[1] رب بابئل و کَلدانئلرئن اؤلکه‌سی باره‌ده اِرِمیا پیغمبرئن واسئطه‌سی‌ائله بو سؤزلری نازئل اتدی:
[2] «مئلّتلره بئلدئرئب اعلان ادئن. بایراق قالدیریب خبر ورئن؛ هچ نه‌یی گئزلَتمه‌یئن! دیئن: بابئل اَله کچئرئله‌جک، بِل آللاهی خجالت آلتیندا قالاجاق، مِرودَک آللاهی دهشته دوشه‌جک، تئمثاللاری آلچالدیلاجاق، بوتلری تئکه-تئکه اولاجاق.
[3] اوستونه شئمالدان بئر مئلّت هوجوم اده‌جک، اؤلکه‌سئنی وئران قویاجاق. اورادا یاشایان اولمایاجاق؛ ائنسان دا، حیوان دا قاچیب گده‌جک.»
[4] رب بویورور: «او گونلر، او زامان ائسرایئل خالقی ائله یهودا خالقی بئرلئکده گله‌جک، اونلار آغلایا-آغلایا گلئب اؤزلرئنئن تاریسی ربّی آختاراجاقلار.
[5] صحیونا گِدن یولو سوروشاجاقلار و اوزلرئنی اونا طرف توتاجاقلار. اونلار گلئب یاددان چیخاردیلماز، ابدی بئر عهدله ربّه باغلاناجاقلار.
[6] خالقیم ائتمئش قویونلار کئمی اولوب، چوبانلاری اونلاری آزدیریب، داغلاردا اؤزباشینا آوارا بوراخیب، اونلار داغدان تپه‌یه گتدئلر، ائستئراحت اتدئیی یری یاددان چیخارتدیلار.
[7] کئم اونلاری تاپدی، یِدی. دوشمنلری ددئلر: ”بئز تقصئرکار دیئلئک، چونکی اونلار، اونلارا حقئقی اوتلاق اولان ربّه، آتالارینین اومئدی اولان ربّه گوناه اتدئلر.“
[8] بابئلدن قاچیب قورتارین! کَلدانئلرئن اؤلکه‌سئنی ترک ادئن، سورویه یول گؤرسه‌دن کِچئلر کئمی اولون!
[9] چونکی من شئمال اؤلکه‌سئندن بابئلئن ضئدّئنه بؤیوک مئلّتلر ائتّئفاقینی قالدیریب گتئره‌جیم. بابئلئن قاباغیندا دوزولوب اونو شئمالدان اَله کچئرده‌جکلر. اوخلاری ماهئر دؤیوشچو اوخلاری کئمی اولاجاق، هچ بئری اَلی‌بوش قاییتمایاجاق.
[10] بله‌جه کَلده اؤلکه‌سی قارت اولوناجاق، اونو قارت ادنلرئن هامیسی مالدان دویاجاقلار.» رب بویورور.
[11] «ای ائرثئمی تالایانلار، ائندی کی، سِوئنئب شادلیقلا جوشورسونوز، خرمنده تاخیل دؤیَن بوزوو کئمی توللانیرسینیز، توسَن کئمی کئشنه‌یئرسئنئز،
[12] آنانیز چوخ اوتاناجاق، سئزی دوغانین اوزو قیزاراجاق. بابئل مئلّتلرئن لاپ ضعئفی، کؤشَن اولاجاق، قوراق بئر یِر، بئر صحرا اولاجاق.
[13] ربّئن قضبی اوزوندن هچ کس اورادا یاشامایاجاق، کامئل وئران اولاجاق. بوتون کِچَنلر بابئلئن آلدیغی بوتون یارالاری گؤرنده حیرت ائچئنده فئت چالاجاقلار.
[14] ای بوتون کامان چکنلر، بابئلئن اطرافیندا دؤیوش اوچون دوزولون. اورایا اوخ آتین، اوخونوزو اسئرگَمه‌یئن. چونکی او، ربّه گوناه اتدی.
[15] هر طرفدن اونون ضئدّئنه نعره چکئن، او تسلئم اولور، بورجلری ییخیلیر، دووارلاری اوچولور. چونکی بو، ربّئن قئصاصی‌دیر. اوندان قئصاص آلین، او نه ادئب، باشینا اونو گتئرئن.
[16] بابئلده اَکئنچئلری محو ادئن، بئچئن واختی اوراقچیلاری ردّ ادئن. ظالئملرئن قیلینجی اوزوندن هر کس اؤز خالقینین یانینا قاییتسین، هامی اؤز اؤلکه‌سئنه قاچسین.
[17] ائسرایئل داغیلمیش بئر سورو کئمی‌دئر، اونو آصلانلار قووور. اونو اوّل آشور پادشاهی یِدی، آخیری دا بابئل پادشاهی نِبوکَدنِصّر اونون سوموکلرئنی قیردی.»
[18] بونا گؤره ده ائسرایئلئن تاریسی اولان قوشونلار ربّی بله دیئر: «آشور پادشاهینی نجه جزالاندیردیم، بابئل پادشاهی ائله اؤلکه‌سئنی ده اِله‌جه جزالاندیرجاغام.
[19] لاکئن ائسرایئلی گئنه اؤز اوتلاغینا گتئره‌جیم، او، کَرمِلده و باشاندا اوتلایاجاق. اِفرایئمئن داغلیق بؤلگه‌سئنده و گئلعاددا ائسته‌دئیی قدر یِیئب دویاجاق.
[20] او گونلر، او زامان ائسرایئلده تقصئر آختاریلاجاق، لاکئن تاپیلمایاجاق. یهودادا گوناه آختاریلاجاق، لاکئن تاپیلمایاجاق. چونکی سالامات قویدوغوم آداملاری باغیشلایاجاغام.» رب بویورور.
[21] «مِراته‌یئم تورپاغینا، پِقوددا یاشایانلارا هوجوم ات. اونلاری تعقئب ادئب کامئل بئر شکئلده اؤلدور، سنه بوتون امر اتدئکلرئمی یرئنه یتئر.» رب بویورور.
[22] اؤلکه‌ده موحارئبه سَسی اِشئدئلئر، بؤیوک قیرغین سَسی!
[23] بوتون دونیانین گورزو نجه ده قیریلیب پارچالاندی! بابئل نجه ده مئلّتلر آراسیندا حیرت سببئنه دؤنوب!
[24] سنئن اوچون تله قوردوم، ای بابئل، سن ده بئلمه‌دن تله‌مه دوشدون. توتولوب یاخالاندین، چونکی ربّئن ضئدّئنه ساواشدین.
[25] رب سئلاح‌خاناسینی آچیب، قضبئنئن سئلاحلارینی چیخاردیب. چونکی قوشونلار ربّی پروردئگارین کَلده اؤلکه‌سئنده اده‌جیی بئر ائش وار.
[26] هر یاندان اونا هوجوم ادئن، آنبارلارینی آچین، ماللارینی قالاق-قالاق ییغین. اونو کامئل محو ادئن، اوندان بئر شی قالماسین.
[27] بوتون گامیشلارینی کَسئن؛ سالاقخانایا گتسئنلر. وای اونلارین حالینا! چونکی اونلارین گونو، اونلارین جزا واختی گلئب.
[28] «بابئل اؤلکه‌سئندن قاچیب قورتارانلارین سَسئنی اِشئدئن؛ قاچیرلار کی، تاریمیز ربّئن قئصاصینی، اونون معبدئنئن قئصاصینی، صَحیوندا اعلان اتسئنلر.
[29] بوتون اوخچولاری، کامان چَکَنلری بابئلئن ضئدّئنه چاغیرین. اطرافینی موحاصئره‌یه آلین، هچ کس قاچیب قورتارا بئلمه‌سئن. اونا ائشلرئنه گؤره عوض ورئن. او نه ادئب، باشینا اونو گتئرئن. چونکی ربّئن ضئدّئنه، ائسرایئلئن موقدّسئنئن ضئدّئنه کئبئرله‌نئب.
[30] بونا گؤره ده جاوانلاری میدانلاردا یِره سَرئله‌جک؛ او گون بوتون دؤیوشچولری سوسدورولاجاق.» رب بویورور.
[31] «باخ، من سنه ضئدّم، ای مغرور.» قوشونلار ربّی اولان پروردئگار بویورور. «چونکی سنئن گونون، سنی جزالاندیراجاغیم واخت گلئب.
[32] مغرور بودره‌یئب-ییخیلاجاق، اونو قالدیران اولمایاجاق، شهرلرئنه اود سالاجاغام، بوتون اطرافیندا اولانلاری یاندیریب یوخ اده‌جک.»
[33] قوشونلار ربّی بله دیئر: «بوتون ائسرایئل خالقی دا، یهودا خالقی دا اذئیّت چکئر. اونلاری اسئر توتانلار، اونلاری مؤحکم ساخلاییرلار، بوراخماق ائسته‌مئرلر.
[34] آمّا اونلارین قَیّومو گوجلودور، اونون آدی قوشونلار ربّی‌دئر. رب قطعن اونلارین ائشئنه باخاجاق کی، اؤلکه‌یه راحاتلیق ورسئن، آمّا بابئل ساکئنلرئنه تشوئش گتئرسئن.»
[35] رب بویورور: «کَلدانئلرئن ضئدّئنه قیلینج گلسئن! بابئل اؤلکه‌سئنده یاشایانلارا، بابئل باشچیلارینا، حئکمتلی‌لرئنئن ضئدّئنه قیلینج گلسئن!
[36] یالانچی پیغمبرلرئنئن ضئدّئنه قیلینج گلسئن! آخماقلیق‌لاری اوزه چیخاجاق. دؤیوشچولرئنئن ضئدّئنه قیلینج گلسئن! دهشت اونلاری بورویه‌جک.
[37] آتلارینین، دؤیوش عارابالارینین، آرالارینداکی یاداِللی موزدلولرئنئن ضئدّئنه قیلینج گلسئن! هامیسی آرواد کئمی اولاجاقلار. خزئنه‌لرئنئن ضئدّئنه قیلینج گلسئن! اونلار قارت ادئله‌جکلر.
[38] سولارینا قوراقلیق گلسئن! اونلار قورویاجاقلار. چونکی بابئل، بوتلر اؤلکه‌سی‌دئر، قورخولو بوتلر اوزوندن، دَلی اولاجاقلار.
[39] بونا گؤره ده اورادا چؤل حیوانلاری، چاقّاللار، بایقوشلار یاشایاجاق، داها ائنسان یاشامایاجاق، نسئلدن نسله اورادا هچ کس ساکئن اولمایاجاق.
[40] سودوملا گومورانی و اطرافینداکی کَندلری تاری نجه داغیتدی،» رب بویورور. «اورادا کئمسه یاشامایاجاق، او یرده هچ کس ساکئن اولمایاجاق.
[41] باخ، شئمالدان بئر خالق گلئر؛ دونیانین اوزاق یِرلرئندن بؤیوک بئر مئلّت و چوخلو پادشاهلار قالخیر.
[42] اونلار اوخ-کامان و نئزه ائله سئلاحلانمیش؛ قدّار و رحمسئزدئرلر. آتلارین اوستونده گلرکَن، سَسلری دهنز کئمی گورلاییر. دؤیوشه حاضیر دؤیوشچولر کئمی قاباغیندا دوزوله‌جکلر کی، سنه هوجوم اتسئنلر. ای بابئل قیزی!
[43] بابئل پادشاهی اونلارین خبرئنی اشئدئب، اَل‌لری یانلارینا دوشوب. دوغان آرواد کئمی اونو آغری و سانجی توتوب.
[44] باخ، آصلان نجه اوردون چایینین کنارینداکی سیخ مِشه‌دن یاخشی سولانان اوتلاغا چیخیب گلئر، من ده بابئللی‌لری بئر آندا اؤز یوردوندان قوواجاغام. سِچئلمئش اولان کئمدئر کی، اونو بو ائشه رهبر قویوم؟ منئم کئمئسی مگر وار؟ منئمله کئم موبارئزه اده بئلر؟ منئم قاباغیمدا دوران بئر چوبان مگر وار؟»
[45] بونا گؤره ده ربّئن بابئله ضئدّ فئکرئنی، کَلدانئلرئن اؤلکه‌سئنه ضئدّ مقصدئنی اِشئدئن: «سورونون لاپ کئچئکلری ده اسئر ادئله‌جک، خالقینا گؤره اوتلاقلاری صحرایا چِوئره‌جک.
[46] ”بابئل اَله کچئرئلدی“ سَسئندن یر اوزو تئتره‌یه‌جک، مئلّتلر آراسیندا اونون فریادی اِشئدئله‌جک.»