[1] یهودا پادشاهی صئدقئیانین پادشاهلیغینین اونونجو ائلئنده کی، نِبوکَدنِصّرئن پادشاهلیغینین اون سکّئزئنجی ائلی ائدی، ربدن اِرِمیایا بو سؤز نازئل اولدو.
[2] بو زامان بابئل پادشاهینین قوشونو اورشلئمی موحاصئره‌یه آلمیشدی. اِرِمیا پیغمبر یهودا پادشاهینین سارایینداکی کشئکچئلر حیطئنده محبوس ائدی.
[3] یهودا پادشاهی صئدقئیا اونو بورادا حبس اده‌رَک دمئشدی: «سن نه اوچون بو جور نبئلئک ادئب دیئرسن: رب بله دیئر: ”باخ، بو شهری بابئل پادشاهینا تسلئم اده‌جیم، او بورانی اَله کچئرده‌جک.
[4] یهودا پادشاهی صئدقئیا کَلدانئلرئن اَلئندن قاچیب قورتارمایاجاق، قطعن بابئل پادشاهینا تسلئم ادئله‌جک. اونونلا اوز-اوزه صؤحبت اده‌جک، گؤز-گؤزه دایاناجاق.
[5] صئدقئیا بابئله آپاریلاجاق، و من اونون ائشئنه باخاناجاق اورادا قالاجاق. اگر کَلدانئلرله ووروشاسینیز، اوغور قازانمایاجاقسینیز؟“ رب بویورور.»
[6] اِرِمیا ددی: «منه ربّئن بو سؤزو نازئل اولدو:
[7] ”باخ، سنئن عَمئن شَلّوم اوغلو خَنه‌مِل، سنئن یانینا گلئب دئیه‌جک: عَناتوتداکی زَمئمی ساتین آل. چونکی سن منئم لاپ یاخین قوحومومسان و زَمئمی ساتین‌آلما حاقّی سنئندئر و سنئن وَظئفَندئر.“
[8] سونرا، ربّئن ددئیی کئمی، عَمئم اوغلو خَنه‌مِل کشئکچئلر حیطئنده یانیما گلئب ددی: ”بِنیامئن بؤلگه‌سئنده اولان عَناتوتداکی زَمئمی ساتین آل. چونکی مئراث حاقّی دا، قَیّوملوق حاقّی دا سنه عاییددیر. اونو اؤزون اوچون ساتین آل.“ او زامان بئلدئم کی، بو سؤز ربّئن طرفئندن‌دئر.
[9] بله‌جه عَناتوتداکی زَمئنی عَمئم اوغلو خَنه‌مِلدن ساتین آلدیم. زَمئنئن عوضئنده اونا اون یدّی شِکِل گوموش چکئب وردئم.
[10] قباله‌نی چاغیردیغیم شاهئدلرئن حوضوروندا ائمضالاییب مؤهورله‌دئم، گوموشو تَره‌زئده چکدئم.
[11] قایدا-قانونلار یازیلمیش مؤهورلنمئش قباله‌نی و آچیق موقاوئله کاغیذینی گؤتوردوم.
[12] عَمئم اوغلو خَنه‌مِلئن، قباله‌نی ائمضالایان شاهئدلرئن و کشئکچئلر حیطئنده اوتوران بوتون یهودالی‌لارین گؤزو قاباغیندا، قباله‌نی مَخسِیا اوغلو نِرئیا اوغلو باروکا وردئم.
[13] اونلارین گؤزو قاباغیندا باروکا بله تعلئمات وردئم:
[14] ”ائسرایئلئن تاریسی اولان قوشونلار ربّی بله دیئر: بو مؤهورلنمئش قباله‌نی و آچیق موقاوئله کاغیذینی گؤتور و بئر گئل قابین ائچئنه قوی، اِله کی، اوزون بئر مودّت اوچون قالسین.“
[15] چونکی ائسرایئلئن تاریسی اولان قوشونلار ربّی بله دیئر: ”بو اؤلکه‌ده گئنه اِولر، زَمئلر و اوزوم باغلاری ساتین آلیناجاق.“
[16] قباله‌نی نِرئیا اوغلو باروکا وردئکدن سونرا ربّه دوعا ادئب ددئم:
[17] ”آه ای پروردئگار رب، بؤیوک گوجونله و اوزانان قولونلا یِری، گؤیو یارادیبسان. اده‌بئلمه‌یه‌جَیئن هچ بئر شی یوخدور.
[18] سن مئنلر آداما محبّت گؤرسدئرسن، آمّا آتالارین اتدئیی تقصئرلرئن عوضئنی اؤولادلاریندان آلیرسان. ای بؤیوک و گوجلو تاری کی، آدین قوشونلار ربّی‌دئر.
[19] نئیّتلرئن عظمتلی، ائشلرئن بؤیوکدور! بشرئن بوتون یوللاری سنئن نظرئن آلتیندادیر؛ هر کسه یوللارینا و اتدئکلرئنئن نتئجه‌سئنه گؤره عوض ورئرسن.
[20] سن مئصئرده، ائسرایئلده و بوتون ائنسانلار آراسیندا بو گونه قدر علامتلر و مؤجوزه‌لر گؤرستدئن. بو گون اولدوغو کئمی شؤهرت قازاندین.
[21] سن اؤز خالقین ائسرایئلی علامتلرله، مؤجوزه‌لرله، قووّتلی اَلئنله، اوزانان قولونلا بؤیوک دهشت ساچاراق مئصئر تورپاغیندان چیخارتدین.
[22] آتالارینا وره‌جیئنه آند ائچدئیئن بو تورپاغی، سود و بال آخان تورپاغی اونلارا وردئن.
[23] اونلار گلئب تورپاغی اؤزلرئنه مولک اتدئلر، آمّا سنئن سؤزونه قولاق آسمادیلار، سنئن قانونونو دا رئعایت اتمه‌دئلر؛ امر اتدئیئن شیلرئن هچ بئرئنه عمل اتمه‌دئلر. بونا گؤره ده بوتون بو فلاکتلری باشلارینا گتئردئن.
[24] گؤر شهر دووارلارینین یانینا نجه تورپاق قالاقلاری ییغیلیر کی، شهری اَله کچئرتسئنلر. شهر قیلینج، آجلیق و وبا اوزوندن اورایا هوجوم ادن کَلدانئلره تسلئم ادئله‌جک. ددئکلرئن یرئنه یِتئشدی، نجه کی، ائندی گؤرورسن!
[25] آمّا، ای پروردئگار رب، شهر کَلدانئلره تسلئم ادئله‌جیی حالدا، سن منه دیئرسن: زَمئنی گوموشله اؤزون اوچون ساتین آل و بونا شاهئدلر چاغیر.“»
[26] او واخت اِرِمیایا ربّئن بو سؤزو نازئل اولدو:
[27] «بوتون بشرئن تاریسی رب منم. منئم اده‌بئلمه‌یه‌جیئم بئر شی مگر وار؟
[28] بونا گؤره ده رب بله دیئر: ”باخ، من بو شهری کَلدانئلره و بابئل پادشاهی نِبوکَدنِصّره تسلئم اده‌جیم، او دا اورانی آلاجاق.
[29] شهره هوجوم ادن کَلدانئلر گلئب اورایا اود ووراجاقلار. شهری ده، اِولری ده یاندیراجاقلار. او اِولرئن داملاریندا بَعَلئن شرفئنه بوخور یاندیریب باشقا آللاهلارا مایع تقدئملری گتئره‌رک منی قضبلَندئرمئشدئلر.
[30] چونکی ائسرایئل و یهودا اؤولادلاری جاوانلیقلاریندان بَری همئشه گؤزومده پئس اولان ائشلر گؤروبلر. دوغرودان دا، ائسرایئل اؤولادلاری گؤردوکلری ائشلرله منی قضبلَندئرمکدن باشقا بئر شی اتمه‌یئبلر.“ رب بویورور.
[31] ”بو شهر تئکئلدئیی واختدان ائندئیه قدر منی او قدر قضبلَندئرئب کی، اونو حوضورومدان ردّ ادئب آتاجاغام.
[32] چونکی ائسرایئل و یهودا اؤولادلاری-اؤزلری، پادشاهلاری، باشچیلاری، کاهئنلری، پیغمبرلری، یهودادا و اورشلئمده یاشایانلار اتدئکلری بوتون پئسلئکلرله منی قضبلَندئرئبلر.
[33] اونلار منه اوزلرئنی یوخ، آرخالارینی چِوئردئلر؛ اونلاری دفه‌لرله اؤیرَتدئیئم حالدا، گئنه منه قولاق آسمادیلار و درس آلمادیلار.
[34] منئم آدیملا چاغیریلان معبده ائیرنج بوتلرئنی قویوب اورانی نجئسله‌دئلر.
[35] بِن‌هئنّوم دره‌سئنده بَعَل اوچون پرستئشگاهلار تئکدئلر کی، اوغوللارینی و قیزلارینی مولِک بوتونه قوربان اتسئنلر. من بله ائیرنج بئر شیی اتمه‌یی و یهودانی گوناها باتیرماغی نه اونلارا امر اتدئم، نه ده آغلیما گتئردئم.“
[36] سئز بو شهر باره‌ده دیئرسئنئز: ”قیلینج، آجلیق و وبا ائله بابئل پادشاهینا تسلئم ادئلئر.“ آمّا ائسرایئلئن تاریسی رب دیئر:
[37] ”اونلاری آلوولانان قضب و بؤیوک حئدّتله اسئر اتدئیئم بوتون اؤلکه‌لردن بئر یِره ییغاجاغام. اونلاری بورایا قایتاریب اَمئن-آمانلیق ائچئنده یاشامالارینا ائجازه وره‌جیم.
[38] اونلار منئم خالقیم اولاجاقلار، من ده اونلارین تاریسی اولاجاغام.
[39] اونلارا واحئد اورَک و واحئد حیات طرزی وره‌جیم کی، اؤزلرئنئن و اؤولادلارینین یاخشیلیغی اوچون منه همئشه حؤرمت اتسئنلر.
[40] اونلارلا ابدی بئر عهد باغلایاجاغام؛ اونلارا یاخشیلیق اتمکدن دؤنمه‌یه‌جیم، منه حؤرمت اتمه‌یی اونلارین اورَکلرئنه قویاجاغام، اِله کی، مندن هچ واخت آیریلماسینلار.
[41] اونلارا یاخشیلیق اتمکدن سِوئنه‌جیم. حقئقتن، بوتون اوره‌یئمله، بوتون جانیملا اونلاری بو اؤلکه‌ده اَکه‌جیم.“
[42] رب بله دیئر: ”بو خالقین باشینا بوتون بو بؤیوک فلاکتلری نجه گتئردئم، سؤز وردئیئم بوتون یاخشیلیقلاری دا اونلارا وره‌جیم.
[43] بو تورپاقدا کی، سئز اونو وئران اولموش، ائنسانسیز، حیوانسیز قالمیش، کَلدانئلره تسلئم اولونموش دیئرسئنئز، گئنه زَمئلر ساتین آلیناجاق.
[44] بِنیامئن بؤلگه‌سئنده، اورشلئم اطرافینداکی کَندلرده، یهودا شهرلرئنده، داغلیق بؤلگه‌نئن، هامار بؤلگه‌نئن و نِگِبئن شهرلرئنده زَمئلر گوموشله ساتین آلیناجاق، قباله‌لری شاهئدلرئن قاباغیندا ائمضالانیب مؤهورلَنه‌جک، چونکی اونلارین اسئر اولونموشلارینی گری قایتاراجاغام.“ رب بویورور.»