[1] پادشاه صئدقئیا مَلکئیا اوغلو پَشخورو و مَعَسِیا اوغلو کاهئن صِفَنیانی اِرِمیا‌نین یانینا گؤندَ‌ره‌نده، ربّئن سؤزو اِرِمیایا نازئل اولدو. اونلار دِمئشدئلر:
[2] «گل، بئزئم طرفئمئزدن ربدن سوروش. چونکی بابئل پادشاهی نِبوکَد نِصّر بئزه هوجوم گتئرئر. بلکه رب کچمئشده اتدئیی مؤجوزه‌لره بَنزه‌ر بئزه بئر شی اِدَر و نِبوکَد نِصّر بئزدن اَل چکر؟»
[3] لاکئن اِرِمیا اونلارا جاواب وردی: «صئدقئیایا دیئن کی،
[4] ائسرایئلئن تاریسی رب بله بویورور: ”اَلئنئزده اولان موحارئبه سئلاحلارینی کی، اونونلا دووارلارین او طرفئنده سئزی موحاصئره‌یه آلان بابئل پادشاهی و کَلدانئلرله ساواشیرسینیز، گری ساخلایاجاغام. سئلاحلارینیزی بو شهرئن اورتاسینا بئر یِره ییغاجاغام.
[5] من اؤزوم سئزئن ضئدّئنئزه اَل قالدیراجاغام، گوجلو قولوملا، قیض، قضب و بؤیوک حئدّتله سئزئنله ووروشاجاغام.
[6] بو شهرده یاشایان ائنسانی دا، حیوانی دا محو اده‌جیم. اونلار شئدّتلی وبادان اؤله‌جکلر.“
[7] رب بویورور: ”بوندان سونرا یهودا پادشاهی صئدقئیانی و اعیانلارینی، هم ده بو شهرده وبادان، قیلینجدان و آجلیقدان صاغ قالانلاری بابئل پادشاهی نِبوکَد نِصّره و جانلارینی آلماق ائسته‌ین دوشمنلرئنه تسلئم اده‌جیم. او، اونلاری قیلینج آغزینا وره‌جک، اونلارا نه رحم، نه شَفقَت، نه ده مرحمت گؤرسده‌جک.“
[8] بوندان علاوه، بو خالقا دِه: رب بله دیئر: ”باخ، حیات یولونو و اؤلوم یولونو قاباغینیزا قویورام.
[9] بو شهرده قالان قیلینج، آجلیق و وبادان اؤله‌جک. لاکئن کئم باییرا چیخیب سئزی موحاصئره‌یه آلان کَلدانئلره تسلئم اولسا، صاغ قالاجاق، هچ اولماسا اؤز جا‌نینی قورتاراجاق.
[10] بو شهره یاخشیلیق یوخ، پئسلئک اتمه‌یه نئیّت اتمئشم.“ رب بویورور. ”بورا بابئل پادشاهینا تسلئم ادئله‌جک، او دا بورانی یاندیریب یاخاجاق.“
[11] یهودا پادشاهینین عایئله‌سئنه دِه: ربّئن سؤزونو اِشئدئن؛
[12] ای داوود نسلی، رب بله دیئر: ”هر سحر عدالتله رفتار ادئن، مظلومو ظالئمئن اَلئندن قورتارین. یوخسا پئس عمل‌لرئنئزه گؤره قضبئم اود کئمی چیخیب یاندیراجاق، اونو سؤندورن اولمایاجاق.“
[13] رب بویورور: ”من سنه ضئدّم، ای وادئنئن اوستونده‌کی یایلادا اولان قایادا اوتوران اورشلئم!“ سئز دیئرسئنئز: ”اوستوموزه کئم گله بئلر؟ یاشادیغیمیز یِرلره کئم گئره بئلر؟“
[14] رب بویورور: ”من سئزی عمل‌لرئنئزئن بهره‌سئنه موطابئق جزالاندیرجاغام. مِشه‌لرئنئزه بئر اود سالاجاغام کی، اطرافینداکی هر شیی یاندیریب یوخ اده‌جک.“»