[1] رب بویورور: «وای او چوبانلارین حالینا کی، اوتلاغیمین قویونلارینی محو ادئرلر، اونلاری داغیدیرلار!»
[2] بونا گؤره ده ائسرایئلئن تاریسی رب خالقیمی اوتاران چوبانلارین ضئدّئنه بله دیئر: «سئزسئنئز کی، منئم سورومو پَرَن-پَرَن سالیب قووورسونوز. سئزسئنئز کی، اونلارین قیدئنه قالمیرسینیز. ائندی من ده اتدئیئنئز عمل‌لرئنئزئن پئسلئیئنه گؤره سئزی تنبه اده‌جیم.» رب بویورور.
[3] «سورومون قالانلارینی، اسئر اتدئیئم بوتون اؤلکه‌لردن ییغیب توپلایاجاغام، اونلاری گئنه اوتلاقلارینا قایتاراجاغام و تؤره‌یئب چوخالاجاقلار.
[4] اوستلرئنه چوبانلار قویاجاغام کی، اونلاری اوتارسینلار. داها قورخوب دهشته دوشمه‌یه‌جکلر، بئری ده ائتمیه‌جک.» رب بویورور.
[5] «باخ، او گونلر گلئر کی، داوود اوچون صالح بئر شاخه یِتئشدئره‌جیم. اله بئر پادشاه کی، حئکمتله پادشاهلیق اده‌جک، اؤلکه‌ده عدالتله، صالحلئکله عمل اده‌جک.» رب بویورور.
[6] اونون دؤورونده یهودا خئلاص اولاجاق، ائسرایئل اَمئن-آمانلیقدا یاشایاجاق. او «رب صالحلئیئمئزدئر» چاغیریلاجاقدیر.
[7] بونا گؤره ده رب بویورور: «او گونلر گله‌جک کی، ائنسانلار آرتیق دمیه‌جکلر: ”او ربّئن وارلیغینا آند اولسون کی، ائسرایئل اؤولادلارینی مئصئر تورپاغیندان چیخارتدی.“
[8] لاکئن دئیه‌جکلر: ”او ربّئن وارلیغینا آند اولسون کی، ائسرایئل اؤولادلارینی شئمال اؤلکه‌سئندن و اسئر اتدئیی بوتون باشقا اؤلکه‌لردن چیخارتدی.“ او واخت اونلار اؤز تورپاقلاریندا یاشایاجاقلار.»
[9] پیغمبرلر حاقّیندا: اوره‌یئم ائچئمده پارچالانیب، بوتون سوموکلرئم تئتره‌‌یئر. ربّه گؤره، اونون موقدّس سؤزلرئنه گؤره بئر مست کئمی‌یَم، شرابا آلوده اولان آدام کئمی‌یَم.
[10] اؤلکه زئناکارلارلا دولودور، لعنته گؤره یِر یاس توتور. چؤلده‌کی اوتلاقلار قورویور، پیغمبرلر پئس یولا دوشوب. گوجلرئنی حاقسیزجا صرف ادئرلر.
[11] رب بویورور: «هم پیغمبر، هم ده کاهئن تاریسیزدیر، اونلارین پئسلئکلرئنی حتّا معبدئمده ده تاپیرام.
[12] بونا گؤره گتدئکلری یول سوروشکَن اولاجاق؛ قارانلیغا قووولوب اورادا ییخیلاجاقلار. جزالاناجاقلاری ائل، باشلارینا فلاکت گتئره‌جیم.» رب بویورور.
[13] «سامئره پیغمبرلری آراسیندا بو ائیرنج ائشی گؤردوم: بَعَلئن آدی ائله نبئلئک ادئب خالقیم ائسرایئلی یولدان آزدیردیلار.
[14] اورشلئمئن پیغمبرلری آراسیندا قورخولو بئر شی گؤردوم: زئنا ادئرلر، یالان دالینجا گدئرلر. پئس آداملارین قولونا گوج ورئرلر. بله‌جه هچ کس پئسلئیئندن دؤنمور. هامیسی منئم اوچون سودوم کئمی، اورشلئم ساکئنلری، گومورا کئمی‌دئر.»
[15] بونا گؤره ده قوشونلار ربّی پیغمبرلر حاقّیندا بله دیئر: «من اونلارا یووشان یِدئرده‌جیم، زَهَرلی سو ائچئرده‌جیم. چونکی تاریسیزلیق اورشلئمئن پیغمبرلرئندن بوتون اؤلکه‌یه یاییلیب.»
[16] قوشونلار ربّی بله دیئر: «سئزئن اوچون نبئلئک ادن پیغمبرلرئن سؤزونه قولاق آسمایین. اونلار سئزی بوش اومئدلرله دولدورورلار. ربّئن آغزیندان چیخانلاری یوخ، اؤزلرئنئن فئکئرلرئندن چیخان رؤیالاری دیئرلر.
[17] اونلار منه خور باخانلارا دیئرلر: ”رب دیئر: سئزئن اوچون اَمئن-آمانلیق اولاجاق.“ اورَکلرئنئن عئنادکارلیغی دالینجا دوشَنلره ده دیئرلر: ”اوستونوزه فلاکت گلمیه‌جک.“
[18] لاکئن اونلارین هانسی بئری ربّئن سؤزونو آنلاییب اشئتمک اوچون مگر ربّئن مجلئسئنده دوروب؟ اونون سؤزونه قولاق آسیب؟
[19] باخ، ربّئن طوفانی قضبله قوپاجاق، طوفان فیرلانیب پئس آداملارین باشیندا پارتلایاجاق.
[20] ربّئن قضبی سؤنمیه‌جک، اوره‌یئنئن ائسته‌ئیئنی اده‌نه قدر، مگر او زامان کی، اوره‌یئنئن ائسته‌یئنی تامام-کامال یرئنه یتئرسئن. گله‌جک گونلرده بونو آچیق-آشکار آنلایاجاقسینیز.
[21] بو پیغمبرلری من گؤندَ‌رمه‌دئم، آمّا سؤزلری ائله اورا-بورا قاچیبلار. اونلارلا دانیشمادیم، لاکئن نبئلئک ادئبلر.
[22] آمّا اگر اونلار مجلئسئمده دورسایدیلار، سؤزلرئمی خالقیما چاتدیراردیلار. پئس یوللاریندان، شر عمل‌لرئندن خالقی چکئندئرَردئلر.»
[23] رب بویورور: «مگر من آنجاق یاخیندا اولان تارییام، اوزاقدا اولان تاری دیئلم؟
[24] کئمسه مگر گئزلی یِرلرده گئزلنه بئلر کی، من اونو گؤره بئلمه‌یئم؟» رب بویورور. «یِری، گؤیو من مگر دولدورمورام؟» رب بویورور.
[25] «منئم آدیمدا یالان دئین پیغمبرلرئن سؤزلرئنی اشئتمئشم: دیئرلر: ”یوخو گؤردوم، یوخو گؤردوم!“
[26] نه واختا قدر یالان دئین، اؤز اورَکلرئنئن اویدورمالارینی بئلدئرَن پیغمبرلر بو ائشله مشغول اولاجاقلار؟
[27] اونلار ظنّ ادئرلر کی، بئربئرلرئنه دانیشدیقلاری یوخولارلا خالقیما آدیمی یاددان چیخارتدیراجاقلار، نجه کی، آتالاری بَعَل بوتونه گؤره آدیمی یاددان چیخارتدیلار.
[28] یوخو گؤرَن پیغمبر، یوخوسونو دانیشسین. آمّا سؤزوم اونا نازئل اولان آدام قوی اونو صداقتله دسئن. داها بوغدانین یانیندا سامان نه‌دئر؟» رب بویورور.
[29] «منئم سؤزوم مگر بئر اود کئمی دیئل؟ مگر قایالاری پارچالایان گورز کئمی دیئل؟» رب بویورور.
[30] «بونا گؤره ده من بو پیغمبرلره کی، سؤزلرئمی بئربئرلرئندن اوغورلاییر، ضئدّم.» رب بویورور.
[31] «بلی، من بو پیغمبرلره ضئدّم. اونلار اؤز دئل‌لرئنی تَرپه‌دئب لاکئن دیئرلر: ”رب بله دیئر.“» رب بویورور.
[32] «دوغرودان دا من یالانچی یوخولار گؤروب نبئلئک ادنلره ضئدّم.» رب بویورور. «اونلار بو یوخولاری دا‌نیشیب یالانلاری و بوش لووغالیقلاری ائله خالقیمی یولدان آزدیریرلار. اونلاری من گؤندَ‌رمه‌دئم، اونلاری من تعیئن اتمه‌دئم. بو خالقا هچ فایدالاری یوخدور.» رب بویورور.
[33] «اگر بو خالقدان بئری و یا بئر پیغمبر یا دا بئر کاهئن سندن سوروشسا: ”ربّئن کلامی نه‌دئر؟“ اونلارا دِه: ”نه کلام؟ من سئزی آتاجاغام.“ رب بویورور.
[34] اگر بئر پیغمبر یا کاهئن و یا هر هانسی بئر شخص ائدّئعا اتسه: ”ربّئن کلامی بودور.“ من او آدامی اونون عایئله‌سی ائله برابر جزالاندیرجاغام.
[35] هر بئرئنئز اؤز یولداشینیزا، اؤز قوحوملارینیزا گرک بله دئیه‌سئنئز: ”رب نه جاواب ورئر؟ و یا رب نه دیئر؟“
[36] بئر داها ربّئن کلامینی آغیزا گتئرمیه‌جکسئنئز، چونکی هر کسئن سؤزو اؤزونه کلام اولاجاق. بونونلا سئز وار اولان تارینین، قوشونلار ربّئنئن، تاریمیزین سؤزلرئنی تحرئف ادئرسئنئز.
[37] پیغمبره بله دِه: ”رب سنه نه جاواب ورئر؟ و یا رب سنه نه دیئر؟“
[38] گرچی دیئرسئنئز: ”ربّئن کلامی‌دیر“، رب بله بویورور: ”ربّئن کلامی‌دیر“ دیئب بو سؤزدن ائستئفاده اتدئنئز، حال بو کی من سئزه دِمئشدئم ”ربّئن کلامی‌دیر“ دِمه‌‌یئن.
[39] بونا گؤره ده سئزی کامئل یاددان چیخارداجاغام، هم سئزی حوضورومدان ردّ اده‌جیم، هم ده سئزه و آتالارینیزا وردئیئم شهری.
[40] اوستونوزه یاددان چیخاردیلمایان بی‌آبیرچیلیق، ابدی روسوایچیلیق گتئره‌جیم.»