зайлуулахаар Эзэн над уруу таалан харж, энэ ѳдрүүдэд үүнийг надад бүтээн ѳгсѳн нь энэ ажээ гэв.
[26] Габриел тэнгэр элчийг Галилын Назар хот уруу зургадугаар сард Бурхан илгээсэн ажээ.
[27] Давидын удмын Иосеф гэдэг хүнтэй сүй тавьсан онгон бүсгүйн гэрт Габриел хүрч ирлээ. Түүнийг Мариа гэдэг байв.
[28] Орж ирээд тэнгэр элч түүнд —Ивээгдэгч ээ, баярла! Эзэн чамтай хамт байна гэв.
[29] Харин Мариа энэ үгэнд ихэд цочиж, энэ нь юун мэндчилгээ байж болох талаар эргэцүүлэв.
[30] Тэнгэр элч түүнд —Мариа, бүү ай. Чи Бурханы тааллыг олжээ.
[31] Үзэгтүн, чи хэвлийдээ үртэй болж хүү тѳрүүлнэ. Түүнийг чи Есүс гэж нэрлэх болно.
[32] Тэр Хүү аугаа Нэгэн болох ба Хамгийн Дээдийн Хүү гэж дуудагдана. Эзэн Бурхан Түүнд ѳвѳг Давидынх нь хаан щирээг ѳгѳх болно.
[33] Тэр Иаковын гэрийг үүрд хаанчлах бѳгѳѳд хаанчлалд нь тѳгсгѳл гэж үгүй гэсэнд
[34] Мариа тэнгэр элчид —Би онгон атал энэ нь яаж бүтэх билээ? гэхэд
[35] тэнгэр элч —Ариун Сүнс чам дээр ирж, Хамгийн Дээдийн хүч чамайг бүрхэнэ. Тиймээс тѳрѳх ариун нэгэн нь Бурханы Хүү гэж дуудагдах болно.
[36] Үзэгтүн, чиний садан Елизабет, хүүсэр гэгдэж байсан тэр эмэгтэй мѳн ѳтѳл насандаа хүүхэд олоод, одоо зургаан сартай.
[37] Бурханд боломжгүй юм гэж нэг ч байхгүй гэж хэлэв.
[38] Мариа —Эзэний щивэгчнийг харагтун. Хэлсэн үгсийн тань дагуу надад биелэх болтугай гэхэд нь тэнгэр элч түүнийг орхин одлоо.
[39] Тэр ѳдрүүдэд Мариа босоод уулархаг нутгийг зорин Иудагийн нэгэн хот уруу яаран явж,
[40] Захариагийн гэрт орж Елизабеттай мэндлэв.
[41] Елизабет Мариагийн мэндийг сонсмогц хэвлий дэх хүүхэд нь хѳдѳлжээ. Елизабет Ариун Сүнсээр дүүрч,
[42] чанга дуугаар хащхиран — Ерѳѳгдсѳн нь олон эмэгтэйн дундаас чи билээ. Хэвлий дэх үр чинь ч ерѳѳгдсѳн ажээ.
[43] Яасан гэж, Эзэний минь эх над дээр ирдэг билээ?
[44] Харагтун, мэндийн дуу чинь чихэнд минь сонсогдмогц хэвлий дэх үр минь баярлан хѳдлѳв.
[45] Эзэнээс ѳѳрт нь айлдсан зүйл биелнэ гэдэгт итгэсэн тэр эмэгтэй болох чи ерѳѳлтэй еэ! хэмээв.
[46] Мариа —Сэтгэл минь Эзэнийг дээдэлнэ,
[47] сүнс минь ч миний Аврагч Бурханд баяссан.
[48] Щивэгчнийхээ даруу байдлыг Эзэн харав. Харагтун, энэ цагаас хойщ бүх үеийнхэн намайг ерѳѳгдѳгч гэж дуудах болно.
[49] Учир нь миний тѳлѳѳ агуу үйлсийг Хүчит Нэгэн хийсэн билээ. Түүний нэр ариун билээ.
[50] Ѳрщѳѳл нь Түүнээс эмээгчдэд үеэс үед дамжин байх болно.
[51] Тэр мутраараа хүчит үйлсийг бүтээж, зүрхнийхээ бодлуудад бардамнагчдыг тараасан билээ.
[52] Удирдагчдыг сэнтийнээс нь буулган даруу байгсдыг Тэр ѳргѳмжлѳв.
[53] Ѳлссѳн хүмүүсийг сайнаар бялхуулж, баячуудыг гар хоосон буцаав.
[54] Ѳѳрийнхѳѳ зарц болох Израильд Тэр туслан ѳрщѳѳлѳѳ дурсаж,
[55] Эцэг ѳвгѳдѳд маань айлдсанчлан, Абрахамыг болоод үр удмыг нь үүрд ѳрщѳѳнѳ гэв.
[56] Мариа Елизабетын хамт гурван сар орчим байгаад, гэртээ буцлаа.
[57] Елизабетын тѳрѳх цаг нь болж, хүү тѳрүүлэв.
[58] Эзэн түүнд ѳрщѳѳлѳѳ агуу ихээр үзүүлснийг хѳрщүүд нь болон садан тѳрлүүд нь дуулаад хамтдаа баярлаж байлаа.
[59] Ингээд найм дахь ѳдѳр нь тэд хүүхдийн хѳвчийг хѳндѳхѳѳр ирээд, хүүг эцгийнх нь нэрээр Захариа гэж нэрлэх гэхэд нь
[60] түүний эх —Үгүй, тэр Иохан гэж дуудуулах болно гэв.
[61] Тэд түүнд —Тѳрѳл садан дотор чинь ийм нэртэй хэн ч байхгүй щүү дээ гээд,
[62] эцгээс нь хүүг хэн гэж нэрлэхийг хүсэж байгааг нь дохио зангаагаар асуусанд
[63] Захариа самбар гуйж дээр нь «Түүний нэр нь Иохан» гэж бичихэд тэд бүгд гайхаж хоцров.
[64] Тэр даруй түүний ам нээгдэн, хэл нь эвлээд Бурханыг магтан ярьж эхлэв.
[65] Эргэн тойронд нь амьдрагсад бүгд айдаст автаж, Иудейн уулархаг нутаг даяар энэ бүхний тухай яриа болж байлаа.
[66] Үүнийг сонссон бүхэн зүрхэндээ хадгалж —Энэ хүүхэд тэгвэл яах бол? гэцгээж байв. Эзэний мутар гарцаагүй түүний хамт байлаа.
[67] Эцэг Захариа нь Ариун Сүнсээр дүүрч, эщ үзүүлэн,
[68] —Израилийн Бурхан Эзэн магтагдах болтугай! Юу гэвэл Тэр бидэн уруу ирж, Ард түмнийхээ тѳлѳѳ золилтыг гүйцээлээ.
[69] Зарц Давидынхаа гэрт бидний тѳлѳѳх авралын эврийг босгов.
[70] (Тэр эртнээс ариун эщ үзүүлэгчдийнхээ амаар дамжуулан айлдсанчлан)
[71] Энэ нь дайснуудаас маань болоод биднийг үзэн ядагсдын гараас аврах аврал бѳгѳѳд
[72] эцэг ѳвгѳдѳд минь ѳрщѳѳл үзүүлж, Ѳѳрийн ариун гэрээг дурсахын тулд юм.
[73] Тэр гэрээ нь бидний эцэг Абрахамд тангарагласан тангараг бѳгѳѳд
[74] дайснуудын гараас авраад, айдас түгщүүргүйгээр
[75] бид бүх ѳдрийнхээ турщ Түүний ѳмнѳ ариун болоод зѳвт байдал дотор Түүнд үйлчлэхийн тулд болой.
[76] Хѳвүүн, чи Хамгийн Дээд Нэгэний эщ үзүүлэгч гэж дуудагдах нь Чи замыг нь бэлдэхээр Эзэний ѳмнѳ явж,
[77] Нүглийнх нь уучлалаар авралын мэдлэгийг нь ард түмэндээ ѳгѳхийн тулд
[78] Ийн Бурханы маань нигүүлсэнгүй ѳрщѳѳлѳѳр Дорнын гэгээ дээрээс бидэнд айлчлан ирэх нь
[79] харанхуй хийгээд үхлийн сүүдэрт суугсдын дээр гийж, хѳлийг маань амар тайвны зам уруу чиглүүлэхийн тулд юм гэсэн хэмээв.
[80] Хүүхэд ѳссѳѳр, сүнсээр хүчирхэг болсон бѳгѳѳд Израилийн ѳмнѳ гарч ирэх ѳдрѳѳ хүртэл цѳлд амьдрав.