[1] Kala dara niyɔrɔ filanan min na, o kɛra Simeɔn bɔnsɔn ta ye ka kɛɲɛ ni u ka gwaw ye. Olu ciyɛn tun bɛ Juda bɔnsɔn ta cɛma.
[2] U ye u niyɔrɔ sɔrɔ Beɛr-Seba ni Seba ni Molada
[3] ni Hazar-Sual ni Bala ni Azɛm
[4] ni Eltolad ni Bɛtul ni Horma
[5] ni Ziklag ni Bɛt-Markabɔt ni Hazar-Susa
[6] ni Bɛt-Lebaɔt ani Sarukɛn, o bɛɛ lajɛlen kɛra dugu tan ni saba ye ani u dafɛ dugu misɛnw.
[7] Ayin ni Rimɔn ni Etɛr ani Asan, olu ye dugu naani ye ani u dafɛ dugu misɛnw.
[8] O dugu misɛnw bɛɛ tun bɛ o dugubaw lamini la, fo ka taa se Balat-Beɛr ma, o ye Ramat ye worodugu yanfan fɛ. Olu kɛra Simeɔn bɔnsɔn ciyɛn ye ka kɛɲɛ ni u ka gwaw ye.
[9] Simeɔn bɔnsɔn ciyɛn bɔra Juda bɔnsɔn niyɔrɔ la, k'a masɔrɔ Juda bɔnsɔn niyɔrɔ tun ka bon u ma kosɛbɛ. O de kosɔn Simeɔn bɔnsɔn ye u niyɔrɔ sɔrɔ Juda bɔnsɔn cɛma.
[10] Kala dara niyɔrɔ sabanan min na, o kɛra Zabulɔn bɔnsɔn ta ye ka kɛɲɛ ni u ka gwaw ye. U ciyɛn dancɛ sera fo Sarid.
[11] U dancɛ yɛlɛnna ka taa tilebi yanfan fɛ ka taa se Mareala ka taa se Dabesɛt ka taa se Jokneamɲɛ fɛ kɔ ma.
[12] A bɔra Sarid ka munumunu ka taa kɔrɔn yanfan fɛ fo ka taa se Kislɔt-Tabɔr dancɛ ma, o kɔ, ka sin ka taa fo Dabarat ka yɛlɛn ka taa Jafia.
[13] A bɔra yen ka tɛmɛn kɔrɔn yanfan fɛ fo ka taa se Gita-Hefɛr ni Ita-Kazɛn ka tɛmɛn ka taa Rimɔn ka taa se fo Nea.
[14] A dancɛ farala ka munumunu ka taa saheli yanfan fɛ fo ka taa se Hanatɔn ka taa dan Jiftak-El kɛnɛba la,
[15] ni Katat ni Nahalal ni Simrɔn ni Jideala ani Bɛtilɛhɛm. Olu bɛɛ lajɛlen ye dugu tan ni fila ye ani u dafɛ dugu misɛnw.
[16] O duguw ni u dafɛ dugu misɛnw kɛra Zabulɔn bɔnsɔn ciyɛn ye ka kɛɲɛ ni u ka gwaw ye.
[17] Kala dara niyɔrɔ naaninan min na, o kɛra Isakar bɔnsɔn niyɔrɔ ye ka kɛɲɛ ni u ka gwaw ye.
[18] Olu dan sera dugu minw ma, olu filɛ ninw ye: Jizreɛl ni Kesulɔt ni Sunɛm
[19] ani Hafaraim ni Sion ni Anakarat
[20] ni Rabit ni Kisjɔn ni Abɛz
[21] ani Remɛt ni En-Ganim ni En-Hada ani Bɛt-Pazɛz.
[22] Dancɛ sera minw ma, olu tun ye ninw ye: Tabɔr ni Sakazima ni Bɛt-Semɛs ka taa dan Jurdɛn ba la. Olu bɛɛ lajɛlen kɛra dugu tan ni wɔɔrɔ ye ani u dafɛ dugu misɛnw.
[23] O duguw ni u dafɛ dugu misɛnw kɛra Isakar bɔnsɔn siya ciyɛn ye ka kɛɲɛ ni u ka gwaw ye.
[24] Kala dara niyɔrɔ duurunan min na, o kɛra Asɛr bɔnsɔn siya ta ye ka kɛɲɛ ni u ka gwaw ye.
[25] Olu dancɛw bɔra yɔrɔ minw fɛ, olu filɛ ninw ye: Helikat ni Hali ni Bɛtɛn ni Akisaf
[26] ni Alamelɛk ni Amead ani Miseal. O dan tɛmɛnna Karmɛl ni Sikɔr-Libinat fɛ tilebi yanfan fɛ.
[27] O kɔ, a tɛmɛnna ka taa Bɛt-Dagɔn fan fɛ kɔrɔn yanfan fɛ ka gun Zabulɔn na Jiftak-El kɛnɛba fan fɛ Bɛt-Emɛk saheli yanfan fɛ ani Neiɛl. O dan bɔra yen ka taa Kabul fan fɛ numan yanfan fɛ
[28] ka tɛmɛn Ebirɔn ni Rehɔb ni Hamɔn ani Kana fɛ fo ka taa se Sidɔn belebeleba ma.
[29] O kɔ, o dancɛ sinna ka taa Rama fan fɛ fo ka taa se Tir ma, o ye dugu barikama ye. O kɔ, a sinna ka taa Hosa fan fɛ fo ka taa bila Akizib dancɛ kɔgɔji la.
[30] Dɔ wɛrɛ minw tun bɛ yen olu kɔ, olu filɛ ninw ye: Uma ni Afɛk ani Rehɔb. O bɛɛ lajɛlen kɛra dugu mugan ni fila ye ani u lamini dugu misɛnw.
[31] O duguw ni u dafɛ dugu misɛnw kɛra Asɛr bɔnsɔn siya ciyɛn ye ka kɛɲɛ ni u ka gwaw ye.
[32] Kala dara niyɔrɔ wɔɔrɔnan min na, o kɛra Nefitali bɔnsɔn siya niyɔrɔ ye ka kɛɲɛ ni u ka gwaw ye.
[33] O dancɛ bɔra Helɛf fɛ ka taa se Zananim sensun ma Adami-Nekɛb fan fɛ ani Jabneɛl fan fɛ fo ka taa se Lakum fo ka taa bila Jurdɛn ba la,
[34] ka fara ka taa tilebi fɛ Aznɔt-Tabɔr fan fɛ, o kɔ, ka tɛmɛn Hukɔk. A worodugu yanfan dan gunna Zabulɔn na, a tilebi yanfan dan gunna Asɛr ni Juda la. Jurdɛn ba tun bɛ tilebɔ fan fɛ.
[35] A duguba barikamaw tun ye Zidim ni Zɛr ni Hamat ni Rakat ni Kinerɛt
[36] ni Adama ni Rama ni Hazɔr
[37] ni Kedɛs ni Edreyi ni En-Hazɔr
[38] ni Jireɔn ni Migdal-El ni Horɛm ni Bɛt-Anat ani Bɛt-Semɛs ye. O bɛɛ lajɛlen kɛra dugu tan ni kɔnɔntɔn ye ani u dafɛ dugu misɛnw.
[39] O duguw ni u dafɛ dugu misɛnw kɛra Nefitali bɔnsɔn siya ciyɛn ye ka kɛɲɛ ni u ka gwaw ye.
[40] Kala dara niyɔrɔ wolonwulanan min na, o kɛra Dan bɔnsɔn niyɔrɔ ye ka kɛɲɛ ni u ka gwaw ye.
[41] Olu niyɔrɔ danw bɔra yɔrɔ minw fɛ, olu filɛ ninw ye: Zorea ni Estaɔl ni Ir-Semɛs
[42] ni Salabɛn ni Ajalɔn ni Jitila
[43] ni Elɔn ni Timinata ni Ekirɔn
[44] ni Elteke ni Gibetɔn ni Balat
[45] ni Jehud ni Bene-Berak ni Gat-Rimɔn
[46] ni Me-Jarkɔn ani Rakɔn ani Jafo kuntilenna dugukolo.
[47] Dan bɔnsɔn niyɔrɔ dugukolo tɛmɛnna o kan. Dan bɔnsɔn taara ka Lesɛm dugu kɛlɛ k'a minɛ ka npan kɛ k'a ci, o kɔ, ka u sigi yen. U ye Lesɛm dugu tɔgɔ da u fa tɔgɔ la, ko Dan.
[48] O duguw ni u dafɛ dugu misɛnw kɛra Dan bɔnsɔn siya ciyɛn ye ka kɛɲɛ ni u ka gwaw ye.
[49] U tilalen kɔ jamana tilatilali la ka u danw jira, Israɛl bɔnsɔn ye niyɔrɔ dɔ di Nun denkɛ Josue ma u cɛma.
[50] A tun ye dugu min deli Efrayim kulu jamana la, Timnat-Serak kɔni, u ye o di a ma ka kɛɲɛ ni Matigi ka ci fɔlen ye. A ye o dugu jɔ ka sigi yen.
[51] Ka u to Matigi ɲɛ kɔrɔ Siloɲɔgɔn kunbɛn finiso da la, sarakalasebaa Eleazar ni Nun denkɛ Josue ani Israɛl bɔnsɔn siyaw ka gwaw kuntigiw ye o ciyɛn tilatila siyaw cɛ ni kala ye. U tilara jamana tilatilali la.