[1] Juda bɔnsɔn ye niyɔrɔ sɔrɔ kala dali la ka kɛɲɛ ni u ka gwaw ye. O dan bɔra Edɔm dancɛ fɛ fo ka taa se Zen kungokolon kɔnɔ worodugu yanfan fɛ ka se o worodugu yanfan dan ma.
[2] U worodugu yanfan dan bɔra Kɔgɔji Misɛn worodugu yanfan fɛ bolo fara la.
[3] O dan munumununa fo ka taa se Akarabim ma worodugu yanfan fɛ ka tɛmɛn Zen kungokolon fan fɛ ka yɛlɛn ka taa Kadɛs-Barnea worodugu yanfan fɛ ka tɛmɛn ka taa Hezrɔn ka yɛlɛn ka taa Adar fan fɛ ka munumunu ka taa Karika.
[4] A tɛmɛnna Azmɔn fan fɛ fo ka taa se Misira jamana kɔji ma ka taa bila Kɔgɔjiba la. O na kɛ worodugu yanfan dancɛ ye.
[5] Kɔgɔji Misɛn kɛra a kɔrɔn yanfan dancɛ ye fo ka taa se a ni Jurdɛn ba kunbɛn yɔrɔ ma. A saheli yanfan dancɛ bɔra Jurdɛn ba bila yɔrɔ la Kɔgɔji Misɛn na.
[6] A dancɛ yɛlɛnna ka taa Bɛt-Hogila fan fɛ ka tɛmɛn Bɛt-Araba saheli yanfan fɛ fo ka taa se Rubɛn denkɛ Bohan ka kabakurun ma.
[7] O kɔ, a dancɛ bɔra Akɔr jɛkɛnɛ la ka tɛmɛn Debir fan fɛ ka tɛmɛn ka taa saheli yanfan fɛ Gilgal kɛrɛ fɛ. O bɛ Adumim yɛlɛn yɔrɔ kuntilenna la ba da worodugu yanfan fɛ. A dan tɛmɛnna ka surunya En-Semɛs ji yɔrɔ la fo ka taa bila En-Rogɛl,
[8] ka bɔ yen ka yɛlɛn ka taa se Hinɔm denkɛ ka jɛkɛnɛ ma ka tɛmɛn Jebus worodugu yanfan fɛ, o ye Jerusalɛm ye. A dan yɛlɛnna kulu san fɛ Hinɔm jɛkɛnɛ kuntilenna la tilebi yanfan fɛ fo ka taa se Refaim siya dancɛ ma jɛkɛnɛ la saheli yanfan fɛ.
[9] A dancɛ bɔra kulu san fɛ ka tɛmɛn ka taa Neftoak ji boyi yɔrɔ la ka taa se kulu kan duguw Efrɔn ma, o kɔ ka tɛmɛn ka taa fo Bala, o bɛ wele fana ko Kirjat-Jearim.
[10] A dan bɔra yen ka fara ka taa tilebi yanfan fɛ fo ka taa se Seir kulu ma ka tɛmɛn Jearim kulu saheli yanfan fɛ, o bɛ wele fana ko Kesalɔn, o kɔ ka jigin ka taa Bɛt-Semɛs ka tɛmɛn Timna fɛ.
[11] A dan tɛmɛnna Ekirɔn saheli yanfan fɛ ka taa se Sikrɔn ka tɛmɛn Bala kulu kan ka taa se Jabneɛl ka taa dan kɔgɔji la.
[12] Kɔgɔjiba kɛra a tilebi yanfan dancɛ ye. O tun ye Juda bɔnsɔn dancɛw ye k'a lamini a fan bɛɛ la ka kɛɲɛ ni u ka gwaw ye.
[13] Niyɔrɔ dira Jefune denkɛ Kalɛb ma Juda bɔnsɔn cɛma ka kɛɲɛ ni Matigi ka ci fɔlen ye Josue ye. U ye Kirjat-Araba di a ma, o ye Heborɔn ye. Araba tun ye Anak fa ye.
[14] Kalɛb ye Anak denkɛ saba gɛn ka bɔ yen. Olu tun ye Sesai ni Ahiman ani Talmai ye, Anak bɔnsɔnw tun don.
[15] Kalɛb bɔra yen ka taa Debirkaw kama. Debir tɔgɔ kɔrɔ tun ye Kirjat-Sefɛr ye.
[16] Kalɛb ko: «Ni mɔgɔ min ye Kirjat-Sefɛr kɛlɛ k'a minɛ, ne na ne denmuso Akisa di o tigi ma ka kɛ a muso ye.»
[17] Kalɛb dɔgɔkɛ Kenaz denkɛ Otniɛl y'a minɛ. Kalɛb ye a denmuso Akisa di o ma k'a kɛ a muso ye.
[18] Akisa taara Otniɛl ka so tuma min na, a ye a cɛ kɔnɔna su ko a ka foro deli a fa fɛ. Akisa jiginna ka bɔ a ka fali kan, Kalɛb y'a fɔ a ye ko: «I bɛ mun fɛ?»
[19] A y'a fa jaabi ko: «I ka ne sɔn. I ye worodugu yanfan fɛ dugukolo dɔ di ne ma, i ka ji boyi yɔrɔ fana di ne ma.» A ye sanfɛ ji boyi yɔrɔw ni duguma ji boyi yɔrɔw di a ma.
[20] O kɛra Juda bɔnsɔn siya ciyɛn ye ka kɛɲɛ ni u ka gwaw ye.
[21] Juda bɔnsɔn siya ka dugu minw tun bɛ u worodugu yanfan fɛ Edɔm dancɛ la, olu filɛ ninw ye: Kabzeɛl ni Edɛr ni Jagur
[22] ni Kina ni Dimona ni Adada
[23] ani Kedɛs ni Hazɔr ni Itnan
[24] ni Zif ni Telem ni Bealɔt
[25] ni Hazɔr-Hadata ni Kerijɔt-Hezrɔn, o ye Hazɔr ye,
[26] ani Amam ni Sema ni Molada
[27] ni Hazar-Gada ni Hesmɔn ni Bɛt-Pelɛt
[28] ani Hazar-Sual ni Beɛr-Seba ni Bizjotja
[29] ni Bala ni Ijim ni Azɛm
[30] ani Eltolad ni Kesil ni Horma
[31] ni Ziklag ni Madimana ni Sansana
[32] ni Lebaot ni Silhim ni Ayin ani Rimɔn. O duguw dama bɛɛ kɛra mugan ni kɔnɔtɔn ye ani u dafɛ dugu misɛnw.
[33] Kɛnɛba la duguw tun ye Estaɔl ni Zorea ni Asina
[34] ni Zanoak ni En-Ganim ni Tapuak ni Enam
[35] ani Jarmut ni Adulam ni Soko ni Azeka
[36] ni Saraim ni Aditaim ni Gedera ani Gedɛrotaim ye. O ye dugu tan ni naani ye ani u dafɛ dugu misɛnw.
[37] Zenan ni Hadasa ni Migdal-Gad
[38] ni Dilean ni Mizpe ni Jokteɛl
[39] ni Lakis ni Bozkat ni Egilɔn
[40] ni Kabɔn ni Lakmas ni Kitlis
[41] ni Gedɛrɔt ni Bɛt-Dagɔn ni Nama ani Makeda, o ye dugu tan ni wɔɔrɔ ye ani u dafɛ dugu misɛnw.
[42] Libina ni Etɛr ni Asan
[43] ni Jiftak ni Asna ni Nezib
[44] ni Keila ni Akzib ani Maresa, o ye dugu kɔnɔntɔn ye ani u dafɛ dugu misɛnw.
[45] Ekirɔn ni a duguw ni a dafɛ dugu misɛnw
[46] ka bɔ Ekirɔn fo ka taa se kɔgɔji ma, Asdɔd dafɛ duguw bɛɛ ni u dugu misɛnw bɛɛ tun b'a la,
[47] ani Asdɔd ni a dafɛ dugu misɛnw ani Gaza ni a dafɛ duguw ni u dafɛ dugu misɛnw fo ka taa se Misira jamana kɔ ma ka taa bila Kɔgɔjiba la.
[48] Kulu jamana duguw tun ye Samir ni Jatir ni Soko
[49] ni Dana ni Kirjat-Sana ye, o ye Debir ye,
[50] ani Anab ni Estemo ni Anim,
[51] ni Gosɛn ni Holɔn ani Gilo. O ye dugu tan ni kelen ye ani u dafɛ dugu misɛnw.
[52] Arab ni Duma ni Esean
[53] ni Janum ni Bɛt-Tapuak ni Afeka
[54] ni Humta ni Kirjat-Araba, o ye Heborɔn ye ani Zior, o ye dugu kɔnɔntɔn ye ani u dafɛ dugu misɛnw.
[55] Maon ni Karmɛl ni Zif ni Juta
[56] ni Jizreɛl ni Jokdeam ni Zanoak
[57] ni Kaen ni Gibea ni Timna, o ye dugu tan ye ani u dafɛ dugu misɛnw.
[58] Halhul ni Bɛt-Zur ni Gedɔr
[59] ni Marat ni Bɛt-Anɔt ani Eltekɔn, o ye dugu wɔɔrɔ ye ani u dafɛ dugu misɛnw.
[60] Kirjat-Bal, o ye Kirjat-Jearim ye ani Raba, o ye dugu fila ye ani u dafɛ dugu misɛnw.
[61] Kungokolon la duguw tun ye Bɛt-Araba ni Midɛn ni Sekaka
[62] ni Nibzan ni Kɔgɔ Dugu ani En-Gedi ye. O ye dugu wɔɔrɔ ye ani u dafɛ dugu misɛnw.
[63] O bɛɛ n'a ta Jebuska minw sigilen tun bɛ Jerusalɛm, Juda bɔnsɔn ma se ka olu gɛn ka bɔ, yen nka Jebuskaw ni Juda bɔnsɔn sigiraɲɔgɔn fɛ Jerusalɛm fo ka na se bi ma.