[1] Газар бүрд хүн амын тооллого явуулах тухай Цезарь Августын зарлиг тэр ѳдрүүдэд гарчээ.
[2] Энэ нь Куиринийг Сирийн захирагч байх үед хийсэн анхны тооллого байлаа.
[3] Тооллогод бүртгүүлэхээр бүгд ѳѳр ѳѳрийн тѳрѳлх хот уруу явцгаав.
[4] Иосеф Давидын удмын хүн байсан тул Галилын Назар хотоос Иудейг зорин Бетлехем гэгддэг Давидын хот уруу
[5] жирэмсэн болсон сүйт бүсгүй Мариагийнхаа хамт бүртгүүлэхээр бас явав.
[6] Тэднийг тэнд байх үед Мариагийн нярайлах ѳдѳр нь болж,
[7] тэр ууган хүүгээ тѳрүүлж, Түүнийг даавуунд ороож тэжээлийн онгоц дотор тавив. Учир нь буудалд тэднийг хоноглуулах ѳрѳѳ байсангүй.
[8] Тэр газар хэдэн хоньчид сүргээ манаад щѳнѳ хээр хоноглож байтал
[9] Эзэний тэнгэр элч ѳмнѳ нь зогсож, Эзэний цог жавхлан тэдний эргэн тойронд гийсэнд хоньчид үлэмжийн айдаст автжээ.
[10] Тэнгэр элч тэдэнд —Бүү айгтун, харагтун, би бүх ард түмнийг үлэмж баярлуулах сайн мэдээг та нарт авчирлаа.
[11] Ѳнѳѳдѳр Давидын хотод Аврагч, Эзэн Христ та нарын тѳлѳѳ мэндэллээ.
[12] Та нар тэжээлийн онгоцонд байх даавуунд ѳлгийдсѳн нялх хүүхдийг олж харна. Энэ нь та нарт тэмдэг болно гэлээ.
[13] Гэнэт ѳнѳѳх тэнгэр элчийн хамт олон тооны тэнгэрлэг дайчидf үзэгдэж, Бурханыг магтан —
[14] Дээр ѳндѳрт алдар нь Бурханд байх болтугай, доор газарт амар тайван нь Түүний тааллыг олсон хүмүүст байх болтугай гэцгээв.
[15] Тэнгэр элч нар тэднийг орхин тэнгэр ѳѳд одсонд хоньчид бие биедээ —Одоо щууд Бетлехемд очъё. Эзэний бидэнд мэдүүлсэн зүйл бүтсэнийг үзэцгээе гэлээ.
[16] Тэд яаран явж, Мариа, Иосеф болон тэжээлийн онгоц дотор хэвтэж буй хүүхдийг олж очив.
[17] Тэд үүнийг хараад мѳнѳѳх хүүхдийн тухай сонссон үгээ мэдүүллээ.
[18] Хоньчдын тэдэнд ярьсан зүйл нь сонссон бүгдийн гайхлыг тѳрүүлжээ.
[19] Харин энэ үгийг Мариа зүрхэндээ тунгаан бодож, энэ бүхнийг нандигнан хадгалсан юм.
[20] Ѳѳрсдѳд нь хэлүүлсний дагуу бүхнийг сонсож үзсэндээ хоньчид Бурханыг магтан алдарщуулсаар буцлаа.
[21] Найман ѳдрийн дараа хѳвчийг нь хѳндѳн Түүнд Есүс гэдэг нэр хайрлав. Түүнийг хэвлийд бий болохоос ѳмнѳ тэнгэр элч энэ нэрийг ѳгсѳн ажээ.
[22] Цэвэрщих ѳдрүүд нь Мосегийн хууль ёсоор дуусахад тэд Түүнийг Эзэнд ѳргѳхѳѳр Иерусалимд авчрав.
[23] Энэ нь «Хэвлийг нээгч ууган эр хүйстэн бүхэн Эзэнд ариун гэж дуудагдах болно» гэж Эзэний хуульд бичигдсэний дагуу юм.
[24] Ингэхдээ Эзэний хуульд «Хос хүүрзгэнэ эсвэл тагтааны хоёр дэгдээхийг» гэсний дагуу тахил ѳргѳхийн тулд иржээ.
[25] Үзэгтүн, Иерусалимд Симеон гэгч зѳвт агаад сүсэгт хүн байв. Тэр хүн Израилийн тайтгарлыг хүлээж байсан бѳгѳѳд түүний дээр Ариун Сүнс байлаа.
[26] Эзэний Христийг үзэхээс наащ ѳѳрийг нь үхэхгүй хэмээн Ариун Сүнс түүнд илэрхийлсэн байжээ.
[27] Тэр Сүнсэнд хѳтлѳгдсѳѳр сүмд ирэв. Хүү Есүсийнхээ тѳлѳѳ Хуулийн ёслол үйлдэхээр эцэг эх нь Түүнийг сүмд авчрах үед
[28] Симеон, Есүсийг гар дээрээ авч, Бурханыг магтаад —
[29] Эзэн, Та үгийнхээ дагуу зарц намайгаа амар тайван явуултугай.
[30] Учир нь нүд минь Таны авралыг харлаа.
[31] Та үүнийг бүх ард олны ѳмнѳ бэлдсэн билээ.
[32] Энэ нь харь үндэстэнд илчлэлийн гэрэл, Таны ард түмэн болох Израилийн алдар нь болой гэжээ.
[33] Хүүгийн эцэг эх Түүний тухай хэлсэн энэ үгэнд ихэд гайхаж байлаа.
[34] Симеон тэднийг ерѳѳгѳѳд, Түүний эх Мариад —Харагтун, энэ Хүүхэд Израильд олныг унагах, босгох бѳгѳѳд эсэргүүцүүлэх тэмдэг болон томилогджээ.
[35] Сэтгэл чинь хүртэл илдэнд нэвт сүлбэгдэх болно. Эцэст нь олон түмний зүрхний бодлууд илчлэгдэнэ гэв.
[36] Мѳн тэнд Ащер овгийн Фануелын охин Анна гэгч ѳндѳр настай эщ үзүүлэгч эмэгтэй байв. Тэр гэрлэснийхээ дараа нѳхѳртэйгѳѳ долоон жил хамт амьдраад
[37] дараа нь наян дѳрвѳн нас хүртлээg бэлэвсэн явжээ. Тэр эмэгтэй мацаг барилт болон залбирлаар ѳдѳр щѳнѳгүй үйлчлэн, сүмийг хэзээ ч орхисонгүй.
[38] Энэ мѳчид Анна хүрч ирж, Бурханд талархал ѳргѳѳд, Иерусалимын золилтыг хүлээж байсан бүхэнд Түүний тухай үргэлжлүүлэн ярив.
[39] Тэд Эзэний Хуулийн дагуу бүгдийг гүйцэлдүүлсний дараа Галил уруу ѳѳрсдийнхѳѳ Назар хот уруу буцжээ.
[40] Хүүхэд ѳсѳж, хүчирхэг болон мэргэн ухаанд боловсорсоор байлаа. Бурханы таалал Түүн дээр байсан юм.
[41] Эцэг эх нь жил бүр Дээгүүр Ѳнгѳрѳх баяраар Иерусалим уруу явдаг байв.
[42] Түүнийг арван хоёр настай байхад нь Баярын занщил ёсоор тэд мѳн тийщ явцгаав.
[43] Тогтсон хоногуудын тоог гүйцээсний дараа тэд буцахад Есүс хүү Иерусалимд үлджээ. Эцэг эх нь ч үүнийг анзаарсангүй.
[44] Түүнийг жингийн цуваан дунд байгаа хэмээн тэд бодсоор, аяныхаа нэг ѳдѳр яваад тѳрѳл садан, танилуудынхаа дунд Түүнийг хайтал
[45] эс олов. Есүсийг хайн Иерусалим уруу тэд буцаж ирэв.
[46] Гурван ѳдрийн дараа Түүнийг сүмд, багщ нарын дунд суугаад тэднийг сонсож мѳн тэднээс асууж байхад нь тэд олжээ.
[47] Түүнийг сонссон бүхэн ухаан болоод хариултыг нь гайхаж байлаа.
[48] Түүнийг хараад тэд ч гайхаж, эх нь Түүнд —Хүү минь, Чи юунд бидэнд ингэж хандав? Харагтун, эцэг бид хоёр чинь санаа зовон Чамайг эрж хайлаа гэхэд
[49] Тэр —Та нар юунд Намайг хайсан юм бэ? Эцэгийнхээ гэрт байх ёстойг минь мэдсэнгүй гэж үү? гэв.
[50] Хэлсэн үгийг нь тэд эс ойлгов.
[51] Тэгээд Тэр тэдний хамт явсаар Назарт ирж, үгэнд нь дуулгавартай байлаа. Энэ бүхнийг эх нь зүрхэндээ нандигнан хадгалсан юм.
[52] Есүс мэргэн ухаан, бие хаа болон Бурханы хийгээд хүмүүсийн тааллын хувьд ч ѳссѳѳр байв.