[1] Israɛl bɔnsɔn ye masakɛ minw faga jamana kɔnɔ, olu filɛ. U ye Jurdɛn yanfan dugukolo bɛɛ minɛ tilebɔ fan fɛ k'a daminɛ Arnɔn kɔ da la fo ka taa se Hermɔn kulu ma ani kɔrɔn yanfan jɛkɛnɛ bɛɛ.
[2] Amɔr siya ka masakɛ Sihon, o sigilen tun bɛ Hesibɔn. A ka mara daminɛna Arnɔn kɔ da la Aroɛr yɔrɔ la kɛnɛba cɛmancɛ la ani Galad tilancɛ fo ka taa se Jabɔk ba da la, Amɔn bɔnsɔn dancɛ la,
[3] k'a daminɛ jɛkɛnɛ la fo ka taa se Kinerɛt ba ma kɔrɔn yanfan fɛ, fo ka taa se jɛkɛnɛ la Kɔgɔji Misɛn ma kɔrɔn yanfan fɛ Bɛt-Jesimɔt kuntilenna la ani worodugu yanfan fɛ Pisiga kulu jiginjigin la. O tun ye Amɔr siya ka masakɛ Sihon ka mara ye.
[4] Basan masakɛ Og ka mara tugulen tun bɛ o la. Ale kelen tun don ka bɔ Refaim siya la. Ale sigilen tun bɛ Astarɔt ni Edreyi.
[5] Hermɔn kulu ni Salika ni Basan bɛɛ tun bɛ a ka mara la fo ka taa se Gesurkaw ni Makakaw dancɛ ma fo ka taa se Hesibɔn masakɛ Sihon ka mara dancɛ Galad tilancɛ ma.
[6] Matigi ka jɔnkɛ Musa ani Israɛl bɔnsɔn ye se sɔrɔ u kan. Matigi ka jɔnkɛ Musa ye u ka jamana di Rubɛn siya ni Gad siya ani Manase siya tilancɛ ma ka kɛ u ciyɛn ye.
[7] Masakɛ minw tun bɛ Jurdɛn ba tilebi yanfan fɛ ni Josue ni Israɛl bɔnsɔn ye u gosi, olu filɛ. K'a daminɛ Bal-Gad, Liban kulu furancɛ kɛnɛ la fo ka taa se Halak kulu ma, o bɛ yɛlɛn ka taa Seir fan fɛ. Josue ye o jamana di Israɛl bɔnsɔn ma ka kɛ u ciyɛn ye ka kɛɲɛ ni u siyaw bɛɛ kelen-kelen niyɔrɔ ye,
[8] kulu jamana ani kɛnɛba ni jɛkɛnɛ jamana ani kulu jiginjigin ani kungokolon ani worodugu yanfan jamana, Hɛti bɔnsɔn ni Amɔr siya ni Kanankaw ni Ferɛz siya ni Hev siya ani Jebuskaw ka jamana tun don. O masakɛw filɛ ninw ye.
[9] Jeriko masakɛ kelen, Ayi min bɛ Bɛtɛl kɛrɛ fɛ, o masakɛ kelen.
[10] Jerusalɛm masakɛ kelen. Heborɔn masakɛ kelen.
[11] Jarmut masakɛ kelen. Lakis masakɛ kelen.
[12] Egilɔn masakɛ kelen. Gezɛr masakɛ kelen.
[13] Debir masakɛ kelen. Gedɛr masakɛ kelen.
[14] Horma masakɛ kelen. Arad masakɛ kelen.
[15] Libina masakɛ kelen. Adulam masakɛ kelen.
[16] Makeda masakɛ kelen. Bɛtɛl masakɛ kelen.
[17] Tapuak masakɛ kelen. Hefɛr masakɛ kelen.
[18] Afɛk masakɛ kelen. Lasarɔn masakɛ kelen.
[19] Madɔn masakɛ kelen. Hazɔr masakɛ kelen.
[20] Simrɔn-Merɔn masakɛ kelen. Akisaf masakɛ kelen.
[21] Tanak masakɛ kelen. Megido masakɛ kelen.
[22] Kedɛs masakɛ kelen. Jokneam min bɛ Karmɛl kɛrɛ fɛ, o masakɛ kelen.
[23] Dor kulu kan masakɛ kelen. Gojim min bɛ Gilgal kɛrɛ fɛ, o masakɛ kelen.
[24] Tirza masakɛ kelen. O bɛɛ lajɛlen tun ye masakɛ bisaba ni kelen ye.