[1] عَمّون اؤولادلاری باره‌ده رب بله دیئر: «ائسرایئلئن مگر اوغوللاری یوخدور؟ مگر اونون وارئثی یوخدور؟ بس نه اوچون مولِک جادا صاحئب اولوب؟ نئیه اونون خالقی جاد شهرلرئنده یاشاییر؟
[2] آمّا او گونلر گلئر کی، عَمّون اؤولادلارینین رَبّا شهرئنه دؤیوش نعره‌لری اشئتدئره‌جیم.» رب بویورور. «رَبّا بئر خارابالیق قالاغی اولاجاق، اطرافینداکی قصبه‌لری یاندیریلاجاق. سونرا ائسرایئل، اونو تورپاغیندان قووانلاری، قوواجاق.» رب بله دیئر.
[3] «شئون ات، ای خِشبون، چونکی عای شهری وئران اولوب. فریاد ادئن، ای رَبّا قیزلاری، چولا بورونوب یاس توتون؛ دووارلار آراسیندا اورا-بورا قاچین. چونکی مولِک کاهئنلر و باشچیلاری ائله بئرلئکده سورگونلویه گده‌جک.
[4] دره‌لرله نه اوچون فخر ادئرسن؟ ثمرلی اولان دره‌لرئنله؟ ای دؤنوک قیز! سن مال-دؤولتئنه اعتئماد ادئب دیئرسن: ”اوستومه کئم گله بئلر؟!“
[5] باخ، اطرافیندا اولانلارین هامیسیندان سنئن اوستونه دهشت گتئره‌جیم.» قوشونلار ربّی اولان پروردئگار بویورور. «هامی او یان بو یانا قاچاجاق، قاچانلاری ییغان اولمایاجاق.
[6] لاکئن بوندان سونرا اسئر اولونان عَمّون اؤولادلارینی گری قایتاراجاغام.» رب بویورور.
[7] اِدوم باره‌ده قوشونلار ربّی بله دیئر: «تِیمان شهرئنده حئکمت مگر قالماییب؟ آغیلّی آداملارین نصئحتی مگر یوخ اولوب؟ اونلارین حئکمتی مگر سؤنوب؟
[8] آرخایا دؤنون، قاچین، درئنلئکلره سیغینین، ای دِداندا یاشایانلار! چونکی عئسونو تنبه اتدئیئم واخت اونون باشینا فلاکت گتئره‌جیم.
[9] اگر باغینا اوزوم ییغانلار گلسَیدئلر، مگر بئر نچه سالخیم بوراخمازدیلار؟ اگر گجه اوغرولار گلسَیدئلر، مگر فقط اؤز ائسته‌دئکلرئنی اوغورلامازدیلار؟
[10] لاکئن من عئسونو چیل-چیلپاق سویوندوراجاغام؛ اونون گئزلی یِرلرئنی آشکار اده‌جیم، اِله کی، گئزلَنه بئلمه‌سئن. اؤولادلاری، قوحوم-قونشولاری هلاک اولاجاقلار، اؤزو ده آرتیق اولمایاجاق.
[11] اؤز یِتئملرئنی بوراخ، اونلاری من یاشادارام. دول آروادلارین دا منه بِل باغلایا بئلرلر.»
[12] رب بله دیئر: «اگر لایئق اولمایانلار، جزا کاساسی ائچمک مجبورئیّتئنده‌دئرلر، بس نئیه سن جزاسیز قالاسان؟ یوخ، جزاسیز قالمایاجاقسان، بو کاسادان ائچمه‌لی‌سن.»
[13] رب بویورور: «آدیم آدینا آند ائچئرم کی، بوصرا خارابالیغا چِورئله‌جک، حیرت، روسوایچیلیق، وئرانه‌لئک و لعنت هدفی اولاجاق؛ بوتون شهرلری ابده‌جک وئران قالاجاق.
[14] ربدن بئر خبر اشئتمئشم: مئلّتلر آراسینا قاصئد گؤندَ‌رئلئب کی، دسئن: ”اِدوما هوجوم اتمک اوچون ییغیلین، دؤیوشه حاضیرلاشین!“
[15] باخ، من سنی مئلّتلر آراسیندا کئچئک اده‌جیم، ائنسانلار سنه خور باخاجاقلار.
[16] سالدیغین دهشت و اوره‌یئنده‌کی کئبئر سنی آلداتدی. سن کی قایا چاتلاقلاری آراسیندا یاشاییرسان، تپه‌لرئن باشینی اؤز اَلئنده ساخلاییرسان. یووانی قارتال کئمی اوجالاردا قورسان دا، سنی اورادان اِندئره‌جیم.» رب بویورور.
[17] «اِدوم حیرت هدفی اولاجاق، اورادان کچن هر کس، بوتون یارالاریندان اؤتری، حیرت ائچئنده اونا فئت چالاجاق.»
[18] رب دیئر: «سودوملا گومورانی و اطرافینداکی کَندلری نجه داغیتدیم، اورادا دا کئمسه یاشامایاجاق، او یرده هچ کس ساکئن اولمایاجاق.
[19] باخ، آصلان نجه اوردون چایینین کنارینداکی سیخ مِشه‌دن یاخشی سولانان اوتلاغا چیخیب گلئر، من ده اِدوملولاری بئر آندا اؤز یوردوندان قوواجاغام. سِچئلمئش اولان کئمدئر کی، اونو بو ائشه رهبر قویوم؟ منئم کئمئسی مگر وار؟ منئمله کئم موبارئزه اده بئلر؟ منئم قاباغیمدا دوران بئر چوبان مگر وار؟»
[20] بونا گؤره ده ربّئن اِدومون ضئدّئنه اولان فئکرئنی، تِیماندا یاشایانلارین ضئدّئنه اولان مقصدئنی اِشئدئن: «سورونون لاپ کئچئکلری ده اسئر ادئله‌جک، خالقینا گؤره اِدوم اوتلاقلارینی صحرایا چِوئره‌جک.
[21] داغیلمالارینین گورولتوسوندن یر اوزو تئتره‌یه‌جک. قیشقیریقلارینین سَسی قیرمیزی دهنزه‌جک اِشئدئله‌جک.»
[22] باخ! بئر قارتال قالخیب اوستونه جوماجاق، بوصرا اوستونده قانادلارینی آچاجاق. او گون اِدوم دؤیوشچولرئنئن اوره‌یی دوغوش آغریسی چکن آروادین اوره‌یی کئمی اولاجاق.
[23] بو سؤزلر دَمَشق باره‌ده‌دئر: «خَمات و اَرپاد اوتانیرلار، چونکی پئس خبر اشئدئبلر. اورَکلری اوزولوب. ساکئت دورمایان دهنز کئمی جوشوب ناراحاتدیرلار.
[24] دَمَشق طاقتدن دوشوب، قاچماغا اوز قویوب، واهئمه اونو بورویوب؛ دوغان آرواد کئمی اونو سانجی و آغری توتوب.
[25] نجه اولدو کی، منی سِوئندئرَن، شؤهرتلی شهر ترک ادئلمه‌یئب؟
[26] بونا گؤره ده، جاوانلاری میدانلاریندا یِره سَرئله‌جک. او گون بوتون دؤیوشچولری سوسدورولاجاق.» قوشونلار ربّی بویورور.
[27] «دَمَشقئن دووارلارینا اود سالاجاغام، بِن-هَدادین سارایلارینی یاندیریب محو اده‌جک»
[28] بابئل پادشاهی نِبوکَدنِصّرئن مغلوب اتدئیی قِدار و خاصور پادشاهلیقلاری باره‌ده رب بله دیئر: «قالخین، قِدارا هوجوم ادئن، شرق خالقینی محو ادئن.
[29] اونلارین چادیرلارینی و سورولرئنی اَللرئندن آلاجاقلار؛ چادیر پرده‌لری، بوتون اشیالاری و دَوه‌لری گؤتورولوب آپاریلاجاق. اونلارا ”هر طرفدن دهشت!“ دیئب باغیراجاقلار.
[30] ای خاصوردا یاشایانلار، قاچین، اوزاقلاشین، درئنلئکلره سیغینین.» رب بویورور. «چونکی بابئل پادشاهی نِبوکَدنِصّر سئزئن ضئدّئنئزه قصد قوروب، سئزئن ضئدّئنئزه تدبئر تؤکوب.
[31] قالخین، راحات و آسایئش ائچئنده یاشایان خالقین اوستونه هوجوم ادئن.» رب بویورور. «اونلارین شهر دروازالاری و سورگولری یوخدور، خالقی دا تک باشینا یاشاییر.
[32] دَوه‌لری قارت ادئله‌جک، سایسیز سورولری قنئمت آپاریلاجاق. کَکئل‌لرئنی قیرخانلاری دؤرد طرفه سَپه‌لَیه‌جیم. هر یاندان باشلارینا فلاکت گتئره‌جیم.» رب بویورور.
[33] «خاصور چاقّال یوواسینا، ابدی وئرانه‌لئیه چِورئله‌جک. اورادا کئمسه یاشامایاجاق؛ او یرده هچ کس ساکئن اولمایاجاق.»
[34] یهودا پادشاهی صئدقئیانین پادشاهلیغینین اوّلئنده، رب اِرِمیا پیغمبره عِیلام باره‌ده بو سؤزلری نازئل اتدی:
[35] «قوشونلار ربّی بله دیئر: ”باخین، عِیلامین کامانینی، اَساس قووّه‌لرئنی سیندیراجاغام.
[36] عِیلام اوستونه گؤیلرئن دؤرد طرفئندن دؤرد کوله‌یی گتئره‌جیم، خالقینی دؤرد کوله‌یئن اَلئنه ورئب سَپه‌لَیه‌جیم. اِله بئر مئلّت اولمایاجاق کی، عِیلام سورگونلری آرالارینا گتمه‌مئش اولسون.
[37] دوشمنلرئنئن قاباغیندا، جانلارینی آلماق ائسته‌ینلرئن قاباغیندا، عِیلامی دهشته سالاجاغام. باشلارینا فلاکت گتئرئب شئدّتلی قضبئمی یاغدیراجاغام.“ رب بویورور. ”اونلاری یوخ ادنه قدر آرخالارینجا قیلینج گؤندَ‌ره‌جیم.
[38] عِیلامدا تختئمی قوراجاغام، عِیلام پادشاهی ائله باشچیلارینی محو اده‌جیم.“ رب بویورور.
[39] ”لاکئن گله‌جکده عِیلامدان اسئر اولونانلاری گری قایتاراجاغام.“ رب بویورور.»