[1] بونلار خئلقئیا اوغلو اِرِمیانین سؤزلری‌دئر کی، عَناتوتدا یاشایان کاهئنلردن بئری ائدی. عَناتوت بِنیامئن تورپاغیندا ائدی.
[2] یهودا پادشاهی آمون اوغلو یوشئیانین دؤورونده، اونون پادشاهلیغینین اون اوچونجو ائلئنده، اِرِمیایا ربّئن سؤزو نازئل اولدو.
[3] بو، یهودا پادشاهی یوشئیا اوغلو یِهویاقئمئن دؤوروندن یهودا پادشاهی یوشئیا اوغلو صئدقئیانین پادشاهلیغینین اون بئرئنجی ائلئنئن آخیریناجاق داوام وردی، اِله کی، بِشئنجی آیدا اورشلئم اهالئسی اسئرلئیه آپاریلدی.
[4] منه ربّئن بو سؤزو نازئل اولدو:
[5] «من سنه آنانین بطنئنده شکئل ورمه‌دن قاباق سنی تانیدیم، دوغولمامیشدان قاباق سنی تقدئس اتدئم. من سنی مئلّتلره پیغمبر تعیئن اتمئشم.»
[6] او واخت من ددئم: «آه، یا پروردئگار رب! باخ، منئم دانیشیق قابئلئیّتئم یوخدور، چونکی حله جاوانام.»
[7] آمّا رب منه ددی: «سن ”جاوانام“ دِمه. چونکی سنی کئمئن یانینا گؤندَ‌رسَم، گده‌جکسن، سنه نه امر اتسَم، اونو دئیه‌جکسن.
[8] آداملاردان قورخما، چونکی سنی قورتارماق اوچون من سنئنله وارام.» رب بویورور.
[9] او زامان رب اَلئنی اوزاتدی و آغزیما توخونوب منه ددی: «باخ، سؤزلرئمی سنئن آغزینا قویموشام.
[10] باخ، بو گون سنی مئلّتلر و اؤلکه‌لر اوستونه تعیئن اتمئشم کی، اونلاری کؤکوندن ییخیب داغیداسان، قیریب محو اده‌سن، تئکئب اَکه‌سن.»
[11] ربّئن سؤزو منه نازئل اولوب ددی: «ای اِرِمیا، نه گؤرورسن؟» من ددئم: «بادام آغاجینین بئر بوداغینی گؤرورم.»
[12] او واخت رب منه ددی: «دوز گؤروبسن. چونکی من سؤزومو یرئنه یتئرمکده ساییغام.»
[13] ربّئن سؤزو ائکئنجی دفه منه نازئل اولوب ددی: «نه گؤرورسن؟» من ددئم: «قاینار بئر قازان گؤرورم کی، شئمالدان بو طرفه یؤنه‌لئب.»
[14] او واخت رب منه ددی: «بو اؤلکه‌ده یاشایانلارین هامیسینین اوستونه شئمالدان بلا یاغاجاق.
[15] چونکی باخ، من شئمال اؤلکه‌لرئنئن بوتون طایفالارینی چاغیریرام.» رب بویورور؛ «اونلارین هر بئری گلئب اؤز تختئنی اورشلئم دروازالارینین گئرئشئنده، اونون بوتون اطرافیندا اولان دووارلارینین ضئدّئنه، و بوتون یهودا شهرلرئنئن ضئدّئنه قوراجاق.
[16] بوتون پئسلئکلرئنه گؤره اونلارین ضئدّئنه حؤکملرئمی بئلدئره‌جیم. چونکی مندن اوز دؤندَ‌رئب باشقا آللاهلارا بوخور یاندیریبلار و اؤز اَللرئنئن ائشلرئنه سجده ادئبلر.
[17] سنه گلئنجه؛ ائندی سن بِلئنی قورشاییب چیخ، سنه امر اده‌جیئم بوتون شیلری اونلارا دِه. اونلاردان دهشته دوشمه، یوخسا من ده سنی اونلارین قاباغیندا دهشته سالارام.
[18] باخ، من، بلی من بو گون سنی بوتون اؤلکه‌نئن، یهودا پادشاهلارینین، بو یِرئن باشچیلارینین، کاهئنلرئنئن و خالقینین ضئدّئنه قالالی شهر، دمئر سوتون، و بورونج دووار اتمئشم.
[19] اونلار سنئنله ووروشاجاقلار، لاکئن گوجلری چاتمایاجاق، چونکی سنی قورتارماق اوچون من سنئنله وارام.» رب بویورور.